استغفر .. غنية باخلاقك .. والله اني ساعات احسدكم على نعمة اللا مسئولية بس بعد لين كنت بنت .. كنت اتعب واخذ شغلي كله للبيت واداوم متاخر
حاليا التقصير واضح في حياتي الشخصية
عيالي بداو يكبرو واحتياجاتهم تزيد
كل ما احس بتانيب ضمير اطلعهم وامشيهم عشان تستنزف طاقاتهم وما يطالبوني بشي
فعلا انا من فترة افكر اني ( اخرطها ) في العمل
وحاطة في بالي
ومقررة اني اوزع العمل واي مشكلة تصير لي اقطها على اللي تحتي
بس مو طبعي
اخاف من الفشل
اخاف اتوهق
وكل اللي بنيته ينهدم ... ترى انا اذا تبي تعاقبيني همشي شخصيتي
محد عرف لي الا زوجي
اشرايك؟ وبالنسبة للتخريطة تتوقعي من ناحية الامانة والذمة عااادي خاصة ان انا متاكدة من الاداء الضعيف لموظفاتي والقسم قبل ما اجيهم كان دمااار
وماااشين على البركة

__________________