يا أختي أنا تعبت وأنا أطنش وأتحمل .. تعب في الدوام وعدم تقدير في البيت .. ياأختي حتى الله يعطيك العافية ماأسمعها منه أبد.. ضغط الحياة وضغط الدوام وكل شيء أنا أفكر فيه أنا اللي أسويه أنا اللي أشيل همه .. تعبت والله تعبت وفوق كذا لا مقدر ولا يواسي ولا يصبر ولا يتحمل .. ترى أنا عندي طاقة وحد وماأقدر أتحمل أكثر .. خليه يروح يتزوج اتحداه يلاقي واحدة مثلي شايلته شيل وصابرة عليه ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا بيلاقي لا تخافين
كل الحريم يقولون هذي الاسطوانه ما بيلاقي مثلي!
والرجل يلاقي ويلاقي ويلاقي ف هدي اللعب الله يرضا عليك

وزوجك لما ارسلك الرساله اللي قال فيها احضرلك الغدا ومدري ايش
ليش ما ضحكتي؟! ليش ما ارسلتيله هههههه يا حبي لك مو لهدرجه
او منجدك يلا نفسي اذوق بكره طبخك بختصار قلبتي الموقف لصالحك وصالح حياتك

ورحتيله وكملتي ضحك معه على كلامه وقلبتي الموضوع مزح وضحك
وطاح الحطب! وصلى الله وبارك

ليش الرسميه القاتله اللي معيشه نفسك ومعيشته فيها
ليش تردين بالمسطره على حروفه؟!
فكيها شوي وجربي تضحكي على تعليقاته
جربي تبتسمي لنفسك كل يوم امام المراه صدقيني لها تاثير على نفسيتك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

فعلا راح يلاقي لانه بالنهاية رجل ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يهديك والله اني لك ناصح

اخر كلمة قالتها طليقتي اتحداك تلقى وحده ترضى فيك وبطباعك والله ماتلقى اللي تصبر عليك مثلي
والحقيقة انا اللي كنت صابر عليها ترد الكلمة بعشرة وتنتقد كل شي اسويه وتنتقد المنزل لمبة تحترق قالت بيتكم خربان ثم تقول بحسن نية اقصد الاسلاك خربانه ولازم تتصلح
طلبتها تمسح الدرج بيجوني ضيوف قالت مافيني حيل تعبانه قمت انا اكنسه علشان لا انفضح قدام اصدقائي تقول بتحسسني بالذنب وانا تعبانه واحسن النية والله تعبانه من العيال والشغل والوظيفة الخ الخ الخ من المواقف اللي تتراكم فوق بعض الى ماحصل الطلاق وبالنهاية تقول ماقدرني ولا اهتم فيني وانا صبري على هالحال يعتبر تقدير

عموماً بعظمة لسانها قالت لي انا عصبية لكن قلبي طيب وكان ردي لها قلبك الطيب هل اللي مصبرني عليك الفترة الماضية لكن عصبيتك وعنادك هي بتكون سبب طلاقنا

وفعلا حصل الطلاق وقالت اتحداك تلقى وحده ترضى فيك
ولما لقيت اللي ترضى فيني بدت تبكي وتوسط المصلحين تبي الرجعه بس خلاص ماينفع الكلام
والله انها ندمانه وتتمنى الرجعة ولا ادري والله حسيبها

يمكن عقلت او فقط يوم رحت لغيرهم احلويت بعينهم

انتي الآن عازمة على الطلاق وتبريرك اللي مايبينا مانبيه

انا اقولها لك وواثق سوف تندمين وبكرة بتتذكرين الاحداث وتقولين انا غلطانه انهيت حياتي الزوجية وخليته يعزم على الطلاق علشان صحن وسفرة
ولو رديت بأسلوب افضل ماكان حصل اللي حصل ولا كان رد علي انه طفش مني

اتوقع تندمين على هذه الخطوه الغير مدروسه

__________________
من عاش لله ومات لله فقد ربح دنياه وأخرته...