أيوا هذا هو بو راشد اللي أعرفه .... يسعدلي الروقان أنا

صدقني ما أنكرت صبرك لكنها برضه ما نست أنه أنت السبب أنه صار عندها المشكلة .... يعني أنت صبرت عليها الى أن حلت مشكلة وعقدة أنت كنت السبب فيها


ويجزاك كل الخير والبركات .... ترى لا تفكر أني بعدت لأني تعبت أو فقدت اهتمامي بمصلحتكم وأن تنحل مشكلتكم لكن صدق حاسه اني خلاص ما عندي شي أضيفه ... يئست .
وانقطاع لجين عني مدري سببه ..يمكن هي حست بموقفي هذا ..أو ممكن تعبانه صحيا وما تقدر تدخل النت أو ممكن حست اني مالي فايدة .. بكل الأحوال أتمنى لها ولك كل خير والله .. ولو بيدي شي أقدر أساعد فيه ما راح أتأخر .

بس كلمة أخيره أشوف من ردودك لسه نظرتك لها نظرة لطفل أو شخص غير مؤهل وغير صالح لاتخاذ ثرارات وهذا أكبر سبب لتعقيد مشكلتكم ..لأن لجين حاسه بنظرتك هذي وماحد يقبلها على نفسه من شريك حياته حتى لو كان يعشقه عشق .... ويمكن لاحظت تغير تعاملها معاك بالمرات القليلة اللي كنت تتعامل معها بنظرة غير وأظهرت لك حبها ..
ترى الانسان ما يظل طفل طول عمره والتجارب والحياة تنضجه ..ولجين نضجت بالسنتين هذولي كثير كثير بسبب الأحداث المهوله اللي مرت فيهم . انت بس اهدى شوي وروق معاها عشان تقدر تشوف لجين الجديدة .

وهي يوم صار نقاشها عصبي وكلامها يجرح بعد ما كانت هادية فهذا اولا من كثر الغليان اللي بداخلها .
وثانيا لأنها زمان كانت تشوف خالد الكبيييييير .. كانت تشوفك الزوج اللي صابر وهادي فتكبر بعيونها كل يوم ...
وأذكر بمواضيعها الأولى بالمنتدى كانت تظل تقول أنها تتمنى تصير بتدينك وقربك من الله وبأنك أحسن منها بهالناحية .. ويمكن قلت لك من قبل أنها ذكرت لي بأنها كانت تعشق تسمع صوتك وانت ترتل القرءان ..
فلما انت تغيرت (( وانا مقدرة حج الضغط عليك والأسباب اللي خلتك تتغير )) هي كمان تغيرت يا خالد .. ما عادت تشوف خالد الصابر واللي محتويها فتغيرت ...
صارت تفكر بأنه لو هي ما صرخت عشان حقوقها فما في أحد بيوقف لها . واخر كم مرة تقول لي أنا لازم أكون قوية عشان عيالي ... بكره بينظلموا لو ما كانت أمهم قوية ... ومعها حق ترى ... مو أنت اللي بتظلمهم بس أنت عارف طبايع الناس واللي مو قوي تصير حيطه هبيطة .

أنا مع البنات اللي تقول الحمل له تأثير كبيييييييير على نفسية الحرمة .. يمكن لهذا السبب ما يوقع الطلاق على الحامل ببضع المذاهب ... لأنها تكون بحاله متوترة وبتخلي زوجها يطلقها كل يوم
فرأيي أجل أي تفاهم وأي نقاش لبعد ما تربى ... وفترة الحمل الباقية تودد لها بالكلمة الطيبة والتعامل الطيب الى ان تربى وبعدها تفاهموا تكون لانت

ويوم تجلس مع أعمامها واخوانها تراك زوجها مو خصيمها ... المفروض أنه رغبتكم أنت وهي بإصلاح الحال أقوى من رغبتهم هم ... الأهل كثير مرات يسعوا لانهاء المشاكل مع البنت بأ اصبري وتحملي وانتي وانتي ... من باب انها الطرف الأضعف .. حط ببالك أنه مو شرط يكون تأييدهم لك معناه أنه أنت على حق ... تأييدهم مرات يكون لأنك الأقوى وما راح يقدروا يغيروا رأيك أنت والأسهل يجبروها هي لأنها الأضعف ويقدروا يجبروها على تقبل طلبك .
وممكن لأنه أنت ما شاء الله عنك متكلم وتقدر توضح حجتك بينما هي لا زالت تتعلم وما تقدر تحاجج مثلك .

فاسأل نفسك قبل تقعدوا ..هل انت جمعتهم عشان تملي شروطك وتوصل لهدنة معاها بينما أصل المشكلة لا زال موجود نار تحت الرماد ؟؟؟ أم أنت تبي فعلا تحل المشكلة من جذورها وتخلص منها ؟؟؟
اذا ناوي تملي شروط فتأكد أنك بتوصل للي تبيه بنص ساعة لكن بعد شهر وللا شهرين بنرجع لطير يللي .
الأفضل تفكر شو أصل المشكلة وكيف ممكن توصل لتوافق مع زوجتك وكيف ممكن تقدر تتفاهم معاها ...
تراها ذكية وحساسة جدا بحيث تقدر تفهم الناس وتعرف اللي بداخلهم من تعابير وجههم .

