السلام عليكم ورحمة الله وبركاته,,,
نعم برافو عليك التزمي الصمت، لمن يراك هكذا سيأتي إليك ويقترب منك وفي كلامه سيقول لك سامحيني وهكذا..
وأهدافك قلت لك عالنت وأنت جالسة في البيت.
وتعلمي التغاضي عن الأشياء الصغيرة كي لاتأثر على حياتك، ولا تكثري العتاب وهو في حالات عصبيته.
امتصي غضبه، وانتبهي من الكلمات التي تخرجيها اخونك وغيره وإذا كثرتيها حياتك ستدمريها بيدك ويشك فيك.
فرج الله كربك.

زين هو مايعتذر ولايعترف بغلطه لانه وقت مايكون معصب انت تنرفزيه جربي اسكتي ولاتردي نهائيا ولما يهدا ويجي يتكلم معك تكلمي معاه بلي في نفسك
وبعدين وقت ماهو معصب لماتقولي ابغاك تحتويني طبيعي جدا يرد عليك بهالرد الأم لماتعصب على طفلها وتشوف الدمعه بعيونه تنقهر انها زعلته بس ماتحتويه الا لماتهدا فمابالك بالرجل وهو يصارخ مستحيل بجي يحتويك ويلاطفك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

شكرا حبيبتي الله يقضي حاجتج
هذا اللي سويته البارحة بالفعل .. حاولت امتص غضبه

تحليلج صح .. شكرا حبيبتي الله يوفقج

اخي عضو قديم بإنتظار تعليقك

البارحة رجعت البيت وهو لازال متأثر بما حدث و داخل كهفه على قولتهم
تعاملت معاه طبيعي وكأن شيئا لم يكن
اكلمه ب 10 كلمات يرد بكلمة
كلمته بهدوء قلت له ترى اذا كل ما صارت بيني وبينك مشكلة بتبقى تقلب وجهك ومتغيرة ألوانك وتغير معاملتك 24 ساعة ؟

انفجر!!!!!
هالكارثة اللي امعيشتني اياها طول اليوم تبينها تنتهي بسهولة ؟؟
ما قلتي كثر خيره حبيبي اللي قاعد يحاول يكون طبيعي ويكلمني ويحاول يكون عادي
خليني براحتي نفسيتي للحين ما هدأت بسبب اللي سويتيه فيني...
قلت له حقك علي ..

انسحب بهدوء و رحت الغرفة انتظر 10 دقايق تقريبا و لحقني..
قال لي انا فعليا ما عندي غير زوجة وحدة وواضح ان انا بخسرها للأبد!
بسبب كثرة المجادلات.. والإلحاح وقلة الصبر

قلت له انت ما تبيني اكلمك بشيء
قال قوليلي متى قررت قرار ومشى من غير ما تناقشين أو تعرفين أسبابه ؟؟!

قلت له ابشر .. باكون لك مثل ما تبي ان شاء الله
" ولو ان ما اخفي عليكم بصراحة انه اطيعه باللي يبيه وفي قراراته بس احب نتناقش!!!!! وهو أبد يبي كلمته حد السيف "

بس اذا شفتني متضايقة تعرف اللي ابيه .. مو لازم تتكلم وتطبطب في وقت وجودك معاي قرب مني بس
قال انا على طول قريب
قلت له منت مقصر معاي بشيء
بس كون اقرب في وقت ضيقي احتاج لك ما فيه بشر اقدر اتكلم له غيرك ترى
قال باحاول...

لازال لحد اليوم مو على طبيعته .. يتعامل بشوية برود ويقول غصب عنه
يقول شوي شوي بيرجع طبيعي...
واشوفه قبل شوي يمزح ويضحك الحمدلله

دعواتكم

الله يهدي سركم

حاولي توثقي فيه و خففي حساسيتك اتجاهه، و انشغلي عنه

راجعت موضوعك في ساعدني (الرد رقم واحد)

فوجدتها هي نفس المشكلة

صح؟

طيب ايش رأيك نبدأ من الأول ولكن بشكل مركز ومختصر

ماهو الموقف الفلاني ( حدديه) الذي تريديني ارشدك فيه كيف تتعاملي مع زوجك فيه؟

اشكرك جداً يا أخي

1- كيف اخليه يحتويني إذا متضايقة بدون هالصيحة والمشكلة
مع العلم يا أخي كذا مرة يسألني شلون يعني ؟
واقول له شلون ويرجع يتكرر الموقف ويسأل شلون ويقول ما اعرف
ولما اهدأ شوي يسوي اللي قلت عليه .. كأن برستيجه ما يسمح له يسوي اللي قلت له عليه على طول
ويتكرر هذا الموقف وايد في حياتنا ان متضايقة واحتاج منه موقف لطيف
مع العلم أيضا انه غير مقصر في الاوقات العادية!!!!!
بس وقت اللي متضايقة ما يحب افضفض .. على طول يبي المختصر المفيد
زين آنه ما ابي منه حل أحيانا بس ابي افرغ اللي بداخلي..
وما يعرف يحتويني

2- موضوع إنه يبي يقول الكلمة وتتنفذ على طول من غير اي سؤال
من غير كيف ولا شلون ولا متى ولا ليش
التنفيذ فقطططط
والأمر صعب علي انه انفذ اللي يقوله حرفيا لكن لازم اعرف انه ليش اسوي هالشيء
او اناقش فيه
وهو يقول لا تجادليني!!!

3- عصبيته القاتلة .. يقول لي بسببج تطلعيني من طوري فتحملي أي كلمة اقطها
للأمانة هو ما يسبني ولا يهيني ولا شيء
بس انه يرفع صوته علي هذا تقليل من احترامي
ويقط كلام جارح
ما احبج
انا ليش متزوج وحدة ثانية يكفي الجحيم اللي عندي
ما اشتهي اشوفج
واذا رايق ... يقول لي هالكلام اللي اقوله لج وهالمزح وووو ما تعاملت به ومع احد غيرج لا اخواتي ولا ام عيالي ولا اخوتي ولا اصدقائي.. معاج ارتاح
يمه شهالتناقض!!!!


بس احب اوضح لك
ان حياتي معاه تحسنت وايد ومشاكلنا صارت اقل وااااايد اقل من قبل
وصار من يفتح الباب اشوف ابتسامته
\حتى قال لي ان رجعت اشتاق وانتظر يجي وقتج بفارغ الصبر
صرت ما افكر وايد
ومن كذا يوم عرضت نفسي على اخصائية قالت لي ما فيج اي مرض نفسي
هذي سلوكيات تحتاج تعديل وكلام وايد
واعترضتني ظروف وما اقدر حاليا اكمل معاها في الوقت القريب

تعرفي نوعية زوجك لو طنشتي ومشيتي له وسكتي وقت ماهو معصب واي شي يقوله قولي اوك بدون جدال رح تكسبيه ويصير لك مثل ماتبي
النقاش الي تبغي تناقشيه اجليه لماتشوفيه هادئ

الله يهدي سرك ويسعدك حبيبتي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

أختي زين
أنت وايد مجادلة هذه أسوأ خصلة فيج بعين زوجج.. اتعبيني وأنا اقرا لج
ريلج واااضح شمالي
رجل الافعال
عطاءاته لك كلها فعلية وذات معنى وقيمة حقيقية
هذا رد مختصر من الموبايل
خففي جدل وتدقيق وارحميه وارحمي نفسج

__________________
الحمدلله الذي بنعمته تتم الصالحات