يا حبيبتي
الله يكون بعونك لك حق ان تدلعي نفسك وان تصرفي على حالك مو حرام -- بالعكس حرام ان تحرمي نفسك
لكن انتي الله يكون في عونك عندك مسؤولايات الحين و الوضع غير الوضع
خصوصا عندك عملية ربي يقومك بالسلامة ويلبسك لباس العافية

حبيبتي الي صار صار وما منه فايدة تلومي حالك خلاص
انسي وتونسي بالي شريتيه لحالك --دلعي نفسك بدون غصة ولا شي

الجاي احسن ان شاء الله

حبيبتي ما شاء الله عليك عين العقل الحين - دام انك تفكري باختك و ان اخوك خلاص حطها هي براسه و ان شاء الله يلقى لها شغل وبعدها يفضى لك ولاولادك وما ينساكم ان شاء الله
ربي يحنن قلبه عليك وعلى اولادك

حبيبتي مثل ما نصحوك باقي الاعضاء --نعم النصيحة
حاولي تقدمي اوراقك على اي شركه قريبا منك ومناسبة لك
دوري لك على اي مصدر عمل --والرزق على الله --يرزقك ان شاء الله بالي يجبر خاطرك

وان شاء الله ربي يصلح حالك ويحنن قلب اخوك وما ينساك وما ينسى وعده لك


اما بخصوص سؤالك كيف تقنعيه
ادعي الله -ان الله يهديه لك - وحاولي تكلميه باللين ان يساعدك بوقت انتي تشوفي انه مناسب له وباله فاضي و مو مشغول

ما ادري اخوك متزوج --كيف علاقتك بزوجته

تقدري --ان كانت علاقتكم طيبة -- تكلميها تجس نبضه من ناحية وعوده لك

ربي يحنن قلوب العباد لك ويرزقك من فضله
ويجبر بخاطرك ويعوضك خير

لا تندمي على شي فاتك --ما عند الله خير وابقى

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~