رجاءً انا بتكلم بالنيابه عنها

اللي بينصح ويتكلم ينصح بدون تهجم وجرح

اعرف بتقولون احياناً الكلام القاسي يخليك تصحى من غفلتك صح معاكم حق

بس خلو نصحكم بارد على القلب عشان الطرف الثاني يتقبله ويقتنع فيه

حبيبتي إنحنائه...

اللي تعيشينه حلم جميل بالنسبه لك.. لاحظي إنني قلت حلم يعني

بيجيك يوم وتصحين منه.. اصحي منه الحين وبأقل خسائر ولا تصحين

بعد مايطوف الوقت وتخسرين لاسمح الله بيتك وعيالك

ماعرف اللي بقوله لك واقعي او لا.. بس الكلام اللي حسيتيه لامسك

واعجبك من جارك قوليه وطبقيه مع زوجك وبتلاقين تجاوبه منه صدقيني

حطي يدك على قلبك وقولي (( ربي ارضني بما قسمته لي ))

ربي امسح على قلبي بالرضى والسعادة... اي دعاء تحسين انك محتاجته

صدقيني حياتك مافيها نواقص كثير ماشاءالله وكثير يتمنون يعيشونها

اعرف ان النقص العاطفي مو هين.. بس يضل هين قدام اللي مشاكله ضرب

وإهانه واستنقاص

اقنعي نفسك ان اللي تسوينه حرام والحرام لذته زااااااائله وبتقتنعين صدقيني

اسأل الله ان يسعدك دوم وتلاقين اللي تتمنينه مع زوجك

سوري ردي ملخبط وماعرف شو قلت اصلاً...