فترة الوحام اللي اعرفه الشهور وهي الان بالشهور الاخيره سالفه ? وحام و? تعب


من باب العدل الحمد لله أحاول وممكن الثانيه تكون انظلمت أكثر
هي بنت عمي وأنا ولد الجيران وهي مب ?زم تحسب حساب للدم اللي بينا و? عسب اليهال على العموم بحلها عسب صلة دم اللي من بينا

هي في بيت أخوها خله هو يحتويها ويراعي نفسيتها

?ن أغلب ردود كانت هجوم بلا رد منطقي

فهمنا كنتوا تقولون أنه الياهل الاول من حقها وفرحتها الاولى والام هي ?زم تسمي
وان شاء الله الاب مقطوط على صوب وماله حق يختار اسم واحد
الاولى سميتها غلا ?نه عمي الله يرحم كان يزقرها بأم غلا على قولته من غلاته عنده
والثاني راشد على اسمه الله يرحمه
والثالث بعد مالي حق اسميه وين صارت ? عناد بسميه يا محمد أو جوري
ومشكله نفسيه هذه اللي عنده بعض الحريم حتى بالاسم تتاثر


ارد اقول اختيارها وعلى قولتكم ارحمها وهذا اختيارها عطها حريتها
الاجر باخذه من فقير يدعيلي

__________________

الحمد لله على كل حال

لو نقدر نكلمها نشوف ايش فيه قلبها ..

نفسي أعرف انت ليش حار وعصبي واسلوبك هجومي الواثق من نفسه مايهاجم بنفس طريقتك يوضح الشئ وهو واثق من نفسه مايحتاج يهاجم احد ومسألة اسم المولود حلو كثر الله خيرك اعطيتها الاول والثاني حنا ماندري ليش تجاوب بهجوم خلاص وضح النقطه من غير ترفع ضغطك

أبو خليفه لا تتسرع يوم الخميس وبعدين تندم وخلك هادي اعرف شو تريد لجين وسوي لها لازم واحد منكم يتنازل عشان العيال ، وترى معروفه شو طلبات لجين الي ذكرناها من قبل خليها تجرب الحياه وتقتنع هي قادره تعتمد على نفسها وله لا خلها تختبر وتشوف واذا ما عجبها الحال ما بتطير مصيرها لبيتها وزوجها وعيالها لا تعطيها حجه تهدم بيتها وخلك لين تلرى ما بينقص فيك شي
ولجين بالفعل تغيرت من خلال ردودها لاحظنا هذا الشي بس صدقني صوتها وحركاتها كلها مظهر تبي تفرض شخصيتها وتاخذ حقها ولو بالعناد لكن من الداخل ضعيف ومحتاجه من يوجهها ويحتويها
الله يوفقكم ويردكم حق بعض

__________________
وهل من مصير اخر ؟

أم بلال. ربنا يشهد غيرتي بعض من اللي كنت ناوي اتناقش وياها فيه باجر
مب تفكر انه حب و? محاوله لكسب رضاها ? بالطبع
كل خوفي على عيالي غير جي ?واحتراما ?خوانها
وبتصل على اخوها بطلب منه ما يتصل باحد من أعمامي يحضر بخلي نقاش من بينا أنا وهي وهو والوالد ?ن أدريبها جدام عمي العود مستحيل تطلع بكلمه
هذا اخر حلولي بيكون

__________________

الحمد لله على كل حال

ودي أفهم أي موقف شفتيني ما احب احد يقولي ? او ينصحني
أنانيه لما أحاول أحافظ على بيتي وعيالي لو أنه فيه سبب مقنع ممكن أطلق من بداية المشاكل
أنا واثق ومتاكد أني ما قصرت وياها والكمال لله
على الاقل خذيلج جوله بالمنتدى وجوفي مشكلتها بالمشاكل ثانيه هي كل مشكلتها أمور كماليه لكن لحين مب مهم بنعطيها اللي تبيه
عسب ما. تقولين العيب فيني وانه أنا قاط عمري عليها
خلها تجوف الفرق وممكن يرزقها ربنا باللي أحسن عني يسفرها ويدرسها
وما قصرتي على تحليل الشخصيه

__________________

الحمد لله على كل حال

اخوي ابو خليفة ،، ربي يهدي القلوب و يآلف بينكم ان شاء الله ....
رغم كل ردودك اللي تبين فيها انك بايعها او ما عندك ذرة حب لها بقلبك لكني احس بداخل سطورك حب خفي لها ....
ممكن انت قاعد تكتب هالكلام لانك عارف انها تتابع المنتدى ؟ لتوصل لها فكرة معينة ولكن اقولك احسك تحبها فعلا ...

دعائي لكما بالفرج ان شاء الله وتنحل اموركم بيوم الاجتماع وتكون انت هدأت قليل وهي ايضا ،، افهم ما يضايقها وةفهمها ما يضايقك ... الله يهديكم ويسخركم لبعض ولاولادكم ،،،

فعل ماضي

__________________

الحمد لله على كل حال

الله يصلح حالكم ويسعدكم يارب

__________________
سبحان الله وبحمده..سبحان الله العظيم