عفوا ترا الرجال مو سوا كلهم.. .. نحن طيبيين والطيبة معنا نشيلها فوق راسنا وعيونا.. وبعدين تخفف من المهر بالعكس تكبر بعيني زيادة معناته شاريتني. وفرضا لو اني كنت ابي فلانة X من البشر ومصر عليها لكن مهرها كبيير. راح اتدين عشانها.. وهذا بيخليني في هم الدين.. تخيلي زوجك مديون وتعبان عشان يسدد وكله بسببك..

الشيء الثاني انتي تسميها عاطلة براحتك. لكن تربية العيال وشغل البيت هو الوظيفة الي تتمناها كثييير من البنات.. واذا كان عندك الوظيفة اهم من العيال والزوج.. فانت على خطأ ....

والمصاريف الزايدة نقصد فيها الي مالها حاجة لها.. حنا نصرف بالملزومين عليه مع شوية دلع .. لكن عشر فساتين سهرة خلال كم شهر .. واطقم عطور بشهر واحد معصي ! اشتري من راتبك عزيزتي.

عندنا بنت الأصول اللي شايفة خير ماتطلب المهر ولاتجيب طاريه لعلمك.. وانا ضد التكاليف العالية بالذات عالمظاهر لكنها مقياس للزوج وأهله واحترامهم للبنت واهلها ؛)

لم اقل ان الوظيفة اهم من العيال والزوج.. المقارنة غلط بس برضو الوظيفة يستحيل الاستغناء عنها..

اللي اشوفه على رجال هاليومين.. حتى المصرف الاساسي شايلين اياديهم منه.. مانتكلم على فستان او فستانين واطقم عطور

طيب انا رجال ابوي ما يساعدني بزواجي، بالعكس ياخذ مني.. واخذ من اخواني, يعني انا الي بدفع كل الي وراي وقدامي.. الي تطلب مني كثيير هذا بيهدني وبيخليني بهم الدين سنين,, اذا بتطلبون كثيير خلاص مانبي نعرس منكم ,, اروح اطلع موافقة على اجنبية بواسطة واتزوج كله بيكله بيكلف 30 الف مع الذهب..

مرة ثانية.. احنا مانطلب.. عيب! وكونه مايساعدك بزواجك هذا شي كويس مو سيئ.. واللي تجيك مشفوحة لاتتزوجها اساسا لانها ماتنفع.. ومرة ثانية اتوقع عيب تتكلم عن التكاليف بهالطريقة وكأن البنات برسم البيع او بسوق الرق هالشي ينحسب عليك مو لك

والاجنبية اللي متخيلين الحياة معاها وردية عارف بدايتها كيف وعارف النهاية بتصير شلون

مااقصد رسم بيع او شراء. لكن اتوقع الحين المهر لو يكون 30 الف يكون كويس جدا. استغرب من الي مهرها 80 او 100 وش يحسون فيه اذا الشاب فيه اهله بيساعدونه زين.. لكن انا مستحيل احد بيساعدني وابوي بياخذ مني مو بيساعدني !