اول شي انا اعترف اني اخطيت. و ماني محتاج احد يقولي الكلام هذا في الردود. انا سجلت في الموقع هذا علشان مشكلتي مع زوجتي. اذا كان فيه مساعده او اقتراحات ساعدوني ياعالم. قصتي انا طويله شوي بس الله يخليكم تحملوني شوي اكسبوا فيني اجر وساعدوني.
انا تزوجت من ثلاث سنين بنت عمي والبنت كنت انتظرها من 10سنين الين خلصت الجامعه. وانا عمري في العشرينات وكنت موظف في وظيفه مرموقه واموري الماديه عاليه وعندي بيت ملك يعني الحمدلله والشكر ماعلي قاصر. تزوجت وبعد الزواج بسنه زوجتي انقبلت في برنامج الابثعاث وقلنا هذي فرصه راح تحسن من مستوانا التعليمي والمادي.وكان لها صديقات حسودات يقولون لها ترين زوجك طالع معك علشان يستانس ويفلها وكانت مصدقتهم والمضحك ان نفس صديقتها قدمت على البرنامج بعد سنه. فصلت من وظيفتي وبعت بيتي وطلعنا برا. والله رزقنا بمولود هناك بعد 3شهور.وانشغلنا في الدراسه والبيبي وكان فيه ضغط علينا غير طبيعي خاصه عليها.وبدت المشاكل مع الضغوط على اتفه الاسباب وبديت امد يدي عليها وانا داري اني غلطان ومو مرجله و كل مره اسوي كذا كنت اعتذر منها وكنت والله اشوف دموعها واقول لها خلاص لا تبكين انا ما استاهل دموعك.وانا ما مديت يدي بدون سبب. مره ضربتها لانها ماتبي تسوي فطور لي ولودها. ومره كنت اتناقش معها بحده ويدي كانت قدام وجهها وجت بتدف يدي وضربت وجهي وضربتها.البنت تعرفت على سعوديه وكانت هذا مبتعثه هي وزوجها يعني كل واحد ينزل لهم راتب وحنا كان راتبنا واحد وشافت البنت وجتني تقول الراتب راتبي انت اصرف على نفسك وعلى ولدك وزعلت لان انا ماعندي وظيفه والراتب ما يكفي واخر الشهر كنت احول من حسابي في السعوديه وبعدها البنت طاحت في حركه. كلما صارت مشكله بيني وبينها قالت ترا بلغي البعثه لانها هي المبتعثه الاساسيه وانا مرافق دارس وهي الوحيده الي تقدر تلغي البعثه. وكنت اقولها يابنت الناس بلطريقه هذي راح تدمرين مستقبلك ومستقبلي وطفلنا. وانا حسيت ان البنت تهددني وتمن علي وانا اللي خططت كل شي لنا.ولو ابغى امن منيت عليها الين تموت قهر.ياعالم عند عايلتنا مافيه احد طلع مع زوجته شهر عسل وان طلعتها شهر عسل بر السعوديه والله استاجرت لنا فنادق وفلل ليلتها على 2000-2500. والله ما اخذها الا مطاعم 5 نجوم هنا وبرا. وسافرنا لدول كثيره وما البسها الى احسن لبس واركبها احسن السيارات غير الهدايا. انا ما انكر انها مجتهده ولها فضل علي. بس الحركه هذي ماحبيتها لان فيها اهانه لي. مشت سنه ونص على هل الحال. قبل ثلاث شهور تعرفت على سعودي هناك في كلاسي خربان وتدرون الوضع هناك قطاعه. اي سعودي هناك تعرف عليه حتى لو انه كلب. وانا مجتهد في دراستي وهي بعد. هذا الكلب سحبني لبعض الامور اللي ماترضي ربي. وانتم تعرفون كل شي متوفر هناك.وصدق اني كنت اخربط بس كنت صاحي لبيتي ومو ناقصهم شي وصاحي لدراستي. وصادتني زوجتي وكانت حامل بلثاني وقومت الدنيا وقعدتها ومعها حق. وقالت ابغى امشي للسعوديه ورفضت والحت علي وقلت بشرط ابوي وابوك يوافقون. دق ابوي علي معصب وقال خلها ترجع. وقلت لها وابوك موافق قالت موافق وهي كذابه.وقصيت لها تذاكر وليتني ماقصيت. وقبل لا تمشي مسكتها في البيت وقلت لها يابنت الناس اجلسي انا احتاجك وماني مسؤل عن اي شي يصير معي وقالت مابي.بعد ماراحت انا حسيت بفراغ لانها قاطعتني عنها وعن طفلي وغلطت غلط فادح. تعرفت على بنات عن طريق الايميل وكان فيه ايميلات وانا غشيم في الامور هذي. ولا فيه واحد يراسل بنات بئيميل زوجته تعرفه وتعرف الرقم السري حقه. وطاحت عليها و بعدها البنت ولعت. ووالله اني مخطي.بس ماحصل بينا شي صدق شفتهم بس زنا ماحصل.وارسلت لي رساله فيها الايميلات والصور وتقول خل بنات الشوارع ينفعونك.وانا انصدمت وحسيت بلذنب وجلست الين خلصت دراستي ورجعت السعوديه ورحت لشيخ يقرا علي وطلع فيني عين وعلمتهاورحت لبيتهم وطلبت اقابلها والبنت دخلت غرفتها وقامت تصيح. وطلعت زعلان وعمي ابن حلال جلس يهدي فيني ويقول الامور بتزين وكل انسان يخطي. ويكون في علمكم البنت ماطلعت شي من الاسرار هذي الا ذاك الوقت. ورحت لشيخ ثاني وعلمته بكل شي قال بكره تجيب زوجتك وطفلك اقرا عليهم حتى الشيخ تعاطف معي وقالي مابي فلوس منك وهذا رقم جوالي خل زوجتك تكلمني اذا مو مصدقتك. ورحت مره ثانيه لها وطلبت اكلمها وكلمتها من ورا الباب وشرحت لها اللي صار معي وعطيتها رقم الشيخ وقلت كلميه وقالت ما ابي اروح. واخذت ولدي ورحت للشيخ وقرا علينا والحمدلله مافينا شي وسالت الشيخ قلت احد كلمك قال لا وقالي ترا الوحام يسوي حاجات اشد من السحر والعين. ورحت رجعت الولد اليوم ولقيت عمي وسولفت معه ولقيت البنت طلعت كل شي الاولي والتالي كلووووو فضحتني. وانا باقي اقول انا استاهل واتحمل خطاي وانا اخر ما افكر فيه كلام الناس. وقال البنت تبي الطلاق وتقول لو انه يصير امام الحرم ما ابيه. وانا الحين ما ادري وش اسوي. والبنت ابيها ترجع اليوم قبل بكره لانها حامل ونفسيتها تعبانه وانا نفس الحكايه نفسيتي زفت. والبنت بنت حلال صلاتها على وقتها وقايمه بزوجها ولدها. وبعد اللي صار اليوم احساسي تغير تجاهها
يا عالم ابيكم تحكمون بيننا ترون برسل لها رابط الموضوع وانا وياها نتابع الموضوع وردودكم
والله يخليكم اعدلوا بيننا ما ابيكم تقولون ارجعوا لبعض وخلاص ابيكم تقولون انت غلطان في كذا وكذا وهي غلطانه في كذا وكذا والحل كذا وكذا
انا ابي ارتاح واريح ضميري. والله نوم ماعرف النوم كلها 2-3 ساعات واقوم منخرع من ايش مدري. والله في الشهرين اللي فاتت طلع فيني شيب وانا في العشرينات.رحت المستشفى الاسبوع اللي فات وطلع فيني قولون عصبي.تعبت نفسيا وصحيا
رساله الى زوجتي
(انا ماحب الظلم اذا ماقلت الصدق سجلي في المنتدى وردي علي. وانتي ماسمعتي كلامي ولا كلام ابوي وابوك. وانا احب الراي العام )

