المشاركة الأصلية كتبت بواسطة التائه قلبه

طيب انت تقولي ان الشغلة الثانية حابنها اكثر لانه بطبعه اجتماعي وكذلك دوامها اطول مقارنة بالوظيفة الروتينية الاولى

دوامها أطول .. و لإنه دوامها مفتوح .. و مافي لها وقت محدد ..

فالـ 4 أيام اللي زوجي يداوم فيها بوظيفته الأساسية .. يا دوب يجي البيت و ينام ..
و أول ما يصحصح .. يخرج و يروح للمكتب عشان يعوض عن فترة غيابه ..

و أيام الأوف حقة زوجي من وظيفته الأساسية .. يقول لي أبغى أعوض عن تقصيري في أيام الدوام تبعي ..
فيروح الصبح للدوائر الحكومية و عشان يتابع معاملات صاحب المكتب و هو معطي توكيل لزوجي ..
و لإنه صاحب المكتب برضو موظف و مو فاضي ..

و بعدين يروح زوجي بالمكتب و يرد عالإتصالات عشان حجوزات للمعتمرين و يتابع الأمور ..
و بعد الساعة 12 الليل ، يروح يدور على زباين من معتمرين أو حجاج .. أو يكمل أمور حجوزات المكتب

فمالها وقت ثابت و محدد .. تعتمد على حسب السوق مثل ما يقولوا ..
و صاحب المكتب لما شغل زوجي معاه .. هو كان يدري إنه زوجي مرتبط بدوام آخر ..



دعيه يركز على الثانية ويترك الاولى حتى تتوازن حياتكم الا اذا كان عائد الوظيفة الاولى اكثر

صعب .. لإنه الشغلة الأولى شبه مؤسسة حكومية .. و أضمن له ..
و التانية مجرد مكتب خاص بصاحبه .. و ممكن لا سمح الله بأي يوم يستغنوا عنه .. و راتبها 2000 ريال ..
يخرج من ال 2000 قيمة تصليح مثلا بطارية سيارته ، مخالفات المرور ..
يعطي لأمه 500 و بدل ما يتدين منها ..

لإنه زوجي حتى في المصاريف غير منظم .. و ما عنده حسن التدبير ..
فهذه تنفعه .. و مرات يجيه مكسب يومي و مرات ولاشي ..

و الشغلة الأولى يعطيني منها قسط السيارة / ايجار البيت / مصروف الأولاد / قسط جواله

و زوجي فيه طبع مو كويس ..
إنه بعد ما يثبت وجوده بالوظيفة .. يبدأ يمل و يطفش و يهمل و يتكاسل ..

فالوظيفة الأولى هي الي تخليه ملتزم بالمواعيد و بالدوام ..

وتقعدين معاه قعده هادية تناقشين فيها امور حياتكم وتنظمونها .. حتى لو ترسمون جدول توزعون فيه وقت العمل ووقت الترفيه مع الاولاد بطريقة متوازنة

زوجك حتى لو كان اتكالي في بعض الاحيان لكنه مرن في التعامل ويحتاج للتذكير المستمر