صدقا يا مهره حكايتك تحزني احيانا وتقهرني احيانا

يعني ما اشوف فيه موقف جديد فتح الجروح هي موجوده بحياة زوجك وحياتكم كلكم
ما علموك..؟
بدوا يطفشوا من المداراه والنكد والهم صاروا يفضلوا العمل بصمت <<ولن يطول ان بقيتي هكذا
لكن انك تقولين صار شي جديد لا ما صار شي هذي حياتهم تمشي طبيعي وانتي بس اللي واقفه بالنص
تستني هذا يطبطب وهذا يداري وذاك يكذب عشان مشاعرك

طيب لين متى..؟
تحسبين بيتحملون هو واهله هالوضع لسنه او سنتين زياده..؟
تحسبينه كل مره بيداري ويطبطب ويطنش..؟

تستنين يجي اليوم اللي تعاتبين فيه وتكتبين رساله وتنتظرين التبرير والحضن والمشاعر
ما تلقينه الا يقول كيفك الباب يفوت جمل .؟
بعد ما يكون مل وتعود على قسوة القلب تجاهك ف للصبر حدود خاصه عند الرجل
وما عاد يهمه زعلتي ولا رضيتي

ولا تظنين ان امه بتم كذا تتجاهل زوجته عشانك هذا ولدها وهذي مرت ولدها
وبتجي مواقف تقربهم لبعض خاصة اذا هي بنت حلال بيحبونها طال الزمان ولا قصر

وبتكونين ساعتها بنظرهم الحسوده اللي تبي تفرق جمعهم هذا بعد مده من المداراه لك ولمشاعرك يجي الملل
ويصيرون يقولون تزوج عليها ندري ودارينا وطبطبنا وراعينا بس خلاص لين متى ننحرم نجي ولدنا وحرمته وتجينا

بس نخبي ونغطي كننا مسوين جريمه..! خلاص كلهم زوجات ولدنا وكلهم ما شفنا منهم الا كل خير
بس بس ام سلطان الله يهديها طولتها وهي قصيره ظنينا سنه 2 3 وتهدا الامور ويعيش ولدنا بسلام
الا كل مناسبه قالبتها علينا نكد<<لاحظي تغير موقفهم مع الوقت وكثر الدق يفك اللحام

انا قاعده اشوف الصوره من بعيد واتوقع اي شخص بيقول هذا اللي بيصير بعد مده طالت او قصرت



)خارج النص بعيد عن مهره(
استغرب اللي الدنيا داعسه عليهم وما زالوا يتجبرون حيلهم بلسانهم !!
بس لا يستغربون ويقولون ش اللي احنا فيه

اصلحوا قلوبكم تصلح حياتكم😊

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..