تعوذ من ابليس .. انت من ردودك واضح انك تمر بفترة برود عاطفي مع زوجتك والدليل الثلاث شهور وكل اسبوع ..! ياخوي ماعليك من اهلها ولا عليك من الاطفال .. انت بتعيش حياة واحدة ليش ماتعيشها بسعادة وتعيشها صح .. ركز في نفسك وزوجتك وحاول تشوف وين المشكلة فيه او المشاكل وتبدا تاخذ خطوات عملية لحلها.. لاتقول عشان الاولاد واهلها والقضاء والقدر وتجلس عمرك كله عزوبي ومهموم او تعيش معها مجرد اسم لزوج وفي داخلك ماتبيها .. نصيحتي اجلس مع نفسك اولا وخذ ورقة وقلم واكتب فيها على اليمين كل المشاكل الي تشوفها والعيوب الي تشوفها في زوجتك واذا جلستم مع بعض تكلم معها وبصراحة ووضوح بعيدا عن التوتر وقلها مشاعرك تجاهها وابرز لها العيوب والمشاكل واخبرها انك تريد حلولا لكل المشاكل لانك تحبها وتبي تحل مشاكلك معها حتى تستمر حياتكم بدل ان تجلس هكذا تغلي على نار هادئة وفي لحظة يتولد الانفجار وتخسر زوجتك واولادك ..

انا اجي هالمنتدى والحمدلله اشوف نفسي سعيد في حياتي واحمدالله على كل نعمه وبالرغم من مايحدث من مشاكل بيننا بين فترة واخرى لكنها مشاكل بسيطة وحلها موجود وعلى العموم انا جيت هالمنتدى بالصدفة والله لانه صارت لي مشكله مع زوجتي وفكرت استفسر من اهل الراي والخبرة وسجلت في اكثر من منتدى بس الوحيد الي وجدت فيه تفاعل هو هذا المنتدى لاني نسيت المنتديات من زمان وصرت مدمن على تويتر والصحف الاليكترونية ..!
لا لسنا قرايب ولم اعرفها قبل الزواج وزواجنا كان زواج عادي عن طريق الاهل يعرفون اهلها زمان وخطبناها وسوينا النظرة الشرعية وعجبتني وملكنا شهرين وتزوجتها والحمدلله ..
احاول ان اتغاضى عن عيوبها كي تتغاضى عن عيوبي وكي تسير بنا المركب ولا نغرق ..