انتي ساحرة ؟
شلون تستشفين وجود المخاوف دون تصريح بها 😊

بعد ما كتبت لج آخر رد ، خذت السبحة الالكترونية وصليت على محمد وآل محمد 507 مرات والحمدلله على توفيقه ..
حسيت براحة واطمئنان
صرت حازمة مع الافكار بس ما قلت لها اسكتي
حسمت امري ان لابد ان اخلي علامة صح امام الوجه المبتسم...
وقفت الافكار ، ما حاولت اناقشها مع عقلي
لان هذي الوساوس قاعده تلح علي بإن اناقش مخاوفي...
تدرين شنهي المخاوف اللي كانت تلح : ( لو زوجج رجع يحب زوجته وفضلها عليج )
رغم كل ما اعرفه عن علاقتهم
رغم انهم واصلين للطلاق
رغم من خفايا الامور التي لا استطيح طرحها هنا
وكثير من التفاصيل
وبعد ما يلح الخوف يرجع يلح علي تأنيب الضمير
وفي دوامة لا تنتهي

ولكن الحمدلله رب العالمين رغم ان الالم يشتد في رأسي وكأني طالعه من معركة الا ان اوقف هالافكار
تراودني بعض الاحيان واسكتها وتروح..
وباظل اقاومها ، وبدحرها ، وبنتصر عليها


المهم و رغم انشغالات زوجي الكثيرة خصوصا
بعد صلاة المغرب الا ان طلبت منه ياخذني فره بالسيارة ويردني وما قصر مسكين عطل اموره وخذاني .. وكان التحدي ان اخلي نفسيتي معاه تمام واضحك واتونس واونسه
والحمدلله رب العالمين ، قدرت ولأول مرة في هالفترة من الشهر ان انتصر على الاكتئاب...

والخوف كان اذا رجعني البيت شلون بتكون نفسيتي ؟
بس رجعت البيت سويت شعري مثل الاطفال ولبست وانتي بكرامة نعال على ميني ماوس دافئ جداً وظليت امشي واتحرك واركض وألفت لي اغنية تقول : انا اقدر اقاوم هالافكار واقدر انتصر عليها
وظليت امشي بخفة وانا ارددها واضحك

😊 فشيلة ، تالي العمر فضاح

المهم وجيت اكتب لج الحين

عندج آلية معينة اعدي فيها هالاسبوع ثقيل الدم الكريه 😆