لي عودة
زوجي تارك الخيار لي
ماعنده اصرار على وظيفتي ولا ومنع

__________________
الحمدلله الذي بنعمته تتم الصالحات

وعليكم السلام ورحمة الله

برأي الشخصي الوظيفه هي سلاح للمرأة دي الأيام حتى لو زوجك رائع احنا ما ندري الأيام ايش مخبيه ولا ندري عن الظروف بكره ومن ناحية التوفيق حتقدري ان شاء الله"اذا انتي عزمتي جوة نفسك انك حتقدري وحتكوني قدها" شوية ترتيب وتنظيم للوقت وكل شيء ان شاء الله حيمشي اوكي لكن انتي صغري الموضوع في نظرك وصدقيني حتفهمي عقلك الباطن أنك مسيطرة على الأمور وكل شيء أوكي ، حتقابلك بعض الأيام الصعبه ممكن في البداية اكثر لكن كلها حتتجاوزيها بسلام ان شاء الله وحتتعودي ووقتها حتطفشي وقت الإجازة صدقيني ومن الطفش ما عندك الا زوجك تستقعدي له وتفتعلي المشاكل معاه هههههه<ما تقصد نفسها D:

وليه تحرمي عائلتك باب رزق
الحين العيال صغار وقليلين بكره تكبر العيله وابوكم مايقدر يعيشكم نفس المستوى علًى طول
وراكم بني بيت ونسئوليات ويمكن تدخلين العيال مدارس خاصه
مافي احلى من الراتب الخاص تتصدقين وتعطين والي بخاطرك تاخذينه
والله الوظيفه نعمه
ولا كان ماشفتي حريم تقطع طرق وتروح من الفجريه لمدارس اخر الدنيا
الا وهي مستفيده من الراتب
تنظيم الوقت مهم وانتي دامك عندك شغاله وماتطبخين الغدا ماعليك اي ضغط
بالعكس يمكن تفرغين ضغوط بالعمل ويشغلك عن توافهه الدنيا
توكلي على الله واستخيري
وزوجك مااعتقد انه بيطمع احسه مش مادي ماشاءالله والله بوفقك

لا انسين كفاله يتيمً

بالعكس الوظيفة باب غناة ورزق ومو شرط الموظفة تكون مهمله ببيتها وكذلك مو شرط العاطلة تكون قايمه ببيتها بالعكس يمكن يجي زوجها من دوامه وهي نايمه والعكس.. اهم شي ياأختي التنظيم وتوكلي على الله في كل أمورك وأستخيريه اولا واخيرا وانتي اعرف بأطباع زوجك الله يكتب لك الخيرة والصالح

سجلت دخول عشانك و عشان حبيبة قلبك الله يحفظها ..
شوفى كل وحده بتعطيك رايها الشخصي وان الاغلبيه مهو موظفات

بقولك رايي بناء على نفسي و على زميلات العمل ( كلهم زوجات وامهات )
اولا الوظيفه قدر مثلها مثل اقدارنا بالحياة .
انا كنت رافضة الوظيفة كلياً وكنت اقول اذا تخرجت بجلس بالبيت و مو متوظفة
لكن توظفت باراده الله مع ان الاف يبغون وظيفتى و ماسكين طابور وانا رافضة و هم يضغطون علي
الى ماتوظفت ..
اقولك كذا عشان اذا ماتوظفتى ماتتحسرين و ان توظفتى برضو ماتندمين

ثانيا اسمى وظيفة للمراة و اصل خلقتها بالحياة ان تكون ام ترعى و تربي و تهتم
وهذا المتوافق مع الفطرة وان تكون مكفولة لا كافلة .
بما ان ربي انعم عليك بزوج صالح و مو مقصر و لا ماديته ضعيفة جدا و اطفال
فالاولى ان تكونى معهم وانت مسؤله عنهم امام الله بتقولين مو مقصرة اقولك مستحيل
مايكون فيه تقصير . استمتعى فيهم و خليهم يستمتعوا فيك اريح لكم جميعا

ثالثا لا تفكري بالمستقبل و الوظيفة سلاح و غيرها من الشعارات اللى ترددها الحريم
كل شي بيد الله سبحانه و بما ان زوجك رجل شهم و قائم بواجبه من النفقة المعقوله
فخلاص هذا يكفى و بكره بيد الله مو بيدنا ..
وان لا قدر الله احتجتي بيوم فلكل حادث حديث وقتها .

اخر شي ترى الوظيفة مشكله ^_^ واشوف الزميلات اللى خايفين من غدر الزوج
و يعتبرونها سلاح كل رواتبهم قروض للزوج ^_^ و ان رفضت صارت مشاكل و مشادات
و بعضهن تتقرب لزوجها بمرتبها و تعطيه البطاقة و تاخذ له قرض و تهون على نفسها وتقول
يبنى بيت لنا <<< طيب مو هنا برضه ممكن يخونك و يبنى البيت و يتزوج
على فكره ولا وحده البيت باسمها المساكين ^_^
يعنى مافيه امان بالعكس ممكن غير الموظفة اكثر امان من الموظفة .

