انشق القوم لنصفين
من قام بتحكيم عاطفته
ومن حكم عقله

والصح تحكيم الاثنان بحكمه
والكل توجه للاخت صاحبة الموضوع بالنصح
ولازم تنتبه لبكره وتفكر للامد البعيد

بس من الممكن ان هذا الزوج مايخاف الله بتعاملاته لا الحين ولا للغد وبعد الغد
كيف ياخذ رضيعه من حضن امها اسبوع
ويربط رفضها اعطائه الطفله بالنفقه
اعوذ بالله وين شهامة الرجل ونخوته
وين قبلها الرحمه بقلب المؤمن

اختي شهر 1 تو مخلصه دعوتين مع طليقي
ابو ولدي نفقه وحضانه
علشان تستفيدين وماتسمعين كلام اي وحده تخوفك من الجوء للقضاء لو لزم الامر
طالبت بنفقه لولدي والشيخ حسبها ع حسب الدخل راتب او اعمال حره
وكم عنده من اطفال
ويحكم بالعدل باذن الله
وطالبت بحضانة ولدي عمره الحين سنتين و3 اشهر وقال الحضانه لك الي 7 او 10 سنوات ثم يخير الطفل
ثم قفز طليقي بهجمه مرتده يبي يقلب الطاوله علي
قال ابي الولد يجي عندي كل ويك اند
الشيخ انفعل قال وما عملك بطفل رضيع هو بامس الحاجه لحضن امه
وليس بحاجتك الا للمصاريف
لانه حتى مايعرفه ابداً
فجأة كذا يبي ياخذه كل ويك اند والطامه انه بمدينه ثانيه الروحه لها سفر
قال الشيخ
اذا راغب تشوفه تزوره في منزل والدته كم ساعه فقط ليس لك حق بحرق قلب ام ووضع رضيع بوضع صعب
قام انهزم وقال اقبل انها تحتضن ولدي الا بحالة تتزوج عاد الشيخ ما اعطاه وجه ابداً
وحكم لي بالحضانه
والنفقه لولدي
ومع هذا لايلتزم بها كل شهر فاظطررت الي الرجوع للمحكمه واخذ امر بان تستقطع من مؤسسة النقد لحسابي شهرين بدون لا اتعب نفسي ولا يذلني ع فلوس لولده

سبحان الله لازم المطلقه تذوق ويلات وحسرات الطلاق ومن الشخص الي باعها ورمها هي وضناها لاخر العمر
اذا كان لايخاف من الله

اختي لاتسكتين عن حق بنتك ابداً
والي تقول لك بكره بياخذها وا وا وا
طبيعي جداً وانت بعد راح تتزوجين والحياة مستمره ماراح توقف عند ظرف زمان او مكان

لاتقصرين بحق بنتك ولاتهملين حقوقها
باسم لا يردها لك بعدين

اتمنى لك صلاح حالك وطفلتك
والله يغنيك ويرزقك من فضله .

__________________
لا اله الا انت سبحانك اني كنت من الظالمين
(‏يَقيني دَائماً مُعلق بَأن فِي الغَيب شَيء جَمِيل يَسْتحق الصَبْر)