ليش تسمونه تمثيل بس!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مش حابه اضايق صاحبه الموضوع وارد هنا ... لو مهم اذكر التفاصيل يكون في الكوفي احسن

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

كنافة
بقول كلام يمكن يزعلك
كثير اقرأ بالتويتر يقولون ليش اتزوج وبالنهاية بتكون أخوها عايض بس بدون شنب
طبعا كناية عن أسلوب التعامل الذكوري..
اللي تسمينه تمثيل هو الحال الطبيعي للأنثى مهما كان مركزها وقوتها
شوفي وصف الأنثى بالقران أومن ينشأ بالحلية وهو بالخصام غير مبين..
القوة شيء جميل والوضوح برضو شيء جميل واللي تحتاجينه بالتعامل مع زوجك ماينافيهم أبدا..
لما زوجك نساكم بالشوكولاتة مو فعليا أكسرتي ؟!اذن أنتي كنتي واضحة وأظهرتي مشاعرك الحقيقية ومابينتي العكس انه ماهمك..

بالنهاية الذكاء أنك تاخذين حقك
ولافيها أي إذلال.. لو قلتي حبيت رجوله والا مت من الصياح قلنا ارحمي نفسك كلها إظهار الأنثى الحقيقية اللي بداخلك..

كوين حبيبتي الموضوع موضوعك
بالعكس ودي اتعلم منك

ياجماعه انا مو معترضه
قلت لكم مقتنعه تمام ان هالشي ينفع معه
بس مستثقلته على نفسي
محتاجة ازيد طاقه الانوثه عندي
وكلامكم شجعني


صراحة انا الان متضايقه من سفرته
لاني عانيت كثير بشعبان ورمضان منه
واخرتها يتركني بالعيد ويسافر يستانس
قممممه الانانيه برأيي
ولما كلمني مابينت له قهري وزعلي
بس مثلت عليه دور المريضه
واني تعبانه وطايحه بالسرير وكذا
دق بعدها مرتين يطمن
وانا اقول خلاص انبسط حبيبي الخ
ومن داخلي متضايقه
والمشكله اهلي بيسافرون بعد اسبوع
يعني اذا جا زوجي بيستلمني
كأني غرض متوهقين فيه
ولحد يقول سافري مع اهلك
لان معي اطفال صغار
ووالدي قايل الاطفال مايسافرون الا مع ابوهم
عاذرتهم الاطفال مسؤوليه
فمسلمه امري لرب العالمين

كنافه تفكيرش متعب شو كأني غرض ومتوهقين فيه ليش هالحساسيه الزايده وتضخيم الامور

تعرفين كنافه البرودكاست عن الزوجه الي ما عرفت لزوجها ولما قالوا لها الحل تجيبين شعره من الاسد وقدرت تجيبها ... ههههههه بصراحه ينرفزني هالتفكير

وان الزوجه لازم تخاطر بحياتها عشان تبني هالبيت ولازم تبنيه بروحها من غير مساعدة الشريك


يعني قطي روحش في البحر وهي ما تقصر .... يمكن هذا شعورش انش انتي الي تحاولين وانتي الي تتغيرين وتتنازلين


ابي اقولش يا كنافه الي ما يتغير وينضج ويتقولب مع الظروف يعتبر شخص جاهل ... انا معاش ان زوجش صعب في بعض الامور


ولكن مقدور عليه ... ليش تعتبرين الدلع ضعف ... في فرق بينهم .... خذي التغيير مرحله بعد مرحله حتى ما تكل نفسش

وتتعودين على المسايس والمداره

__________________
وهل من مصير اخر ؟

لا تلومونها
هل الزوجه مسئوله تضف بس بزارينها وملن ينبسط ويسافر و يجي
اهلك اتفهم جدا موقفهم
بس زوجك وش كان دواعي سفرته

الكلام اللي افضفض فيه هنا شي
وتصرفاتي معه شيء ثاني تماما
انا جالسه اعامله برقي وطيب ولين
ودعته قبل يسافر ودعيت له
ولا دقيت عليه هو اللي اتصل
ولا عاتبته بس قلت له تعبانه
واذا رجع بعامله بالحسنى
وابصير له مثل مايبي واكثر
لان هو ألزم ماعليه راحته ووناسته

لكن افضفض لكم لاني مكتومه
حتى اهلي أحاول ابين لهم اني سعيدة
وانا من داخلي متضايقه
العيد المفروض لي ولاطفالي
اذا زوجي بيسافر مع زملاءه قبل الزواج براحته
بعد الزواج له شريكة حياة
المفروض وناستنا مشتركة.. والا انا لي النكد بس؟
لو هو مسافر شغل والا دراسة والله ماتكلمت
بس مسافر سياحة وراميني مع الأطفال
والله العظيم اني بالعه جمر وساكته
ولحد يقول لي في رجال يعملون كذا
انا بداخلي ما اعتبرهم رجال
والا سواليف القوامة بس على الأوامر والطلبات
انا مسؤولة منه بالحلوة والمرة
وللأمانة هذي اول مرة يعملها من تزوجنا
وقال لي بالتلفون انه يفكر فينا لانه ماتعود
قلت: وان شاء الله ماتتعود
ارتبك وقال: ان شاء الله

انا ماعندي مشكلة أكون مركونه عالرف
لو هو يرضى لي اتوظف واشوف حياتي
لو يسمح لي اطلع مع سواق
او عالاقل اطلب وجبه واستملها عالباب من رجال
أمور كثيره يرفضها بحجة الغيرة
بالعربي يخنقني ويروح يهيص برا
ولو بلمح لأي شيء قال: انا رجال! لاتقارني نفسك فيني!
مالكم كيف تحكمون
نظرته لي كمرأة ان دوري بس ابتسم
واضف العيال واكتم قهري
دور المأساة اللي عاشته امه مع ابوه لازم اعيشه انا
وهالشي انا مو متقبلته
بس حاليا جالسه افكر باستراتيجيات جديدة
لان المواجهة ابدا ماتنفع معه
وسفرته ذي بتكون حجر الأساس لاشياء كثيرة

سبحانك اللهم وبحمدك اشهد ان لا اله الا انت استغفرك واتوب اليك

كلام كبير وواقعي ومنطقي

ياريت يستفيد الازواج من ردك هذا

لان ردك هذا ينطبق على لسان وحال كثير من الزوجات

وان شاء الله سأكون اول المستفيدين من كلامك هذا

__________________

فعلا كلامك لامس جرح كثيرات
البعض يظن دام مؤمن لعيالي وزوجتي بيت ومسكن ومكان امن خلاص مو ناقصها شي
واذا سافر امنها عند اهلها ويسافر وضميره مطمئن
ناسين ومضيعين معنى السكن

كيف كان معك ايام الملكة واول الزواج؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )