اعترف اني احبه رغم كل شئ ...فهو يكون في غاية الطيبة لما يكون هادئ وراضي علي يدللني..ويتمنى رضاي..بس فلحظة غضبه يعاملني مثل الحيوانة تعبت اقوله كل شئ لازم يكون بينه وبيني وما يطلع صوتك علي قدام ولادي والشغالة
يرضى بسرعة بس انا اظل مجروحةايام طويلة ولا انسى واحس تكبر الفجوة بينا كل يوم
بذكرلكم موقف ثاني
كنت بروح ازور بيت اهلي وفالعادة اشل ولدي الكبير وواحد من التوأم بححكم انهم صغار وصعب علي اسوق وما اقدرلهم بروحي ب2 والشغالة ما تروح معي ولايرضى اشلها ودايما يقول مالش خص فيها وانا جايبنها لامي مع ان اروح نهاية الاسبوع وكل حمياتي اجازة ....المهم طلعت واشوف ولدي الصغير جاي يركض يصيح ماما وين بتروحي عني وقررت اشلهم ب3 لاول مرة ...ورسلتله مسج ابلغه وخبرت اهله...واساسا كنت مخاصمتنه...وصلت بيت اهلي وشفت رساله منه لا تشليهم طبعا انا خلاص كنت فبيت اهلي ..وجيت اتصل عليه حصلت جهازي مقطوع..المهم هو كان طالع من البيت ورجع عالمغرب وجن جنونه لما سأل امه عن اولاده وخبرته ..وجلس يتصل ويسب ويهين وتخيلو جاي يتبعني لبيت اهلي لولا ان الله ستر كنت ذيك الساعة طالعة من بيت اهلي وشفته قبل لا يدخل بيت اهلي وشل ولاده وراح ولسانه ما توقف يدعي علي اني سرقت ولاده وبدون اذني ومالي حق فيهم...دايما يقولي بطلقش بس بشرط انك تكتبيلي ورقة تتنازلي فيها عن الاولاد وانك مالك حق فيهم ولاعلاقة بيهم...اذا وصل الموضوع لأهلي انا بنفسي بيكن هذا اخر يوم لي معه لان اعتبر خلاص بينتهي كل شئ وبتكون سيرتنا ع كل لسان...
صعب جدا التعامل معه ...مجرد يتعور ولدي ويكون معي علطول بيسبني ...ما اقدر اضرب او ادب ولدي اذا غلط بشئ بيجي يصارخ علي انا وقدامه ويطلعني انا الغلط وهو الصح ويقول بروحش انتي تريدي أدب..واحيانا يمد يده علي قدام ولدي اذا ضربته او صرخت عليه
آه آه...اعترف والله اعترف اني ما اقدر امسك نفسي وعصبية فوق المعقول بس والله لاني فوق تعبي ما احس باي استقرار ولا تقدير بالعكس يحسسني اني فاشلة فكل امور حياتي