المشاركة الأصلية كتبت بواسطة .Queen

مو انا الي اذاكر لهم .. لكن انا اتابع واجباتهم وارتب جدولهم .. والمذاكرة على زوجي ..

زوجي ابدا ما يدري شي عن دراستهم ، و لا يهتم ..

بالنسبه للقرآن .. نصيحة دخليه تحفيظ القران .. ريحنا كثير .. بنتي كمان عندها لاب توب ..
بابا سلام ..تقرأ معاه .. وماشاءالله لما زوجي يسمع لها تكون حافظة ..

كوين ، تعرفي البنات أشطر من الأولاد ماشاء الله ..
ولدي عيونه تدمع و يكششششششر لما أبغى أبدأ أذاكر له ..
و غصب عني بالأخير أعصب عليه و اسبه ..

و مافي تحفيظ جنبنا للأسف ..


حفظ الاناشيد .. برضوا عن طريق السي دي او مقاطع باليوتيوب .. تحفظها بشكل اسرع ..

ولدي لازم اجلس فوق راسه ، ممكن يجلس ساعة يسمع للشريط ..
بس ما يكون مركز ، لازم أكون معاه ..

راح احاول كمان ..

بنتي تجي من المدرسة .. على طول تحل الواجبات .. وتجلس على لاب توب بابا سلام ..
العصر تروح التحفيظ .. الساعة 6 يذاكر لها زوجي .. تقريبا 7 او 8 بالكتير نايمة..

ولدي ما يعرف يقرأ مضبوط .. لازم أكون معاه و افهمه و اشرح له ..
خاصة انه كان معايا في الخارج لمدة 3 سنوات و نصف ، و ما كان يتكلم عربي ..
عشان كذا فيه كلمات بالفصحى لازم اشرح له ..

هو ذكي ماشاء الله ، بس لازم اساعده دحين في التأسيس
و ماني عارفة أو ماني قادرة استمر ، أو بالأصح ماني عارفة كيف ؟

.
.

كمان أخوانه يحبوا يلعبوا معاه ..
مرات يقول لي ماما ، أبغى ألعب مع أخواني ..


قومة الصبح مع الازان تقريبا ..

بالنسبه للايباد .. السنه الي راحت كان بس في الويكند ولمدة ساعتين ... لكن الفترا هدي محرومين منه من زمان ..

طيب و أخوانه الصغار ؟؟؟؟؟
لو ما أعطيتهم الأيباد ، يجوا يضايقونا بالمذاكرة و يقطعوا الأوراق و يزعجوني ..
يبغوني بس اهتم فيهم ..

ساعتين في الويكند ما تكفيه .. أعرفه ..


الله يعينك .. انا زوجي شديد معاها وقت المزاكرة مذاكرة ..
انا عندي تتدلع والوقت يطول .. لكن زوجي ساعة وتخلص ..

عكسي انا و زوجي ..

زوجي حتى بالإجازة يذاكر لها

وان شاءالله تشوفيه من المتوفقين ياارب ..