التشجيع ثم التشجيع ثم التشجيع
انا كنت مهمله بالطبخ ونظافة البيت اما نظافتي الشخصيه مستحيل اهمل نظافتي
زوجي كان في البدايه يحطمني ويقول ليش طبخك كذا وليش البيت مو نظيف وكنت اسكت واطنشه
ومستحيل افكر اتغير واقول بخاطري شوف نفسك اول
بس بعدين صار يشجعني وتحمست
اذا طبخت يقول وش ذا الطبخ الخطير ويبوس يدي ويقول عساني ما انحرم منك
واذا نظفت البيت يجلس يمدحني مدح احس اني اعظم زوجه في العالم
واذا كشخت وتزينت يقول كل هالجمال وجالس في البيت خليني اوديكي مطعم وانواع الدلع
والعكس صحيح اذا اهملت يمسك جواله ويجلس لوحده ومايسولف


الله يسخر لك زوجتك ويقذف حبك في قلبها امين يارب العالمين