كنافة حبيبتي .. كونك تسجلي موقف وكونك ما تسكتي على غلطه شيء وأنك تتركي البيت وانتي مو ناويه طلاق من جد هذا شي ثاني ... لأن لو تركتي البيت لكان صعب تلمي الأمور ....
بعدين ليش الزوجة اللي تترك البيت للرجل ... تجلس ببيتها وبالأسلوب اللي يريحها واذا مو عاجبه هو يترك البيت ويروح يسوي اللي يبي .... حتى لو وصلت للطلاق ما اترك بيتي وبيت بنتي .. خل هو يروح يشوف له بيت ثاني .


واذا حابين نناقش حلول الليلة فبرأيي لازمك تتشجعي تصيري تناقشي زوجك أكثر .... الحوار أساس حل الأمور .
والدورات الزوجية أمر رائع .. وما دام أعطاكِ الأو كي دوري ورتبي وروحوا .
ما اظن انه الأمور واصله لدرجة علاج ومرض .. كل ما في الموضوع أنه فاهم الرجوله غلط ... ومثل ما يقول لك مو من الأنوثة رفع الصوت فمو من الرجوله السب والشتم ... أساسا أنتو الحين تسمعكم بنت بدأت تتعلم الكلام ومفروض يراعي وجودها عشان ما تتعلم منه ألفاظ نابية .

لكن ... يا كنافه .. التوقيت ... التوقييييييت مهم جدددددا ... ناقشيه مثل ما حصل اليوم .. لما يعصب قوليله تكرم وعدي الموضوع مثل ما تعدي للطفل وخليه يهدا ... وبعد ما يهدا تناقشيه ... شفتي اليوم متى هدي ومتى قدر يسمع منك ؟؟؟ نام وقام وشاف تلفزيون ... يعني ياخذ وقت لين يهدى ... بعدها تناقشيه بكلامه وبصوت تعمدي يكون منخفض لأنه راح يتلكك بدرجة ارتفاع صوتك ... خليه منخفض يشبه الهمس حتى ما ياخذ فرصته .
الأمور اللي تظل مكتومه أكيد بتجيها لحظة وتنفجر فليش تخليها بداخلك ؟ ناقشي لكن خلي اللعب بملعبك بالوقت المناسب والمكان المناسب والأسلوب المناسب وخذي راحتك

__________________