المسألة مو مسألة مسامرة وقت غدا وللا عشا يا اخ بوخليفة .. واحنا عارفين الوضع كيف يكون لما يكون في سيدتين لبيت واحد ... تتضارب الأوامر أحيانا بالرغم أن لجين ما تنزل كثير فما بالك بزوجتك الثانية لو تمت طول الوقت ..
انت لاحظت اندماجها مع والدتك واتفاقهم مع بعض خلال زياراتها لها لكن الوضع راح يختلف لما يصير التواصل يومي ويكون في امور كثير لازم تتنازل عنها لوالدتك على انها هي صاحبة البيت والامر الناهي فيه .
راح تحتاج زوجتك الثانية حكمة وهدوء كبير حتى تقدر تحتوي الوالدة ..

موضوع مرض لجين فيه نقطة تظل تخطر ببالي اذا تسمح لي أسال
لما كانت لجين بيت أبوها هل كانت تتعرض لهذي النوبات من شدة المرض ؟ ...
أستذكر الان وصفك لحرص والدها على رضاها وطريقته بالهدوؤ المبالغ فيه وأربط بين طريقته وبين مرضها ..اتوقع هذا هو سبب طريقته معها .

__________________