سجلت دخول عشانك و عشان حبيبة قلبك الله يحفظها ..
شوفى كل وحده بتعطيك رايها الشخصي وان الاغلبيه مهو موظفات

بقولك رايي بناء على نفسي و على زميلات العمل ( كلهم زوجات وامهات )
اولا الوظيفه قدر مثلها مثل اقدارنا بالحياة .
انا كنت رافضة الوظيفة كلياً وكنت اقول اذا تخرجت بجلس بالبيت و مو متوظفة
لكن توظفت باراده الله مع ان الاف يبغون وظيفتى و ماسكين طابور وانا رافضة و هم يضغطون علي
الى ماتوظفت ..
اقولك كذا عشان اذا ماتوظفتى ماتتحسرين و ان توظفتى برضو ماتندمين

ثانيا اسمى وظيفة للمراة و اصل خلقتها بالحياة ان تكون ام ترعى و تربي و تهتم
وهذا المتوافق مع الفطرة وان تكون مكفولة لا كافلة .
بما ان ربي انعم عليك بزوج صالح و مو مقصر و لا ماديته ضعيفة جدا و اطفال
فالاولى ان تكونى معهم وانت مسؤله عنهم امام الله بتقولين مو مقصرة اقولك مستحيل
مايكون فيه تقصير . استمتعى فيهم و خليهم يستمتعوا فيك اريح لكم جميعا

ثالثا لا تفكري بالمستقبل و الوظيفة سلاح و غيرها من الشعارات اللى ترددها الحريم
كل شي بيد الله سبحانه و بما ان زوجك رجل شهم و قائم بواجبه من النفقة المعقوله
فخلاص هذا يكفى و بكره بيد الله مو بيدنا ..
وان لا قدر الله احتجتي بيوم فلكل حادث حديث وقتها .

اخر شي ترى الوظيفة مشكله ^_^ واشوف الزميلات اللى خايفين من غدر الزوج
و يعتبرونها سلاح كل رواتبهم قروض للزوج ^_^ و ان رفضت صارت مشاكل و مشادات
و بعضهن تتقرب لزوجها بمرتبها و تعطيه البطاقة و تاخذ له قرض و تهون على نفسها وتقول
يبنى بيت لنا <<< طيب مو هنا برضه ممكن يخونك و يبنى البيت و يتزوج
على فكره ولا وحده البيت باسمها المساكين ^_^
يعنى مافيه امان بالعكس ممكن غير الموظفة اكثر امان من الموظفة .

والراتب المرتفع تدفعين ثمنه مايجي بالساهل
واللى تقول المعلمات يقطعون مسافات لمدارس اخر الدنيا عشان يستفدون الراتب
ترى ثلث الراتب يروح للسواق و الباقى قروض لزوجها و الباقى صرفيات الطريق ^_^
و حالتهم يرثى لها والله
اللى حامل و تتحمل الطريق و اللى تنزل عليها المويا
واللى مرضعه و تاركه رضيعها و اللى ام و تاركه اطفالها و بالها مشغول
واللى تحمل شنطتها بساكيت لاولادها ^_^ عشان مايبكون ان راحت و تركتهم و عشان يفرحون ان جت
ايش ذنب الاطفال هنا و خاصة الرضع تترك طفلها وعمره شهرين و تقول مو مقصره !!

طلعت عن الموضوع بس عشان اوضح لك ان " جنة المراة بيتها " خاصة الزوجة و الام .