المشاركة الأصلية كتبت بواسطة Beta2

زيادة الاحتكاك والتخلي عن الحدود يسبب مشاكل دائما سواء بين الزوجين أو بين الاخوان .. ومثل ما قلت لكنافة بالجبن ما أقول أن ما في كرامة بين الزوجين .. بالعكس لازم في حدود وفي كرامه لحد مناسب وهيك كمان بين الأخوان والخوات .
أكيد تعرفي أنه شرعا ما تجوز القطيعة بينكم .. وانتي مو مرتاحه لوضعكم .. ولهذا مفروض ترجعي علاقتك فيهم كلهم ... الان تعلمتي وتعرفي الحدود المفروض تكون بينكم وتعرفي كيف تتعاملي معاهم لكن القطيعة مرفوضه

الان انتي أحسنتي لهم وبذلتي وطلعوا لئيمين وما بان فيهم المعروف .. خلاص اكتفي باجر رب العالمين واستغني عن اعترافهم بجميلك وصنيعك معهم .
على الأقل يستاهلوا منك الشفقة على ضعفهم وقلة حيلتهم .. لو كانت سعاد شخصيتها قوية ما كانت سكتت ولكان عندها الشجاعة توقف معك مثل ما وقفتي معها .

يهمني توصلي لراحتك النفسية ولهدوء داخلك حتى تمشي بحياتك بدون معوقات بسببهم ... ليش تسمحي لهم يخربوا عليك نفسيتك وحياتك ؟؟ ما يستاهلوا ... وهم الخسرانين بالنهاية .
ليش تسمحي لهم يأثروا على صورتك أمام أخوك وأبوك وأمك ؟؟؟ بعصبيتك ونرفزتك سمحتي لهم يخربوها .

هو كانوا لئيمين .. مفروض هم اللي يخسروا مو انتي ... وهم فعلا خسروكي كحليف وسند ... خلي الطوفان يوقف هنا ولا تخليه يوصلك وتخسري انتي من نفسيتك وأعصابك

وتأكدي أنك لما تتصرفي معاهم بشكل طبيعي ( رسمي لكن طبيعي ) بدون ميانه زايدة .. وقتها راح ترجعي تكسبي أخوكِ والباقيين اللي يهموكِ .. عندنا مثل يقول الشمس ما تتغطى بغربال ( منخل )ولا يصح الا الصحيح وبالنهاية راح تتكشف الأمور أمام اخوكِ ويرجعلك مثل أول .
حتى هم اخرتهم بيعرفوا غلطتهم ومقدار خسارتهم ويرجعوا بعد ما يكون فات الأوان .

نصيحتي لك ما تبعدي عن الكل ولا تفقدي الأمل وبنفس الوقت لا ترجعي مثل زمان تعطي بدون حساب

واسمحيلي أقول لك خالد عليه وزر كبير ويتحمل جزء كبير من مشكلتك ... الله يسامحه لو خطبك ووفا بوعوده ما كنتي بهذا الوضع سواء مع خواتك أو الضغط النفسي اللي انتي فيه ...

انسيه حبيبتي واللي باعك بيعيه ما يستاهلك .. وشوفي احد من الخطاب مناسب لك ووافقي عليه