شوفي ياقلبي .. إن شاءالله أنتي مافيك إلا العافيه ... وعن هالتفكير .. وبعدين أنتي حاطه موضوع الطبيب النفسي في عقلك ..
الأفكار تجي لكل الناس , لأن كل وحده تتمنى أن يكون لها بيت وعيال وزوج وراحه ومال ....إلخ ..


طيب .. ليه أنا مافكرت أني مريضه نفسياً لأن أوقات تجي في بالي سالفه الموت قبل لشوف عيالي !!

شوفي ياعمري .. كل شي قسمه ونصيب .. والموت مكتوب على كل شي فيه روح .. وكل واحد مكتوب له يوم معين ودقيقه معينه وثانيه معينه .. مايعلم فيها إلا رب العباد ..


هدي نفسك .. وغيري جو البيت .. ولاتضغطين على وزوجك أو تزعلينه .. لأنك راح تخسرينه بهذي المعامله ,, وبخصوص أنك تحبين تقعدين لحالك هذا شي طبيعي .. أنا أموت من الفرحه لما يكون البيت هادئ .. وبدون أي صوت أو همس .. ولا بعد تجيني أيام أكره أني أعتب من باب البيت .. وماأحب أكلم أي إنسان كان .. لو إن شاءالله أمي ... فهذي كلها حاله نفسيه أو تدهور نفسي مش محتاج لأي طبيب في العالم ... مش محتاج الا الصبر والهدوء وكيفيه التعامل مع الموقف نفسه والمشكله نفسها ,,,


ريحي نفسك وأسمعي الموسيقى الهادئه .. وحطي لك عطر اللافندر .. لأنه يريح الاعصاب ويخليك في قمه الراحه والروقان وإذا تقدرين غيري لون غرفتك وخليه لون البنفسجي الفااااااتح.. لأن هذا اللون يهدي الاعصاب دائماً ... هذي نصيحتي لك .. عاد أنتي بكيفك ... والأهم من هذا كله .. شيلي من راس موضوع أنك تعبانه نفسياً ومحتاجه لدكتور يعالجك .. وأهتمي بزوجك وعيالك .. وسافري مع زوجك بدون العيال لو إن شاءالله دبي أو الأحساء أو الدوحـــــ حياك يالغاليه ـــــــه[بحطك في عيوني ] .. أهم شي أنك تكسرين الروتين اليومي ..



آسفه على الاطاله وإن شاءالله أفدتك بعد هذي الهذره ...

حبيبت قلبي ..

وأنتي أروع يالغاليه ... وأنتي اللي تستحقين كل الخير يا مهووووويتي الحلوه ..

وبعدين وفي وقت الضيقه تذكري أن الله أختارك أنتي عشان يشوف قوته صبرك ومدى إيمانك به ...

ياما في ناس أعرفهم .. يلعبون بالفلوس لعب .. وعندهم البيوت والأراضي والخير كله .. بس أنحرموا من كلمه .. ماما .. أو .. بابا ....

وش فايده هذي الاشياء بدون السعـــــــــــــــاده .....؟؟


تحمدي ربك ياعيوني على النعمه اللي أنتي فيها بس مش حاسه ويمكن حاسه بس متجاهلتها ...


في ناس صابرين على ازواجهم اللي كل ليله يرجعون الفجر وهم سكارى .. ويضربونهم .. وفوق هذا كله تحمد ربها على عيشتها ...


إحنا انولدنا ... للشقا والتعب ... ومافيه إنسان على وجه الارض مرتاح من شي أسمه حزن وهم ... ولا بينولد هذا الانسان .. لأن هذا طبع الدنيا ...

وفي الآخره .. والله يرزقنا وأياكم بجنه الفردوس الأعلى .. بنحصل على معنى السعاده والحياه المريحه الخالده ...

يالله حسن الخاتمه ... والله يعين جميع المسلمين على تعدي المحن والحزن والهموم ....

ولاتكونين يالغاليه من العباد اللي قال عنهم رب العالمين بأنهم قليلاً مايشكرون .... مهما يكون حزنك أشكري ربك! وأقهري الشيطان منك ....!! لماتجيك أفكار غريبه .. تعوذي من الشيطان .. وألهي نفسك بأي حاجه ....


أسمحي لي على هذهِ الاطاله ... وتأكيدي ياعيوني .. أن قلبي معاك ... وبإذن الله مش ناسيتك من الدعاء في ظهر الغيب ......