مؤلم فعلها بالصغيرين وتأكد يا أخي أن في المحن منح .. وهذي فرصتك الذهبية وجاتك .. لحد بابك ..
الآن ..
امسك عيالك عندك ولا يرجعون أبد إلا وقت ما تشوفهم أمهم كحق شرعي .
ووين تحطهم .. شف وحدة من خواتك تفزع لك فزعة حتى تتدبر أمرك . ( علمها باللي حصل ) . وعجل بالزواج .
والآن جاتك الفرصة تتصل على اخوها الكبير والصغير والجميع وتقول له من طق طق لسلام عليكم وتخبره بس أول ما تبدأ في الكلام تبدأ من تصرفها الأخير مع عيالك وأنها جات ورمتهم عند الباب وراحت ، بلا مبالاة بسلامتهم . وأنك بهذا التصرف ستأخذهم عندك .. وسيكون معك الحق في رفض حضانتها لهم . ومن خلال الكلام خذ طريق خدمة لسبب طلاقها وجب ما عندك ..

وحيد مثلك ما يعلم بس بعض الناس يبي له صلابة راس وقولة لا .. حتى لو إنك تبي توافق على قولها ( المخالفة لمجرد المخالفة ) . وأنت الله يهديك أشوفك لين في وقت الشدة ، صلب في وقت اللين . في عز ذيك الأزمة الله لا يعيدها على مسلم ومسلمة ما بغيت تطلق إلا بطلعة الروح ( لين ) .. والآن وحدة بتجي لدوامها ولا لك فيها أي علاقة ( شديت ) ..
حط الأمور في وضعها الصحيح .. بارك الله فيك ...
شوف حبيبي ..
اختار وقت مناسب وعلم أخوانها بكل شيء بالإثبات لأنك ممكن تدخل في مشكلة .. وأخبرهم برسايلها لك بعد الطلاق البائن وملاحقتها لك ولا تخلي ولا تبقي .. واطلب منهم أنهم يمسكونها عنك أو بطور الموضوع لأخوانك وعيال عمك وشيبانكم ومن ها الكلام . على قولة المثل .. ( حمر العين وقصر اليد ) .
أسأل الله أن يفرج همك وأن يعينك على دينك ودنياك .. ما ابتلاك الله إلا أنه يحبك .. فاصبر .
_________