معاك زوجة اولى
طبيعي راح تشعر الزوجة الاولى بالسعاده لانه بدء يكتشف الوجه الحقيقي للزوجه الثانية وانه مثلها مثل الاولى وانه النسوان زي بعض بختلاف اشكالهم وشخصياتهم
والله ياختي الرجال هم اللي كرهو النسوان بالتعدد بسبب ظلمهم وعدم العدل
لكن بعض الرجال مساكين ماخذين مقلب بحالهم
مفكرين التعدد بيناسب أي رجل
زوجي باعترافه لسانه انه ندمان انه تزوج لكن بعد شو بعد خراب مالطا
حكالي انه اصدقاء السوء كانوا يروجوا لجنسية معينة وانهن شاطرات 0000
لكنه اكتشف انه غلطان
وبيحكي صار فيه ولد بينهم ما بيقدر يطلق << طلع شهم وعنده اخلاق
والله اني بشفق على المعدد ويله الزوجه الاولى يرضيها وما يقصر معها ومع اولادها
وويله الثانية يرضيها وما يقصر معها ومع اولاده
بتحسيه على طول ضايع وتايه << بتقصد زوجها خخخ
وانا بطلع عليه بنظرة الشفقه والعطف انه بلا حاله بهذا الابتلاء وهو مش قده
خليه الله يزيده من نعيمه امين
المهم ياختي ما علينا
بالنسبة لي الثلاث نقاط بشعر بالسعاده والانتصار
وبحاول اذكره بالعدل مع انه مش مسؤوليتي
وبفرح لانه موجود عنا وبيشوف طلباتنا
وفي الاخير الزوج اناني وين راحته بتلاقي موجود
يعني اذا الاولى منكده عليه بتلاقي هرب عند الثانية
والعكس صحيح
الله يفرجها علينا
ويشرح صدرنا
ويربط على قلوبنا
ويجعل ما اصابنا بردا وسلاما كما جعل النار بردا وسلاما على ابراهيم
امين

__________________
انا لله وانا اليه راجعون