كنافة والله بكل مرة احس زوجك مثل زوجي عشان كذا باحكيلك من تجربتي

انتي توك باول حياتك انا قربت اوصل 10 سنين
راحت فترة من حياتنا كل ثلاث ايام مشكلة لازم زعل ونكد على اسباب تافهة واتفه من حكاية الصحن الفاضي

لان زوجي عصبي ويزعل اذا قلت له انت غلط وانا صح الموضوع هذا يعتبره قلة تقدير له حتى لو كان الموضوع مايعنيه زي مكان تحفة بالبيت والا لون بنطلون باشتريه لبنتي

مع ان طبيعتي اعصابي باردة وبالي طويل وماعمري راددته بصراخ دايما اتكلم بهدوء ..
لكن اذا خالفته زعل واذا افحمته طالت الزعلة وكبرت المشكلة

تعلمت مع السنين والعشرة اني اذا ماكان الشي مصيري او يترتب عليه شي اجاريه واوافقه .. واذا عصب اسكت وان كان لابد ارد اسمعه اللي يبي يسمعه .. واذا خلص اتصرف بروقان ولا كان شي صار


بعدها بدقايق والله ياما جاني متحسف .. لانه بعد ما يهدا يرجع يفكر باللي صار وانقال ويجي يفتح معي الموضوع مرة ثانية ونتناقش بهدوء

وهو بنفسه قال لي اكثر شي يعجبني فيك انك اذا عصبت تسكتين


كثير من الرجال كذا زي عود الكبريت لو قربتي منه شبت حريقه ولو تركتيه مع نفسه بسرعة يطفى