صباح الخيرات ..عصبتو علي شكلكم ..
ادري ان زوجتي مالها أي ذنب وادري ان اولادي مالهم أي ذنب وبعدين للاحاطه عادادتنا ماتسمح بالنظره الشرعيه عيب عندنا والف عيب طبعهم كذا وشيبانا كذا وهذي عوايدنا مالك شوفه الا ليلة الدخله وبس ... اما بالنسبه للزواج الزواج قسمه ونصيب بس انا يوم دخلت عليها اقدر اطلقها بس اتعوذت من ابليس وقلت وش ذنبها ..ياخي الله يبي كذا ..بس مشكلتي اني مااحبها انا شاب كان عندي حلم بالزواج وامنيه وكنت اتمنا وابي وابي كذا وكذا بس اتزوج شخص انصدم فيه وماابيه وهذا من حقي اني اتزوج شي انا ابيه واحبه ...

هذا وضع كثير من شبابنا مع الاسف
ياخذه الحماس بالبدايه ويقول ابي اي وحده
على الاقل انت ما شفتها غصب عنك
غيرك يشوفها ويقولوله هاه ويش رايك؟
يقول موافق وطاير فيها (لان الشهوه متقده ساعتها)
فيستعجل وتعمى عينه عن عيوبها لان شهوته ساعتها اقوى من اي شيء
ومحروم له سنين وحانت الفرصه طبيعي بيتغاضى ويمشيها

لكن بعد ما يطيح اللي براسه وتروح سكرة الشهوه
يبدا يعرف لنفسه وايش يبي وايش ما يبي
وتروح الغشاوه عن عينه ويشوف عيوبها اللي ما كان شايفها مع الحماس
ثم يقرر يزوج نفسه بنفسه وعلى اختياره هو وليس اختيار اهله
ويا ما حصلت هذه القصص
وبعضهم تصيب معهم ويرتاحوا ويعدلوا
وبعضهم ما تصيب معهم ويتعبوا بين زوجتين


ان قررت الزواج فتزوح من اناس يسمحوا بالنظرة الشرعيه
لااااا تكرر اغلاطك

البنت على الاقل تقدر تشوف صورته
او تبصبص مع الباب وهو طالع والا داخل وتشوفه
لكن الرجل لا يستطيع الا بنظرة شرعيه بعلم اهلها!

لا والله؟ ترضون بهالعادات اللي ماأنزل الله بها من سلطان بعدين تجون تشتكون
زوجتك الله يعظم أجرها ماتبيها ولا إنت متقبلها آمنا بالله ممكن تطلق وتاخذ واحد أحسن منك
لكن عيالك وش بتسوي فيهم؟ تتبرى منهم؟
أصلاً كيف سمحت لك نفسك تسكت عن أي أحد يعيب فيهم!

ومسألة أبيض وأسود ياكثر العوايل اللي أعرفهم مشكلين ماتصدق إن ذا أخو ذا ولا ذا أبو ذا
وعايشين حياتهم مبسوطين ويحبون بعض
لكن إنت اللي أرخيت أذنك للناس

للأسف إنك مو الوحيد ياكم قريت قصة واحد يتزوج ولا تعجبه زوجته ولا يتقبلها وبالرغم من كذا ينام معها شهالنفس اللي عليكم!!!
وليتها مره وحده ينام معها الا كل شوي رايح لها وتحمل مره ومرتين وثلاث وعشر ويقولك أنا مو متقبلها سممم الله عليك!!
وعقب مايقرر يتزوج يدور حجه قال شو ماعجبتني من أول يوم ومابغيت أظلمها وأطلقها
الا جلوسك معها ظلم لها
كان سرّحتها بإحسان مو عقب ماصارت أم وعاشرتك سنين وتعودت عليك بيوم تصدمها إن عمرك ماحبيتها ولاتقبلتها وعقب ماشبعت منها بترميها
والمصيبه الأعظم إن حتى عيالك مو متقبلهم

يعني بتقنعني إنه مو واضح عليك هالشي بتعاملك معهم!!!
بتفهمني إنهم مايحسون بهالشي!!
إنك مو حابهم وتخجل تظهرهم للناس؟!!

تزوج الثانية وجيب عيال شقر وعيونهم ملونه بس تأكد إنك ظلمت نفسك وظلمت ناس كثير معك
محد بيمنعك عن شي يعتبر حق لك
لكن تأكد إن حوبة زوجتك ماراح تعداك
كان الأولى تصارحها من الأول حبت تجلس معك وإنت مو متقبلها مشكلتها هي وتتحمل أي قرار إنت تتخذه
أما تكمل وتعيش معها وتخلف منك وعقب سنين تقولها هالكلام إنت كذا لويت ذراعها وأجبرتها على حلّين أحلاهم مرّ

أعتذر إني إنفعلت بس جد حاجة تنرفز
أي واحد متزوج جديد أو مقبل ع الزواج إذا من البداية ماتقبلت زوجتك لاتكممممل