معليش طول بالك واستهدي بالرحمن مشكلتك بدها واحد عاقل وحكيم مثل البليغ وباقي رجال المنتدى
انت متهور وهي متهورة قصدي مستعجلين ما عندكم صبر ولا حكمة وثقافة بالحياة الزوجية
حكم من اهلك وحكم من اهلها
واتركها لحتى تولد بتكون الهرمونات عندها انظبطت ورجعت لعقلها
اسئل الله ان يفرج همك وهمها امين ويصلح بينكم

__________________
انا لله وانا اليه راجعون

يا اخي الفاضل ..
انت اخطأت من البداية حين اعتمدت ماديا تماما علي زوجتك .. كان لديك وظيفة مرموقة و بيت ملك و ظروفك ميسرة فلم طمعت ؟؟
الطموح شيء رائع و لكن ليس علي حساب البيت و الاسرة و العلاقة الزوجية ..
انت سافرت للخارج و تركت مستقبلك خلفك و اعتمدت علي مالها .. فأهانتك .. و اوغرت صدرك و لو انه رجل غيرك فعلت زوجته معه ذلك لكرهها ليوم الدين

اما عن علاقاتك النسائية .. فمسألة العفة امر لا فرق فيها بين الرجل و المرأة .. فكما ان الرجل يحتقر بشدة المرأة اللعوب .. فالرجل اللعوب ايضا يستحق الاحتقار ..

