أعتذر منك أخي في الله على كثرة الأخذ والرد ... لكني صدقا بدي أوصل لنتيجة مش بس أفضفض .
وبالوقت اللي تحس أنك مليت أو تعبت تقدر تنسى الموضوع كله وأكون شاكره لك فضلك .

تشبيهك ما ينطبق على مقصدي .. أنا لازم أعرف نوع الحريق بالأول عشان أعرف كيف أطفيه .. لأني لو استخدمت ماي لاطفاء حريق ناتج عن تماس كهربائي راح أفقع البناية كلها
ممكن ألين له واسامح وأنسى ولا كأنه صار شي وهو يفهم موقفي على انه إقرار بالذنب .
وممكن ألين له واسامح وهو يفهم اني كريمة الخلق .
واختلاف ردات الفعل بالحالتين بحسب اللي براسه .. وانا لازم أفهم شو اللي براسه قبل ما أتصرف

أوك .. انا الان سامحت وسكتت ولا كأنه صار شي ... وناوية أطلب منه مثل ما قلت لك أطلب تأمين نفسي لحالة طواريء .
هو ممكن يفهمني ويقدر حاجتي لو هو فاهم حالته أو حاس فيها ولو جزئيا وحتى لو كان في حالة انكار .
وممكن يفهم اني قاعدة أتجهز للانفصال عنه .. ويقرر أنه قصقصة جناحي هو الحل الأمثل .. وهو الحل اللي متبعه طول حياتي معاه .

فهل أتكلم وللا أسكت وانتظر الى أن نوصل للنهاية ؟

موقف حصل من شوي .
كعادته فاجأني قبل الظهر بشوي بعزومة .. أخوه وبنت أخته وكان يدور له على أحد غيرهم يعزمه معاهم وما حصل .
ومع ذلك قابلت الموقف بترحيب لأني أعرف أنه مجرد أن يظهر على وجهي مسحة استياء فراح يعتبرني أخطأت . ومع قمة انشغالي يجيني شوفي لي هالجرح باصبعي سوي له غيار وتضميد ( جرح ما يتجاوز ملم ب 2 ملم .. لو ولدي اللي قال كلامه كنت عطيته على وجهه وقلت الرجال ما يتدلع )

المهم
بعد ما خلصنا أكل كنا أتكلم مع البنت عن احتمالية اني أزور قطر واني أفكر أعطي هناك دروس خصوصية لأطفال مدارس كوني ماهره بالتعامل مع الأطفال وبايصال المعلومة .
(( البنت ما تعرف شي عن مشاكلي مع خالها )) ردت علي وقالت حتى دروس التجويد تقدري تستفيدي منها .. مطلوبين كثير عندنا ويعطونهم كذا وكذا عالساعة ..
دخل علينا زوجي وأخوه وسمعونا .. على طول أخوه قال عندنا بأمريكا تاخذ الحرمة اللي تعطي 40 دولار الساعه .. لأن المنطقة اللي احنا فيها ما فيها أحد يعطي .
على طول زوجي تحمس وانفعل ويقول لأخوه تراها أخذت اجازة علمية يعني قانونا تقدر تعطي .. خلها تروح تجلس عندكم .. وأخوه لأنه يعرف بمشكلتي حاول يمجد فيني وصار يحسب له بالأرقام كم ممكن اخذ وانه مجرد ما انعرف بياخذوني المدارس الاسلامية هناك .

ما أقدر أقول انصدمت من كلام زوجي .. لكن انزعجت ...

طلعوا الجماعة من عندنا .. وانا أرتب بالمطبخ .. جاء زوجي يقول لي تصدقي فحصت السكر وطلع عندي 150 ؟؟؟ ليش برأيك يكون ارتفع ؟؟
قلت له يمكن من كثر ما انفعلت واتحمست أنك حصلت لك مكان تخلص مني فيه

سكت وهو يطالعني شوي وطلع وتركني .

فيزتي لأمريكا باقي فيها لغاية 21 ابريل ... بفكر أجددها واروح فعلا اعيش هناك عند اخوي

مع العلم اني كنت مرتبه موعد مقابله بالسقارة الألمانية هذا الأسبوع ولما طلبت منه بعض الأوراق قال لي أنه الأفضل أأجل الموضوع لبعد عرس بلال ..

__________________