|
|
30-04-2013, 10:05 AM
30-04-2013, 09:52 PM
|
المشاركة الأصلية كتبت بواسطة أم سلطان1
سلامتك يالغالية الف سلامة عليك ماتشوفين شر يارب
الله يسلمك ويعافيك نور المنتدى والموضوع وان شاء الله بسيطه بعون الله انتي بس روحي لطبيب اخصائي انف وأذن وحنجرة وافحصي وشوفي ترى انا مرت عليه الحالة هاذي وجلست اتعالج لها تقريبا خمسة شهور ورحت لأكثر من طبيب استشاري انف وأذن وحنجرة وكلهم قالوا لي واكدوا انه التهاب بالعصب الخامس مدري السابع الله اعلم ناسية اي عصب اللي كان ملتهب عندي لأن لي فترة طويلة من يوم ما صارت معي الدوخة وكل الأطباء اللي رحت لهم صرفوا لي فيتامين ب ومعاه حبوب ثانية والله اني نسيت اسمها وطبعا كنت احس بنفس الإحساس اللي وصفتيه كنت لما اقوم امشي احس بميلان بالمشي وثقل في راسي من جهة وكنت افقد توازني وعند النوم لما استلقي واناظر السقف احس الغرفة تدور فيني ولما انام على جنبي احس بالدوخة وكأني بوقع من على السرير وتستمر معي شوية وتختفي ولما اصحى من نومي لازم اجلس بالسرير خمس الى عشر دقائق وبعدين اقوم والله كنت اعاني معاناة الله يعلم فيها لما اولادي يجوني من المدرسة ويدقون الباب وانا بقوم افتح لهم الباب ما اقدر لو حركت نفسي احس إني بوقع على الأرض من طولي واحيان استند على الجدران لما اوصل للباب وافتح لهم وكنت اقول لهم لما تجون من المدرسة دقوا الباب وانتظروا شوية علشان افتح لكم وكانوا مساكين يدقون مرة مرتين وبعدين يستنوني الين افتح لهم وطبعا لو كنت جالسة وقمت فجأة كذا احس إني بوقع على الأرض ارجع اجلس شوية وبعدين اوقف وامشي . فعلا يا ام سلكان نفس الاعراض بالضبط وخاصة لو نسيت وقمت فجأة وانتِ عارفة مع الاطفال صعب تكوني مركزة على نفسك الله يسهل ان شاء الله وشوفي طبعا هو مجرد التهاب او زيادةفي سائل الأذن الداخلية ومسبب لك كذا وفيه مرض يقولون له منيير يصيب الكثير من الناس ويسبب دوخة بالبداية قالوا لي الأطباء احتمال يكون هو مرض منير لتشابه الأعراض تتشابة لكن قريت انه من اعراضة قيء وغثيان الحمد لله ماعندي بس الدوخة وفي النهاية طلع عندي التهاب بالأعصاب اللي تحيط بالأذن الداخلية وتوصل الإشارات للمخ وكمان لما جيت لدكتور طلب مني اقوم بعدة حركات منها اني اوقف بشكل مستقيم وامد يديني للأمام بشكل مستقيم وكل مرة ارفع وحده من رجولي واوقف على الثانية وفعلا كنت لما وقفت ورفعت وحدة من رجولي ووقفت على الثانية اختل توازني وبغيت اوقع من طولي بس الله ستر زوجي كان واقف جنبي ومسك يديني لما شافني مو قادرة اوقف على طول قال الدكتور عندها التهاب بالعصب اللي بالدهليز الخامس مدري السابع مو متأكدة منه وعلاجه فيتامين ب واعطاني نوع حبوب والله اني نسيت اسمها ما اذكره الله يبشرك بالخير من ربع ساعة بس قريت ردك وطبقت الاختبار فعلا اختل توازني وعلى طول قلت لزوجي وخذيت موعد عند (شينه) اسم دكتورتي  فيتامين ب عندي وبديت ناخذ فيه من فترة كدعم معنوي لزوجي لان عنده التهاب في الاعصاب ومواضبة عليه ان شاء الله لكن في حاجة مختلفه كاتبين الاعراض خفه في الرأس انا بالعكس احس راسي ثقيل خاصة من الخلف وكمان سألته عن اسباب الإلتهاب قال لي الدكتور إما يكون ضغطك ارتفع او نزل بشكل فجأة او إنك جاية من برى ودخلتي تحت مكيف بارد او إنه استحميتي ونمتي تحت المكيف مباشرة او إنه اصبتي بنزلة برد والتهبت عندك الجيوب الأنفيه والأذن وما اخذتي لها دواء يعني تعددت الأسباب واحيان يكون بسبب الضغط العصبي والإرهاق وفقر الدم ونقص التروية بالأوعية الدموية ويصير فيه التهاب بالأعصاب ودوخة بالنسبة لسائل هو موجود بس في الأذن الداخلية مو في المخ وكنت فعلا احس بمثل هالإحساس لما احرك راسي او الفه لأي اتجاه بسرعه عاد لا تتهاونين بنفسك لازم تروحين لطبيب خاص بالأذن وكل ما استعجلتي بالعلاج كل ما كان الشفاء اسرع بإذن