لا حظت ان كل أهل البيت ضد أمي وأنا قررت أوقف معاها ..
أبوي دايم يتكلم عنها ويقول انها ظالمته .. تتحكم فيه .،. تخاصمه وترفع صوتها عليه اذا جاب مقاضي أكثر من اللزوم ...
وهي دايم تقول انت خليت أولادي يكرهوني..
ردودكم خلتني أراجع نفسي ما ابغى أكون ضد أمي مع الجميع ..
ابغى أكون عنصر محايد احب الكل ..
بنت أختي ما صرت أدافع عنها قدام أمي ..
اليوم شفت أمي تجبرها تحل واجباتها وما تنام في الظهر ..
افتكرت نفسي .. قلت لو ما شدت معي ما كان صرت لهذا المستوى من العلم ..
صح كانت منقصه علينا شوية عاطفة ..
بس لان امها كانت جافة معها .. ومشيت الأمور تمام الحمدلله وعدت مرحلة الطفولة والمراهقة وانتهت.. وكل شي يتعوض مع أبنائي ان شاء الله ..
أما أختي بصراحة معد ابغى أوقف معاها ..
هي كبيرة وواعية وتعرف تدافع عن بنتها ليش تصر انها مظلومة .. وتمثل دور الضحية ..
مدري هذه خواطري اللي في نفسي الآن ...
ما أتوقع حيشغلني أمر الطفلة بعد اليوم ..
اهم شي أنا ما أظلمها ولا اظلم أمي ولا أختي ولا أبوي ..
أنا حتحاسب وحدي ومالي بغيري ..