1- مو كل الرجال نفس بعض حبيبتي فيهم ناس كويسه التفتي ع أبوك واخوانك وخوالك شوفي ناس كويسه واقنعي نفسك ان فيهم ناس صالحة أعرف شعورك بعد الطلاق تكرهين كل الرجال وتشوفينهم زي بعض بس هذا وقت بسيط بعد كذا تتعدل نظرتك
2- شوفي نفسك اذا ماتتحملين معدد لا تجبرين نفسك ولاتحملينها فوق طاقتها ومو شرط المطلقه تآخذ كبيير في حالات كثيره تزوجت برجل ماسبق له الزواج قربيتي تطلقت مرتين وزوجها الثالث ماتزوج قبلها كانت هي اول زوجة وآخر زوجة وحياتهم حلوة ماشاء الله

مو كل الرجال واحد اخاف اخذ واحد نفس طينة الاول
اخاف اتزوج وانصدمه ثانيه ، لي سنه تقريباً مطلقه ومن فتره احاول انسى وطبعا مستحييييل انسى بس يضايقني فكرة زواج

تلميحح اهلي كثيير انتي اسمك مطلقه يعني انسي بتاخذين واحد ولد مالك الا واحد معدد على الاقل يصونك وتجيبين لك اطفال تعيشين حياتك
طبعاً فكره اخذ واحد مطلق او ارمل معه اولاد مستحيل لأني اعرف نفسي ما اتحمل اولاد ناس غير اخواني
معدد صعبه كيف اتقبلها او بالاصح كيف اضمن انه مايكون ياخذني تسليه فتره بعدين يتركني ويرجع لزوجته
جايني حالياً واحد ملتزم ويبغاني زوجه ثانيه هذا الموضوع مأزمني ومضايقني كككثير مو مقتنعه بفكرة زواج ومو فاهميني اهلي من الناحيه هذي

< اعتبريها فضفضه كثرت حكي

طيب استخيري واسألي عنه عدل ، اسألي عن كل شيء
اذا شفتيه مناسب وارتحتي اسألي عن زوجته وسبب زواجة وهل تعرف بالموضوع وراضيه او لا ؟
يمكن مخبي عنها واذا عرفت تقوم قيامته فتأكدي أول
واذا شايفه حالك ماتبين المعدد لا تآخذينه و لا تجبرين نفسك عليه
أنت مو مضطره توافقين
وبالنسبه لي لو كنت مكانك وجاني مطلق او معدد بنفس المواصفات بفضل المطلق اكيد ع الأقل اكون لحالي ، اتوقع الضره شي صعب وخاصه ع وحده صغيره وبمثل عمرك
وربي يوفقك

نفس تفكيرك ما اقدر اتحمل ادخل على حرمه ومستقره مع زوجها
افضل مكلق نفس وضعي يكون عنده خلفيه بالزواج
ريحتيني بردك الله يريحك بالدنيا واﻻخرهه ♡