لا حول ولا قوة الا بالله ..
ليه النفوس الوحشه دى ..
عارفه ساندرا الاهل عليهم عامل كبير فى تشكيل علاقة الاخوات ببعضيهم
انا لما يحصل حاجه لبنتى تلاقى كل اخواتها جنبها وكمان اى موقف انا اتصل بابنى واقوله شوف اختك
روح هاتها من الدرس او هاتلها ملازم الكليه ..
لو الاهل ماعملوش كده بتفكك الاواصر بينهم وبين بعض ..
انتى لو ماما وبابا مش بيتدخلوا يبقى انتى اللى تبنى علاقه صحيه معاهم ..
بدون انفعال او عصبيه
انما بالتفاهم .. كمان المواقف الجدعه تؤثر فى الاخوه ..
يعنى بنتى الله يحرسها ماتجيبش حاجه ليها شيبسى او كنزى او عصير الا وتجيب لاخوها معاها ..
كمان هو لو جاب عشا يجيبلها معاه.. وسرهم مع بعض ..
حاولى تقدمى بعض المواقف وتقربى من اخواتك واشركيهم فى حياتك وخليكى سرهم ..
وبعدين الغى لفظ عانس من قاموسك ساندرا .. انتى لسه ماجاش اللى يستاهلك واكيد حاييجى قريب