والراتب المرتفع تدفعين ثمنه مايجي بالساهل
واللى تقول المعلمات يقطعون مسافات لمدارس اخر الدنيا عشان يستفدون الراتب
ترى ثلث الراتب يروح للسواق و الباقى قروض لزوجها و الباقى صرفيات الطريق ^_^
و حالتهم يرثى لها والله
اللى حامل و تتحمل الطريق و اللى تنزل عليها المويا
واللى مرضعه و تاركه رضيعها و اللى ام و تاركه اطفالها و بالها مشغول
واللى تحمل شنطتها بساكيت لاولادها ^_^ عشان مايبكون ان راحت و تركتهم و عشان يفرحون ان جت
ايش ذنب الاطفال هنا و خاصة الرضع تترك طفلها وعمره شهرين و تقول مو مقصره !!

طلعت عن الموضوع بس عشان اوضح لك ان " جنة المراة بيتها " خاصة الزوجة و الام .

ما شاء الله عليش يا فاكهه عارفه نفسش وتخططين للأبعاد
بصراحه وهذا رأي أفضل ما تشتغلين ما دام زوجش مو مقصر عليش بشي وما شي ناقص في البيت وفي العيال ما له داعي ، المستقبل بيد الله وهو المدبر
اولا مثل ما ذكرتي انش عصبيه والشغل يزيد من عصبية الشخص
ثانيا انتي قويه على زوجش احيانا والشغل بيعطيش طبع قوي وشخصيه حازمه وهذا ما شاء متوفر فيش فما له داعي يزيد في شخصيتش اكثر
وانتي ما طرحتي الموضوع الا لأنش عارفه انش ما بتسيطرين على نفسش وممكن تستقوين اكثر الله اعلم
ثالثا العيال بعدهم صغار ومحتاجين لرعايه واهتمام وخصوصا في الزمن ذه
وش لش من الهم والحر والتعب خليش مرتاحه ومستته في بيتش
فاكهه انتي ادرى بنفسش واهم شي شغلش ما يخرب بيتش ولا يغير من شخصيتش
الله يوفقش لما فيه الخير

__________________
وهل من مصير اخر ؟

توظفي عشان تنشغلين عن زجك
وتصير سلطتك بمجال عملك مو ع المسكين زوجك
قبل ما تتوظفين جيبي شغاله
لانه دوام وبيت واطفال ارهاق وتعب

أفكارك ممتازة يا فاكهه ومقاربة لافكاري قبل الوظيفة ...
اذا دراستك فعلا تعبتي فيها انا اقولك خسارة انك ما تنميها وتطوري من نفسك بتخصصك بعد التخرج ،،، انا بالبداية بسبب ولادتي عفت الشغل وصدقيني صارت لي مثل الفوبيا أأجل هالموضوع واللي زاد علي بنتي متمسكة بالرضاعه الطبيعية فقققط واحس بذنب فضييع لو بس فكرت ابتعد عن بنتي وهي معتمدة علي ،،، بالنهاية مع اصرار اهلي وزوجي وهو اللي بحث لي واتصل للوظيفه وانا هههههه بس اصيح واتحلطم على الكل ..، بنتي كانت ع 6 لو 7 شهور وماشاء الله تاكل بحانب الرصاعه وفرفوشة مع الكل و اول اسبوع دوام كنت كل ساعه اتصل للوالدة واسمع صوتها وهي تلعب ولا جايبة خبري ويصوروها لي فيديو عشان يسكتوني وبعد اقل من شهر تعودنا وفوقها صرت فعلا افضل العمل ! بس انا كان خوفي الوحيد الرضاعة وتربية بنتي ..، فكان حلي الامثل هو الدوام الصباحي وهالشي فيه صعوبة مع تخصصي .. والحمدلله لقيت هالدوام .. يعني بمديك ترجعين تطبخين وتتحملي بالاطفال ..

نقطة انك تشوفي نفسك على زوجك ،، لا تخافين ماراح تصير لانك راح تندمجي معاه وتتعودي وهو يتعود على ان لك راتبك الخاص وبالعكس راح تحسي بالثقة بانك تساعدي زوجك واهلك وبعدها تقدرين تحطين خطط لكم كعائلة وتتسهل امور مثل المسكن السفر وحتى توفير مستقبل للابناء فماراح يجي ببالك التفاخر واستصغار زوجك بل الانشغال بالتفكير بالمستقبل مع بعض .. انا من تجربتي اقولك هذا اللي حصل ..

بالنسبة للخلافات المادية ،، زوجك وانتي اعرف وحده به فهل تظني انه انسان طماع؟ او ممكن فعلا يعمل مشاكل على فلوس؟ ... فانتي بهالحالة بتعرفي التصرف الصحبح كالمشاركة او الامتناع وكلاهما من حقك ..

والله ذكرتيني يا فكوهه انا حاليا ناقلة لدوام آخر ومجبرة على المناوبات وانا حامل وعلى وجهه ولادة ورجعت لي حالة الخوف وتانيب الضمير على اللي ببطني وبنتي هههههه حتى كوابيس تجيني ... دعواتك لي يقبلوا رسالة الدوام الصباحي وربي يجبر بخاطري .... ودعواتي لك بالوظيفة اللؤ تتمنيها ياارب

ادا مجموعك كبير كملي دراسات عليا و فكري تتوظفين بالجامعة راتبها كبير و ساعات العمل قليلة
انا ادرس بالجامعة ادرس 9 ساعات بالاسبوع فقط