انتي قريبة من الخط الاحمر

اذكر مرة من المرات كنت مع واحد في العمل ( دوام الفترة المسائية) وياما احلاه

ولما جاء وقت رجعة البيت ، اتنهد وقاعد يصبر نفسه

وش فيك يافلان؟

: ابد ، منتظرني النكد اليومي!

اختي زين

هل تتوقعي زوجك يفرح بداخله لما يجي وقت رجعته لبيتك!

لا ما يفرح
يخاف ان انكد عليه رغم معرفتي بحبه لي
ما يشفع لي الفترة الاخيرة الحلوة اللي عشناها ؟

ما عليه قلت لكم بالي وسيع واتقبل النصيحة
عطني خطوات عملية امشي عليها
انت رجل وافهم بنفسية الرجال
هو شمالي شرقي
عملي جداً جداً
يبي قراراته تمشي دون نقاش او ابداء اسباب
يبيني على طول مبتسمة وما فيه شيء يزعلني وما يشوف دموعي ابداً
اذا كلمته بكل جدية وكلام دايركت قال مو عوايدج اسلوبج جاف
وان كلمته بلين قال لا تحسسيني انج ضعيفة
ما يبيني احتاج له يبيني اكون مكتفية بذاتي 😢 انزين وحاجتي لوقوفه جنبي ؟!!
يبيني اكون مشغولة وما يرضى اشتغل ولا نادي ولا دراسة ولا كل يوم اروح لأهلي

ابي اعرف دوري اللي لازم امارسه بدون ما اكون متضايقة ومحتاجه حق شيء ؟