اااه يانوره حطيتي يدك ع الجرح وكتبتي موضوع من زمان مسبب لي ازمه نفسيه

مااحد متعقد من الهدايا كثري لدرجه ادعي من كل قلبي ان ماااحد يهدي لي شي

احنا عندنا لما تولدي لازم القريب لك يعني من اهلك خوال عمان بناتهم وكذا لازم تهدي 500 ريال او1000 او اقلها300 وهذي حسب قرب اللي بتهدين لها يعني لو من بنات الخاله ماتنقصين عن 1000 ريال

وياليتها بس ع المبلغ وترتاحين لو جيتي تزورين لازم تاخذين قهوه وشاي وحلويات وفطاير وتكلفك بحدود200
واهل امي اذا صارت النفاس واصله ل 30 يوم لازم نسوي لها عشاء قطه من 200 ونروح نعشيها

يعني تخيلي لما يصير عندك ثلاث او اربع حريم ولدو ورى بعض قسم بالله جتني فتره ابكي من القهر زوجي يقول مالي خص بالحريم يولدون ولايقعدون وانا ولدت مرتين وكل العالم قهوتني واهدت لي كرهت نفسي ويطالعون مستوى زوجي ومايعذروني

والله اخر شي قلت ماعاد بروح ل احد عشان لاحملت وولدت مابي احد يهدي لي احسها دين واحراج

وعندنا العروس لازم تهدين لها طقم ذهب

انا فيه وحده حرمه كبيره تحبني مرره هي ماتقرب لي بس من بعيد ل بعيد ودايم تهدي لي وهداياها مكلفه وربي تحرجني صرت اكره هداياها

مره شفتها بمناسبه وكنت من زمان عنها وانحرجت منها قمت عطيتها 500 لاني ملقوفه طبعا واخذت اسبوع الا وترسل لي 1000 وساعه الماس يمكن ب5000 وطقم عطورات والله انهبلت منها والحين جايه زياره عند بناتها وبتسافر بعد اسبوع وابي ازورها ولازم اشتري لها شي ولاادري وش اجيب لها احرجتني مره

الهدايا هالوقت اغلبها مجاملات وتكلف وتضيق ع الواحد مو زي اول والله نفرح بااي حاجه حتى الورد كان له قيمه كاانه ذهب

الله يعينك لازم تردين الجميل