ربما و الله أعلم ..
لديه خطب ما يحاول التعايش معه ، فيشعر بالعجز و الفشل .

اتوقع برضو هذا سبب طلاقه للاولى برضو..انسان عديم المسئوليه والرجوله ..شخصيه مهزوزه وغير واثقه..يشبه تعامله تعامل الاطفال..احمدي ربك اللي خلصك منه بسهوله

ربما و الله أعلم ..
هو لديه خطب من شيء أو تجربه ما يحاول التعايش معه
، فيشعر بالعجز و الفشل ، وينتظر اللحظة التي تقدمينها له على طبق من ذهب ..
ثم أنتِ صدقتِ عليك مخاوفه إذ تقدمين و بعلمك وإرادتك على تصرفات غير طيبة تغيظه و تستفزه ،
بدلاً من محاولتك تحسين الوضع النفساني لكما جميعاً .

مثل هذه المواضيع أجد حاجة ملحة لحضور جميع الأطراف ،
إذ تبدو مقننة من جانب واحد يحمله أحد الأطراف ، ويغيب الجانب الآخر عن القارئ أو السامع .


" سبحانك اللهم وبحمدك أشهد أن لا إله إلا أنت أستغفرك وأتوب إليك "

زوجك يدخن؟!

فعلا أصعب شيء ممكن يمر فيه الإنسان انه يشوفه استقرارة ينهار واسرته تتشتت وأحلامه تتدمر والأقسى إحساسة بالظلم والإجحاف.. ماتدري لعل في الأمر خيره لك ولمستقبلك انت صغيرة وقدامك فرص أكثر للاختيار والاستقرار وربي يعوضك بخير منه هو اللي راح تكون حوله علامات الاستفهام طلق مرتين اي عائلة يتقدم لها راح تعيد حساباتها ألف مره قبل ترد له الجواب .. وأبداً لاتبيني للرجل حاجتك له أو انكسارك قدامه قال بطلق قولي مع السلامة الباب اللي جابك يجيب غيرك ،، لما يحس الرجل بضعف المرأة أو حاجتها له سواء مادياً او استقرار او حتى تبي من وراه ذرية راح يذلها ويهددها بأنه راح يتخلى عنها وانتبهي تحكي للرجل عن حياتك الخاصة افكارك اسرارك خصوصياتك عيوبك حتى احلامك لانه ماتعرفي ايش ممكن ينسج من وراهااا.. احكيك من خبرة أربعينية وتجربتين زواج ،،
الله يعوضك خير ممافقدتي ويرزقك بالزوج الحنون والذرية الصالحة..

اه عزيزتي قصتك مطابقه لي
لا تحسي ان العله فيك
هداه الله العله فيه هو
وليست سحر او عين والله اعلم
لكن خلل بنفسيته
مو معقوله يطلق ثنتين عرايس بدون اي اسباب تذكر
ادري صعوبه الامر عليك
انا نفسك تطلقت من ثاني شهر من شخص كان مطلق
ونفس السيناريو يشكك حتى لو اهديت له ورده باني اريد ان العب عليه
وطلقني وهدم نفسيتي واسقط علي الاخطاء كلها وشككني بعمري و هدم ثقتي
حسسني اني اسواء امراه بالعالم
على الرغم مماقدمته له لا تقدمه عروس في بدايه زواجها من هدايا واهتمام
حبيبتي لاتلومي نفسك ولا تسمحي له باحباطك
كل خطاك هو سوء اختيار
والخطط و الكلام قبل للزواج كلام واهي
الي مثله تبان حقيقتهم بعد الزواج
وعدم تدخل اهله معناته عارفين ولدهم وغاسلين ايدهم منه
انا طليقي محد كلمه ولا اردعه من اهله عادي عندهم يطلق ويقولون وش نسوي ومحد اخذ بخاطري ً

اذا لك حق مادي عنده اخذيه الي مثل اشكاله محد يحشمها
تحسبي عليه وادعي بدعاء ام سلمه يوميا
تصدقي واشغلي وقوي نفسك
لعل الامر خيره
و سيغنيك الله من فضله
هو مريض نفسي باختصار ولا يصلح له الزواج
لافي قلبه حنيه ولا رحمه والله فكك منه قبل ماترتبطي بطفل
الله يعوضك خير

حاسه فيك ي قلبي .. عوضك الله خير منه ..
الحمدلله انه طلق بدون مشاكل ومحاكم وقضايا ماله دعوه ..
حطي ببالك انه مايستاهلك ومهو كفو زواج وانك تستاهلي زوج افضل منه بالالف المرات ..
حسبي الله ونعم الوكيل ..

وأنا برضوه صارلي ماصار لكم بس الفرق إني عارفه إن طليقي مدمن سواء حبوب أو خمر الله يعافيه وكل مبتلي

ماأدري بصراحه لو كانت هاذي شخصيته أو إن تصرفاته سببها الإدمان

نصيحتي لك ياصاحبة الموضوع ترمي كل شي ورا ظهرك وإصحك ترجعين له قبل تعرفين سبب تصرفاته هل هو مرض روحي أو نفسي أو يتعاطى شي ولا ترجعين إﻻ لما يتعالج هالوقت ﻻتفكرين إﻻ كيف تلملمين نفسك وتطيبين جروحك وموضوع الرجعه أجلي التفكير فيه والحمدلله خلصتي بسهوله

والله يكون بعونك ياقلبي

هاذا لا محسود ولا مريض نفسسي
هاذا قليل حياء ودين
يلعب ببنات الناس يتزووج واذا شبع يطلق والي بعدها وهكذا،،،
ياحليله قبل الزوواج وبعد ماتزوج وشبع قلب الاخ ع الوجه الحقيقي
حبيبتي لاتقولي لااحد انه ممكن محسود او مريض نفسسي عشان الناس ماتلتمس له الاعذار ،، وعشان ماتطيح بيده فريسه جديده ،،،
الله يكوون يكفي كل وحده ماتزوووجت شر هالاشكال
صار الزواج يخوووف الحين

صحيح كلامك كان يقولي انتي نفسها وعقلك اصغر منها لكن الحمدلله على كل حال