أشكر كل من رد وأبدى رأيه،
كان من المفترض أن أكتب عن قريبتي قبل لا أبدا بالموضوع..
قريبتي تصير بنت خالتي الله يرحمها بنفس عمري.. يتيمة، وعاشت معنا ببيتنا من لما كان عمري 5 سنوات الى 16 سنة..
صرنا نعتبرها جزء من عائلتنا مو بنت غريبة أبداً..
مصروفها كان يجي من أبوي مع أنها ما تقرب له! وكان مسجلها بنفس مدارسنا (خاصة) وهو يدفع الاقساط ولا فرق بالمعاملة بيننا وبينها..
كبرنا مع بعض، ولظروف كثيرة نقلت لبيت جدها (من أبوها).. دخلنا نفس الكلية أنا وياها، ثم بدينا نرجع نتواصل من جديد عن طريق النت.. ندرس مع بعض وناخذ دورات مع بعض ونستفيد من بعض
- علاقتي معها علاقة أخو بأخته!
- أتواصل معها لأننا تربينا مع بعض بنفس البيت مو لأنها زميلتي!
- زوجها يعرفني قبل أن يخطبها وعارف أنها تتواصل معاي وحتى هو أتواصل معاه باستمرار!

# # # #
بالنسبة للـ"حش"، كان يجي عن طريقي أنا فقط وهي دائماً تهدي الوضع وتقول كل الحريم كذا ومن هالكلام، مستحيل هي تتكلم عن زوجتي!! أحياناً أشوف مواقف من زوجتي ما تعجبني وما أقدر انتقدها مباشرة فاضطر أدور أحد أفضفض له وهذا كل ما في الأمر..

أما بالنسبة للكلام اللي كتبته.. كان "أقوى" شيء فيه اني وصفتها بالفقمه (لانها تنسدح كثير بالصالة ولا تشتغل بالبيت)

# # # #
الى الآن ما تبغى تكلمني
الحين المشكلة مدري هي تبغاني أقطع علاقتي مع وحده تربيت معها مثلاً والا زعلانه عشان الكلام اللي قلته عنها؟!
أنا عارف أني أخطأت لكن كيف تبغاني أعتذر؟!