نتزوج عشان الزواج ... ايش فيها ..!

ايوه نتزوج عشان الزواج و عشان نخلف ونعمر الأرض

اذا انا حطيت هدف قدامي للزواج خلاص بتهون كل المشاكل

اذا انا حطيت في بالي اني بطيع ربي في هذا الزواج انا الكسبانة


هذا ديننا وشرعنا من زماااان من أول الدنيا و الناس يتزوجون بهاذي الطريقة

ما يعرفون شي اسمه تعارف ولا خرابيط و حياتهم ماشية

ليه .. لأنهم مطبقين شرع الله


اما مسألة اني اتعرف عليه قبل الزواج اشوف يناسبني ولا لا

هاذي هبالات الغرب و حتى بعض العرب قاموا يسوونها

تقليد أعمى للأسف , يحسبون ان كذا صح ما يدرون ان الجاهلية تتكرر في زماننا

بعدين وش يدريك يمكن هالادمي اللي تعرفتي عليه و اعجبك مرة

يجمل نفسه قدامك لغرض ما و انتي مسكينة على بالك هذي شخصيته

وتروحين يحول تحلمين به ..

طيب وش يدريك ان الآدمي اللي متقدم لك كويس ولا لا

تعالي معايا شوية .. مو ربنا ذكر لنا الاستخارة في جميع امورنا و حياتنا

انا لما يجيني عريس اول حاجة اعملها بستخير و بكثف الاستخارة

عشان ربي يعرفني ويعرف اذا هو يصلح لي ولا لا ويقدر الأمور ويوخره لو شر

وانا انسانة أؤمن بالنصيب والرزق .. حتى لو طلع انسان مو كويس ابدا

وانا قبل سألت ومدحوه و ايضا مستخيرة ربي ورب الناس و ربي يسرها

معناته كمان خير وما دام ربي كتب لي حياة معاه معناته فيه خير كبير بس لازم اصبر

اشوف ربي كيف يمشي الأمور لأني اثق بقدرته سبحانه

و أقتنع انو هذا رزقي و نصيبي من الله و احمده واشكره




و بعدين مثلا على افتراض ان المتقدم شخص مناسب جدا لك .. لكنه خجول

مو زي هذاك قليل الادب اللي تجرأ و تكلم معاك وعرف بنفسه بدون مراعاة للدين

والحرام والحلال وضحك وسولف عشان يدخل قلبك

هذا خجول ومحترم شرع الله وما تجرأ ينتظر تكوني حلاله بعدين ياخذ راحته

تجين ترفضينه بس على اساس انو لاااا مااعرفه كيف و مشاعر و هذا


مو كذا تكونين ضيعتي على نفسك رجل مناسب ...!

و هذاك ابن الذين مسوي لك فيها اني الفاهم و اللقطة .. آسر القلوب


يا قلبي فليكا ربنا ما قال تعرفوا بعدين تزوجوا

و الحب يجي مع العشرة طبيعي انتي جربي في نفسك صداقاتك مثلا

وحدة توك متعرفة عليها بتكون زي صديقتك حق الابتدائي

طبعا لا هاذي عشرة وتعرفك وحافظتها انتي صم و ذي لا ما تجي ربعها


هذا اقرب مثال يعني ولا ترى الزواج مو زي الصداقه

__________________

‏
الوعي هو الملاذ ..

أستغفر الله العظيم ؛
( الفردوس غايتي )