انا ماقلت هو كويس ..
أهداني ثلجا

هو يستنى فرصة .. عشان يتلاعب بيا ..
هو يلعب باعصابي

هو لما يشوفني ضاغطة عليه .. يخدمني و يخدم الاولاد

لما يشوفني تاركته براحته .. يبدأ يتلاعب

جلس فترة يقول لي ..
انا رايح مكتب الاستقدام عشان اقدم لك ..
و يقول انا عندي مقابلة عشان وظيفة و لازم اروح ما تاخر ..

و كل مرة يطّلع لي بحجة انه المدير غايب او او ..
تركت جوالي التاني في سيارته .. و راقبته ببرنامج ..

شفته كذاب .. بيخرج من البيت و يروح يجلس مكان كم ساعة ..
هذه مافيها حرقة اعصاب !؟

ما يبغالي وقتها اقول خلاص كذاب انفصل عنه !
بعدين اعترف لي انه غرفة مستاجرها هو واصحابه في مكان معروف للشباب عشان الشيشة و الدخان
و يلعبوا بلوت و اخدني هناك و صور لي من جوة .. و

طيب و الكذب و انه في مقابلة و التمثيل !؟
المرة هذه عند اصحابه .. المرة الجاية فين ؟
كيف الثقة ترجع ؟

.
.

اقول لك ممثل ..

ايش يضمن لي انه كل الي بيعمله دحين مو تمثيل !؟

.
.

عشان ما افكر و لا اهتم هو تمثيل و لا مو تمثيل !؟
و خليه ينحرق ماهمني ..

لازم اتعلَّم اني اعتبر وجوده ( ولاشي )
الشي هذا انا ما قدرت له ..

.
.

هو ما يحكي اي شي .. ما يتكلم
اجلس اشتغل محققة بالبيت !؟

لو ما سالت .. بيتمادى ..
يسهر للساعة 2 مثلا

هو مثل الطفل .. يقيس نبضي كل شوية ..
يستنى الفرصة الي يشوفني فيها راضية و واثقة فيه تماما

.
.

انا اتلدغت كثير
و هذه اخر فرصة

ماني جاية افضفض
و لا انا بحاجة للفضفضة بالمنتدى ..

ما جابني الا الشديد القوي
وقفوه كم يوم و اعرف امَس انه متوقف عند ادارة المكافحة
و امس مباشرة رحت المحكمة و رفعت طلب عند الشيخ ..
بعدين عرفت القصة بالكامل و توقفت عن إجراءات المحكمة

ابغى طريقة اني اعتبر وجوده ولاشي ..
و انا ماشية بالخطوات هذه .. و شايفة النتيجة في نفسي ..

جملة ابو حكيم
لو اختي كنت نصحتها تتطلق .. قدرت توصلني و تاثر فيا
ماني جالسة العب لما اطلب مساعدة

الحركات الي يعملها هذه
حركات روميو و قيس .. مو جديدة علي يا اخ أهداني ثلجا
و مو معناها انه كويس ..

يمكن صادق
يمكن كذاب
يمكن و يمكن

المهم انه مستمر بالكذب
مثل لما تركت جوالي في سيارته و عرفت انه كذاب

هل راح اشتغل مباحث مع زوجي !؟
هذه حياة مستقرة برأيك !؟

.
.

عقلي ما يصدقه ..
لكن قلبي هو الي انا بأعمل له كنترول ..

...............