و الشاب الملتزم المستقيم الذي ينأي بنفسه عن العلاقات النسائية المحرمة يعتاد ذلك تماما .. فالامر عنده اصبح عادة يفعلها دون تفكير او جهد .. كما تقود السيارة مثلا و انت تتحدث مع صديقك في موضوع مهم .. فالشاب الملتزم مشغول بورده من القرآن .. مشغول بصلاته .. مشغول بطلبه للعلم سواء العلم الشرعي او الدنيوي ..

و ما يدعو للعجب .. ان يصون الشاب الاعزب نفسه و لا يصون الرجل المتزوج نفسه .. و الاصعب من ذلك ان كان المتزوج معه زوجة يحبها و يعشقها .. و هذا امر يصعب الحصول عليه .. فانت لم تشكر ربك بنعمته عليك .. بل تركت الحلال الطيب و ذهبت للحرام الخبيث

هي لها كل الحق في غضبها منك .. فكما ذكرت سابقا .. مسألة العفة لا فرق فيها بين الرجل و المرأة ..

و لا حل لك الا الاستقامة و الالحاح عليها بالصلح و الصبر .. فان طلبت الطلاق فلا تطلقها الا في المحكمة و لكن لا تتزوج بعدها و حاول ان تعود اليها مهما كلفك هذا من وقت و لكن لا تتخلي عن الاستقامة ابدا ..

يا اخي العزيز
السالفه مو طمع.الابتعاث كان فرصه لتحسين وضعنا الثقافي والمادي
وطلعنا من هنا نيتنا صافيه ومهما يصير ماتوقعت انها راح تبتزني بلبعثه
وتقطع رزقي لانها انا ضحيت كثير وهي بنت عمي ؤيقؤلون قطع الارقاب ولا قطع الارزاق بعدها انا تحسست منها واي كلمها ارد بعشر واعاندها على اي شي علشان ابين لها اني ماني محتاجها
ولو سمحتوا خليكم منصفين وذكروا وش سويت فيني قبل السوالف هذي
لان هي اللي دمرت نفسيتي وخلتني امشي في الدروب هذي

أسألك بالله:
1) هل زوجتك ستتابع معنا هنا؟
2) هل ستنفذ ما نطلبه منك ومنها؟
3) هل أنت جاد؟

بحكم اني مشغول ولكن لي عودة سأقول لك حاول ان تحافظ على ما بقي من مادياتك

ولي عودة ان شاء الله

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

والله اني ارسلت لها الرابط وراح اطبع لها الموضوع وارسله مع اخوانها
بلنسبه للتنفيذ انا اوعدك اني انفذ المطلوب بس هي ما اضمنها لكم
وانا ماجيت هنا علشان تراضوني ولاتراضونها ابيكم تذكرون اللي علي وعليها والحل
وبلنسبه للجديه والله جاد.....لان انا تعبت نفسيأ وصحيأ بسبب الموضوع هذا وابيه ينتهي سوأ كذا ولا كذا

ان شالله
انا في انتظار ردك لاتبطي

متابعة الطرفان للقضيه سوف يحل ثلاث ارباعها باذن الله
وانا انصحك بذلك ان تدعها تشارك لمصلحتكما

واستاذنا البليغ حفظه الله ورعاه وربنا ما يحرمنا منه دنيا ولا اخره فسيفيدك ويفيدنا

__________________
حبيبتي .... عندما تبتسمي الي سوف تنير كل النجوم التي في السماء

أسأل الله أن يجمع بينكما بخير وأن يهدم مافات لصالح مستقبلكم ..

وأن يبعد عنكم خزي الشيطان وخبث الحساد وشر المفسدين ..

لا تبادر بخطوة الطلاق حاول تهدئة الامور مع اهلها ..

اكثر من الاستغفار ..

اذا استطعت ان تدخر لك جزء من الليل تناجي به ربك فافعل فإن في ذلك مفتاح لسعادتك وتفريجا لهمك ..

اكثر من الصدقه فهي تطفئ غضب الرب وتسهل لك ما اهمك من امرك ..


ولي عودة لمتابعة الردود ..