المشاركة الأصلية كتبت بواسطة طعن قلبي

السلام عليكم ورحمته وبركاته
اسعد الله اوقاتكم بكل خير..
احترت وين اكتب موضوعي
الي هو كيف اتخلص من لوم نفسي
ع طول ألوم نفسي اني ماعرفت كيف اتعامل مع زوجي
لما اشوف اولادي ونظرة الشوق لأبوهم الوم نفسي
اني ماطنشت نزواته ولا احرمتهم من ابوهم
ألوم نفسي اني كنت رخيصه ولا قدرت اوقف بوجهه في فعل الحرام
ألوم نفسي اني ماعودت طليقي مدري زوجي مدري ابو عيالي على نفقة العيال وعلى محبتهم...
تعبت من الملامه ولوم نفسي ونظرتي لنفسي بأني على خطأ
ابو عيالي عايش حياته بالطول وبالعرض وشاتني ولا فكر يسأل ....
يالله ماكنت احسب نفسي بهالرخص
كيف اتخلص من هالافكار التحطميه
لما اشوف ازواج غيري مبسوطين والله اغبطهم
انا من النساء العاطفيات مااستغنى عن وجود رجل بحياتي
متعتي وسعادتي وجود رجل جنبي ...

المشاركة الأصلية كتبت بواسطة زهرة الجاردينيا

ماتعانين منه ليست عاطفيه بل صدمه وضعف..انسان باعك ولا اعتقد ان لك في قلبه ذرة محبه والا ماكان سوا معاك اللي سواه..من ناحية اطفالك انتي تقولين مو مهتم فيهم ابداً يعني ماعتقد بتفرق معاهم جلسته والا رحيله..طيب والاطفال اللي يموتون ابوانهم كيف يعيشون؟؟ ماحد يموت من فقد احد..حاولي تستقوين بالله اولاً وبنفسك ثانياً وخلَي عنك الافكار السلبيه والركض وراء الناس البايعه

المشاركة الأصلية كتبت بواسطة مبتعثة متفائلة

مايستحق جلد الذات
حبيبتي المراه لا تربي الرجل ولا تعوده اذا هو مايبغى يتغير
مفهوم التغيير ياتي من الداخل مفهوم اسلامي عظيم
حتى يغيرو مابانفسهم
حبيبتي الانبياء ما استطاعوا هدايه ابناءهم ولا زوجاتهم ولا اباءهم
لان الهدايه بيد الرحمن يهدي من يشاء
فكيف بامراه ضعيفه تغير رجل بيده القوامه
بس جلد وطعن بقلبك وصحتك
ومرحله لوم الذات تمر فيها كل مطلقه
وانا وحده مريت بهالموحله يمكن لاني عاطفيه
يمكن لان مهم عندي الاستقرار
وش تسوين عاد اذا نصيبهم مع واحد بايع
وعمر البايع والشاري مايجتمعون للابد
الله يعوضك خير
والاولاد اجمل نعمه في العالم

المشاركة الأصلية كتبت بواسطة (جمانة)

طعن حبيبة قلبي
هذي كل وساوس من الشيطااان الرجيم
هدفه في هذه الحياة غواية بني ادم وجلب الهم والحزن له
كل ما عليك :
التعوذ منه
والتفكر في نعم الله والايمان بقدر الله
وانه كله خير
وما اصابك ما كان ليخطئك