السلام عليكم

انا وامي واخواتي في حروب طوال السنه بشكل لا يتصوره عقل احد
طبعا لمن تابع موضوعي السابق سيعرف مقصدي
فاخواتي يستغلون ضعف شخصيتي ويقاطعونني عن الكلام وحتى رد السلام لاي غلط ارتكبه ولسان حالهم امشي زي ما نبي ولا المقاطعه مصيرك وحسبي الله فيهم لانهم يعرفون انها تاثر في نفسيتي

تخيلوا قبل رمضان مقاطعيني 3 شهور ولا وحده تتكلم معي بحرف واحد ولا حتى ترد السلام لو القيته انا
وان كانوا يسولفون امي واخواتي واجي واقول اي تعليق ولا كانهم سمعوا شي يكملون الكلام والضحك مع بعض
وانا في كل سجود ادعي ربي يوريني فيهم يوم وان شاء الله انه قريب

المهم من دخل رمضان وشافوني اخذت اجازه كل رمضان وشافوني مواظبه اطبخ في يومي صنف مالح وصنف حلى وسلطه وقهوه واحضر فطور يومي على اكمل وجه
تكرموا عليه وعطوني وجه

والمطبخ كل يوم على وحده
وانا اليوم الجمعه اول مره من دخل رمضان ما اطبخ
ما حبيت يوم الجمعه يروح عليه وابي ادعي ربي لنفسي ولعيالي
قمت سويت( سمبوسه وبسبوسه وسلطه وقهوه وسخنت شوربة امس) بذمتكم يا ناس هذي ما تكفي ونعمه!!!

المهم قلبوا وجيههم الثلاثه ومن وقت جلوسنا على الفطور ما يكلموني
وبداوا بالحرب النفسيه ضدي اللي كانت قبل رمضان واللي دااااااءما يسوونها
سواليف وضحك مع بعض وبمجرد دخولي تقوم الوحده او يسكتون لين اروح ويرجعون يسولفون او يسولفون وادري لو شاركتهم بيطنشوني واصير بنص هدومي

حسبي الله فيهم ليوم الدين يعرفون تاثير هذا الشي على نفسيتي لكن الله ينتقملي منهم واشوف فيهم عجايب قدر

دلوني اش اسوي في هذولا العدوات المسميات اخوات؟؟؟!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

أمك ايش علاقتها بالموضوع !؟

أخواتك تجاهليهم اذا بيعملوا الحركات هذه ..

اذا انت طيبة و كويسة ؛ بيعرفوا قيمتك بعدين ..
و ينشغلوا بنفسهم ..

كم الفرق بينك و بينهم و ايش ترتيبك !؟

لانه مرات .. هذه العوامل لها تأثير في العلاقة بين الأخوات

ليه ماتدعيلهم بدظل ماتدعين عليهم
احنا في ايام الله
وان شالله دعوتك مستجابة
ادعي ربي يجمع بينكم ويحنن قلوبكم ع بعض
وبعدين انتي لا تتاثري ابدا عشان يملو ويبطلو هالاسلوب

لاحول ولاقوة الا بالله

__________________
سبحان الله وبحمده سبحان الله العظيم

امي!!
امي اساس البلا كله الله يغفر لي

وربي لو امي ما تعطيهم وجه وتوجهم بس توجيه ان هذي اختكم ما يرضيني اشوفكم متقاطعين ما كان هذا حالنا لكن حسبي الله ونعم الوكيل

انتي تعرفين امي ما تاكل من طبخي !!
تجلس على السفره تشرب قهوه وتمر والاصناف اللي مسويتها ما تمد يدها عليها
احتقارا وكرها لي من الله وفي الله

والله لاني عاقه ولا فاجره ولا مسويه جرم يستاهل كل هذا!!
لكن سبحان الله تقولي اختي الكبيره لعله ابتلاء من الله كره امي لك
لان الكل ملاحظ موقفها مني

واقسم بجلال الله اني مريت بفتره اوشكت على الجنون من افعالهم لولا لطف الله بي ورحمته وارجاعه اياي لبابه سبحانه

ويا ما رديت لساني عن الدعاء عليها بشكل خاص اقصد امي

لا تقولين اش دخل امك امي الاساس لو ما قوتهم كان من زمان بطلوا اساليبهم
امي تكرهني من زماااان حتى اخواتي ملاحظين نفورها مني وحبها لاخواتي
ويستغلون كرهها لي بان حتى امنا معنا اش عندك اعتراض

واذا امي معهم انا خلاص مالي حيله الا الدعاااااء ان يذيقهم الله ما اذاقوني من جفاء وهجر وكاني يهوديه بينهم
حتى اليهودي مامورين بحسن الخلق معه!!!


ترتيبنا انا الكبيره
ولا هم صغار ولا شي انا 30
والثانيه29
والثالثه28
يعني صغر جدتي ماهم صغار

تخيلي تموووووت في اختي اللي بعدي وكلنا موظفات
اختي هذي ما تطلع القرش الا من تحت ضرسها وعمرها ما اعطت امي عيديه
وبعد ما توظفت انا
وانا اعطي امي عيد الفطر وعيد الاضحى كل عيد 500
واول رمضان اعطيتها 2000 الفين مساهمه للبيت
وقبلها اشتريتلها سواره بالفين
واختي الاخيره غير موظفه عنر اختي هذي ما عطتها ريال
وانا من توظفت اعطيها كل عيد 500 وكل فتره وفتره ما اقصر
وسبحانك يا ربي كاني زباله انا وافلوسي
واختي هذيك تموت بتراب رجولها!!
بذمتك ما يحقلي اتجنن!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

معاك حق و مصدقتك

بس سالت لاني ما قريت فوق .. امك ايش عملت
و انا شايفة زوجي كيف - من الله - يعامل الكبير تعامل مختلف عن التاني ..
و شي خارج عن ارادته

و امي الله يرحمها كانت برضو تقسى عالكبيرة و تفرق بينها و بين اختي التانية ..

.
.

عالعموم .. انت عاملي انك بِمَا يرضي الله

شوفي اختي الكبيرة ربي عوضها بزوج حنون و طيب مرة ماشاءالله
و يسوي لها اي شي تبغاه ..

ادعي و كثفي الدعاء ..

امك تحبك .. لكن مرات محبتهم تظهر على شكل قسوة ..

ما اقدر ادعيلهم
احس براحه شوي واني بردت قلبي فيهم يوم ادعي عليهم

ما اقدر الا ادعي عليهم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

صدقت لا حول ولا قوة الا بالله العلي العظيم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

شكرا اختي الكريمه روح الطير
فرحت بعوض الله لاختك بالزوج الحنون
والله انني داءما ادعي ان يعوضني الله عن كرههم وقسوتهم
بحبه هو سبحانه ثم حب زوج صالح وحنون
واسال الله كما عوض اختك ان يعوضني

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اختي انا حاسه فيك

بس تدرين لازم تبتداين بنفسك قبلهم

انتي لما ياثر في نفسيتك اساليبهم وحينما اوشكتي عالجنون

عندك نقطه لازم تنتبهين لها


اعرضي نفسك على استشاري نفسي
راح يقولك اكتئاب وانتبهي تهملين نفسك انتي عندك اطفال حرام يشوفون ضعفك

الشي الثاني اجمعي فلوسك لو سمحتي لين يكبرون عيالك ع الاقل يكونون بالمتوسط واشتري لكم بيت
لك ولعيالك

الي تمرين فيه مؤقت والفرج قريب

اختي انا مستغربه امر وساتركه حبيس نفسي

ولكن شغلي القران ببيتكم خصوصا البقره بصوت مسموع