13-08-2016, 01:41 PM
13-08-2016, 01:50 PM
|
المشاركة الأصلية كتبت بواسطة زين ابيها
ما أسهل الحرب عند الناظرين يا كوكي
|
13-08-2016, 03:51 PM
|
المشاركة الأصلية كتبت بواسطة مهره
مب فاهمة! .. معقول المعدد يعتقد أن عطاء الزوجة ـ قبل زواجه ـ سيظل هو نفسه بعد زواجه؟ .. لا ويطالب بالمزيد بعد؟!! |
13-08-2016, 04:29 PM
|
المشاركة الأصلية كتبت بواسطة kooki3
اعتقد بالفعل يريد المزيد ولا ما كان تزوج
مسأله عطاء الزوجه ممكن يقل في بدايه زواجه عليها وبعد فتره من الزمن الامور بتمشي وبترضی بالواقع وانتي ما رضيتي بالواقع والمشكله انتي الي بتتعبين تعتبرينها ضعف ورفع راية الاستسلام ! ما عرف . بس خففي علی روحش يا مهره ولا تقعدين عالحبه مو مقصر معاش خلاص اما الامور الي ذكرتيها غضي الطرف عليها |
13-08-2016, 04:39 PM
|
المشاركة الأصلية كتبت بواسطة الأستاذ فهلوي
وليه مش معقولة : )
|
13-08-2016, 07:29 PM
|
المشاركة الأصلية كتبت بواسطة مهره
ما غابت عني هالفكرة من يوم قلتيها يا فوفو.
لكن هل هو طلب عفوي أو حاجة في داخله؟ .. صراحة صعب أفكر في هالسؤال أو أدوّر على إجابته الحين. والله العظيم كنت زمان مستعدة أعمل أي شي يبغيه .. لكن الحين وبعد اللي سواه؟!! فات الأوان صراحة. بعدين .. لنا مع بعض أكثر من 12 سنة .. اشمعنى الحين صار يطلب هالطلبات؟!! . . . من كم يوم كنا يالسين مع بعض .. وكنا نرمس عن شي سويته في البيت وهو غايب .. سألني: ليش سويتيه؟ .. فقلت له: أنا راعية البيت وأعرف هالسوالف أكثر. الحوار كان عادي جداً وهادي تماماً. قال: لااااا .. أنا راعي البيت .. أنا الكنغ وإنتي الكوين .. إنتي تستمدين سلطتج مني وأنا ما أستمد سلطتي من حد! قلت: اسمح لي .. أنت راعي البيت .. وانا بعد راعية البيت .. وسلطتي أستمدها من دوري في هالبيت ومسؤوليتي فيه .. والبيت هذا بيتي أسوي فيه اللي أباه. ضحك وحاول يشاكسني على عبارة (البيت هذا بيتي) .. قال: طيب على الأقل قولي: بيتنا. قلت له: لا .. البيت هذا بيتي. أنا عارفة إن زوجي ريال قيادي ويحب تكون كلمته ماشية .. لكنه ما كان يتكلم جذي زمان! . . . لما جددت جواز سفر ولدي وهو مسافر .. ما كنت محتاجة فعلياً لتجديده .. والمركز الصيفي كان مستعد يسجل الولد مؤقتاً لين أبوه يرجع ويجدد الجواز .. لكني تعمدت أجدده وهو غايب. سألت موظف الاستقبال فقال لي: لازم الأب هو اللي يجدد جواز الأبناء .. بس إذا حابة ادخلي على المدير وكلميه. دخلت فعلاً على المدير .. والله سخره لي وعطاني موافقة على التجديد. زوجي لما رجع وعرف اغتاظ .. قال: كيف يجددون لج الجواز وأنا مب موجود؟ .. أنا باشتكي عليهم. طبعاً وكالعادة قالها بمزح .. بس بصراحة كان يهمني يعرف إني أقدر أصرّف أموري وأمور عيالي بنفسي بدون الحاجة لوجوده. |
13-08-2016, 09:38 PM
13-08-2016, 09:43 PM
|
المشاركة الأصلية كتبت بواسطة روح الطير
تغيرتي كثيييييييييييييير مهرة ..
أنا شايفة تغيرك ( للأفضل ) .. أول كنت ( تابعة ) و ( تخافي مرة من ردات فعله و تترددي عشان لا تكسري خاطر أحد ) دحين إنت فعلاً بدأتي ( تحبي مهرة .. تحبي نفسك ) .. استمري .. و أهم شي راحتك انت .. |
13-08-2016, 09:56 PM
|
المشاركة الأصلية كتبت بواسطة إبتسامة ورد
مهره.
ملاحظه عليك ماتنتبهين لشغلات كثير يعني تقولين مب عارفه اذا باقي فيه محبه في قلبه لك! طيب الشعور بالحب يوصل معقوله مو حاسه؟؟؟ تساؤلاتك عاديه احس مفروض تفهمينها .من طريقة طلبه او كلامه مااعرف يمكن اكون خطأ ؛؛ |
13-08-2016, 10:11 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
