السلام عليكم ورحمة الله وبركاته

انا انسانه متزوجه من سنتين وحامل الله يتمم لي بخير زوجي انسان حساس ويميل للنعومه وعطوف احيانا
وعيوبه شخصيته ضعيفه متلاعب واحس عنده كيد ولف دوران
حياتنا هاديه انا اعمل وهو يعمل اذا جلسنا مع بعض نسولف ونضحك نحب نتفرج على التي في مع بعض
علاقتي مع اهله ضعيفه جداااااا والسبب يرجع لمشاكلهم معاي زوجي حب يريح راسه وتقريبا قطع العلاقه بيننا وانا مرتاحه بس طبعا لازم نغزات لما تصير هوشه انه انتي قاطعه في اهلي

مشكلتي من ناحيه زوجي شاطر بالكلام بس انا احبك ومدري ايش افعال لا
نفسي من نفسه يسوي شي رومانسي طبعا مافي امل
حتى لما حملت عزمني في مطعم بس!!!!!
المشكله اللي اتعبت نفسيتي وعلاقتي معاه وعوده الكذابه وعدني يوديني مكه كم يوم وجلس يماطل سته شهور !!!!
وحجج فاضيه وكلام فاضي لو قال مافيه روحه وربي ارحم
المشكله اللي اعظم من كذا فيني انا احاول تذكر اشياء حلوه بيني وبينه طول الوقت كأني اغصب نفسي اشوف مميزاته وانسى عيوبه اتغاضى لدرجة البلاهه

وكل مره اسأل نفسي معقول هذا نصيبي من الدنيا انا انسانه جميله ومحبوبه ابغا واحد يدلعني بالافعال مو بس في الكلام بس شاطر احبك واموت فيكي ولو اقوله ابغا مشوار لازم ليش! وعشان ايش! ومايحتاج!

اخر شي خلاص خليه في وقت ثاني انا مو فاضي


مشاعري في الوقت الحالي صايره اتحسر على كل لحظه حلوه كانت بيننا واتمنى اتراجع عن كل ضحكه ضحكتها في وجهه وكل ابتسامه واشوف نفسي غبيه جدا اني كنت امثل دور زوجه السعيده لحد ماصدقت نفسي واقتنعت اني سعيده وانا بعيده كل البعد عن السعاده

احيانا اجلس مع نفسي الوم امي وابوي واحسهم هم السبب اني انسانه خياليه ومتساهله وارضى بالقليل مو مثل غيري من صديقاتي

حياتي مافيها لاورد ولا مناسبات ولا مفاجئات بس وش بتسوين عشاء يله تامرين على شي بروح للشباب

ادري كلامي ملخبط بس حبيت تسمعون قلبي وهو يتكلم بدون قيود

مرحبا مرام والله يتمم حملك على خير
شوفي ترى مافية زوج كامل يعني اللي
يودي زوجته ويدلعها من جهة من جهة ثانيه
تﻻقي علاقات ونقل اسرار وعلاقات وغيره
صارحي زوجك بالاشياء اللي تضايقك وﻻتخلي
في نفسك شي اذا وصلك مشوار سوي له مفاجأه
او مقلب او قولي نفسي بكفي تشربوها وانتو رايحين
يعني مشوار وتمشيه سوي له ليله رومانسيه وقولي المره الجايه دورك
تسوي لي مفاجئه
وترى النفسيه بالحمل لها دور
واذا مافي مانع اذا راح للشباب روحي ﻻهلك وصديقاتك واذا
رجع يمرك
ونصيحه علاقتك باهله لا تقطعيها نهائيا بين فتره وفتره روحي
بس ﻻتطولي وخلي المبادره منك افضل

حبيبتي مرام ربي يتمم امرك على خير ويرزقك ذرية طيبة تقر بها عينك
بالنسبة لزوجك .. ولست اهلا للنصيحة
امن المعقول لم تجدي قطرة من بحر افضاله؟؟
يكفيك أنه وقف بجوارك وأبعدك من أهله ولم يبقى بصفهم تشربين علقم أيامك بمعاملتهم
ألا يجلس معك يحادثك يضحك معك يستمع لك ..!! وهذه امور لم تحق لغيرك .. تمعني بحياتك حبيبتي مليا .. ولا تنسي أن شهور الحمل تزيدك عبأ من الضغط واليأس

__________________

حبيبتي مو المشاوير هذي واجبات !!!
كيف تبغيني اسوي له مفاجئه وليله رومانسيه عشان تفضل ووداني مشوار

انا ما اشوف يسوي لي مفاجئه لما اطبخ العشاء

ومن ناحيه علاقتي في اهله ازورهم مره بالشهر بس هو يبغاني كل اسبوع وهم ناس الله يعينهم على انفسهم

انا ماقلت هو مافيه مميزات فيه اشياءحلوه
بس انا متاكده انه يقدر يسعدني اكثر من كذا بس احس هو مايبغا

والله تعبت اشحذ منه المشوار شحاذه

تعوذي من ابليس.. تريك بنعمه منتي شايفتها زين يا اختي
انتي الان في مرحلة الاستكراه لهذا الزوج
والشيطان يجري من ابن ادم مجرى الدم
لو كان هذا الزوج سكير عربيد راعي بنات وخرابيط
كان تفكيرك تغير وكرهتي اللي فبطنك لان ابوه يصبحك بمصيبه ويمسيك مأساه


فنصيحتي لك حاولي تحلي بعض الاشكالات الطبيعيه بينكما بالحوار والتفاهم
ولا تظني ان هناك زوج مكتمل 100٪

__________________
ان انت اكرمت الكريم ملكته.. وان انت اكرمت اللئيم تمردَ!!

أحسنتَ يا صديقي..
وأضيف على هذا لو أنك عدلت وأصلحت من علاقتك مع أهله فسيتحسن لك كثيراً..

طبيعي جدا نفسيتك تكون كذا
دامك في فترة حمل لاتحسبين اي وحده حامل تكون نفسيتها عال العال لا والله
حبيبتي كونك بكريه بتجهلك امور كثيره في فترة الحمل
الحمل ينقسم ثلاث مراحل
المرحلة الاولى/ الشهور الثلاثه الاولى تكونين في (وحام) نفسية الحرمه تصير شييييينه وتسود الدنيا في عيونها (بسبب تلخبط االهرمونات)
المرحله الوسطى /تتحسن نفسيتك شوي وتحسين بطعم للحياة بس مايمديك تو نفسيتك منفتحه الا وتدخلين على
المرحله الاخيره /نفسيتك راح تصير دمار وخوف من هاجس الولاده وكل يوم طلوق كاذبه تهد حيلك وتعب وثقل



نصيحه من اخت لأختها :
تعلقي بربك واتركي عنك التعلق بالبشر لانهم ضعاف ومافي يديهم سعادتك
سعادتك وانا اختك بيد رب العالمين وحده سبحانه

__________________
علـق القَلب بـ الخالق وأجعل الحُب اﻷ‌عظم له
أما البشر فـَ غداً ربما تبغض من أحببت وتحب من أبغضت
فﻶ‌ تبالغ بـ مشاعرك وﻵ‌ تعلق قلبك بهم | ♥"

الله جان زين عندي زوجج

والله لاعيشه احلى عيشة










سوري حبيبتي بس حابة ابين لج ان زوجج فيه مواصفات قل ما تلقينها عند باقي الازواج

استوقفني موقف ان لما عرف انج حامل اعزمج بمطعم (((( وبس))))

هذا بحد ذاتها نعمة كبيرة

في وايد حريم غيرج يخافون يخبرون رياييلهم عشان ما يطلبون منهم ينزلونه

حمدي ربج يا اختي ترى والله النعمة زوالة

باجر يتغير عليج وتذكرين هالايام وتقولين راااااااضية فيها بس خلترجع

والا يروح منج عند غيرج

ويحترق قلبج ان الدلع والدلال مو لج

__________________
لا اله الا انت سبحانك اني كنت من الظالمين

أختي حاسة بألمك بحذافيره ﻷن اللي عندي عينة من اللي عندك..

هذه النوعيه حلها إنك تشوفي حسناته وتتناسي وتتغاضي عن سيئاته وارض به كما هو..

خذي نصيحة من أخت لا تتمادي ولا تتعمقي في التفكير ﻷنه بيوديك إلى بحر من اﻷلم النفسي لا قرار له..

حاولي تستغلي المواقف والظروف لصالحك ما أمكن..ﻷنه من نفسه ماراح يعطيك شي..

جربي تكوني وراه وراه طبعا بالحد المعقول مرة بالتذكير ومرة بالدلع والدلال ،،حنني قلبه عليك إلين تحصلي على مطلبك..

أختي في النهاية تذكري هذه دنيا وكل انسان يعيش في كبد وحزن ومشقة وألم ولا تصفو الحياة ﻷحد،،،

اصبري ياغالية تؤجري...وخلي شعارك أنك تنظرين إلى الجانب المملوء من الكأس...