الله تعالى ترى انا طولت بالعلاج مارحت من بدري لدكتور خلصت اجهزة كشف الحمل من الصيدليات وانا كل يومين جايبة جهاز وافحص واخرتها اشخص نفسي بنفسي مرة يمكن حامل خارج الرحم وماظهر بالجهاز ومرة يمكن فقر دم ومرة يمكن التهاب بالأذن وخلصت قطرات جنتاميسين من الصيدلية وحطيت زيت زيتون دافئ بالأذن ومافيه علاج إلا وانا جبته اخر شئ كنت بروح لشيخ يقرأ عليه اقول يمكن معيونه ولا شئ لاسمح الله وزوجي انفجر عليه وقال على المستشفى كفاية كل شوية طالعة لي بتشخيص من راسك وانا الصراحة المستشفيات ما احبها والا اواطنها بعيشة الله والله صادقة من يحبها وهنا روحهم طويله\ واضطريت إني اروح لها وحنا رايحين للمستشفى وانا بالطريق خلاص قررت وشخصت انه عندي مرض خطير وإنه ماله علاج وانه خلاص انا انتهيت ما باقي إلا اوصي ابو العيال على اولادي مرة اقول هذا ورم بالدماغ لامحاله شكل الله كاتب اجلي بالمرض هذا ياربي اولادي كيف بيصير حالهم من بعدي وكل شوية تجيني افكار عجيبة غريبة وكلها حوالين اولادي كنت باقي ماجبت البنات ههههههههه لا باس عليك ان شاء الله حبيبتي وبعيد السو عليك كلنا تجينا هالافكار لكن الصراحة ما فكرت في عيالي فكرت بس ان اذا طلع مرض خطير معناها اعتكاف في المنزل لعند ما ربي يا خذ امانته وصلنا للمستشفى وحطوا لي قياس الضغط إلا وهو فل اوبشن ايوه الضغط مرتفع عندي معناته خلاص انتهينا الحين عقب شوية جلطة بالمخ وشكله هذا الورم ضاغط على الدماغ وسبب لي ارتفاع الضغط وشكلي اليوم ماني طالعة من المستشفى ياربي رحمتك وسعت كل شئ ارحمنا برحمتك يارحمان وسبحان الله انشغلت بالضغط ونسيت الدوخة ولما احس بالدوخة انسى الضغط والحمدالله عقب الفحوصات والإشاعة تبين كل شئ سليم والضغط انخفض له يا ام سلطان وما تحكيلنا عاتبه عليك والله الحمد لله عالسلامة حبيبتي وطهورا ان شاء الله والله يحفظك ويطول في عمرك وينجيك لاسرتك ولنا واخذت العلاج والحمدالله تحسنت على الدواء تقريبا بعد ثلاثة اسابيع بس كنت لو تركته ترجع لي الدوخة الين تميت خمسة شهور على العلاج والحمدالله والشكرلرب العالمين شفيت وتعافيت ولله الحمد الحين احس بعض الأوقات بدوخة خفيفة بس ايام الدورة لأنه عندي فقر دم والحمدالله ناخذ فيتامين حديد وناكل سلطات وعصيرات وزبيب اسود مع حليب ونخلط عصير شمندر مع حبة تفاح وحبة برتقال تخلطينها بالخلاط وحليها بالعسل او بدون والحمدالله عقب ايام تخف وكمان عندك قوانص الدجاج حلوة لفقر الدم لأن فقر الدم عندنا مستوطن بالعائلة والحمدالله على كل حال عندنا خبرة بكل الأكلات اللي فيها حديد وعندك السبانخ والرجلة غنية بالحديد والفيتامينات واي وجبة تاكلينها حاولي إنك تشربين معها كوب عصير برتقال او ليمون لأنه غني بفيتامين سي وهالفيتامين يمتص الحديد اللي في الأكل اللي تاكلينه ويستفيد منه جسمك كمان السمك لما تطبخينه اعصري عليه ليمون مفيد وغني بالحديد السمك والكبدة الطازجة غنية بالحديد وحتى التونه لو حطيتي عليها ليمون واكلتيها غنية بالحديد والليمون يمتص الحديد اللي فيها وتتحول فائدته لجسمك بارك الله فيك وجزاك الله خير بس ما فهمت قوانص الاجنحه او ايش ؟ والمهم لا توسوسين ولا تشغلين بالك مثلي ترى والله انه إن شاء الله شئ بسيط وتاخذين علاج له ويروح بعون الله وكثر التفكير والخوف يأزم الوضع ويزيدحالتك سوء هدي بالك وريحي نفسك وروحي لدكتور وخذي العلاج المناسب وبالشفاء والعافية يارب وطمنينا عنك نحن هنا في انتظارك وترى ماشفت موضوعك إلا متأخرة والله كنت داخله مدرعمه ابغى ابارك لك حسبتك حامل بس بعد ماقرأت الردود وشفت التفاصيل اللي قلتي عليها هنا نفسها اللي كانت عندي تراجعت عن المباركة لك بس إن شاء الله قريب نبارك لك والأمر بسيط إن شاء الله يارب وبالشفاء والعافية يارب |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور