الله يصلح حالكم اختي

للامانه قلبي عورني عليج وعلى ريلج بعد
الانسان مرات يغلط بكلام بس عقب يندم اشد الندم
كل بني ادم خطائون وخيرهم هم التوابين
يعني محد منا معصوم من الغلط

انتي صح غلطتي مب لما قلتي انه فيه سكر
لكن لما قلتي انه هالشي يأثر على العلاقه
هالموضوع عند الرياييل حساس وخط احمر

ف انتي اختي اخذيها عبره هالشي مايتكرر ابد
وماله داعي الغيره اختي تراها تخرب العلاقات ان زادت عن حدها
ريلج خانج ولا شاف غيرج لا قدر الله ! خلهم يتكلمون
مجرد كلام مايسوي شي انتي اسمعي وابتسمي ولاتعلقين بس ادعي الله يبعد عنكم الحسد

عالعموم اسفه لانه الكلام ماينفع
بس ريلج كسر خاطري انه ماقصر وياج ومشكلة تأخر الانجاب منج بين من كلامج بينتي المشكله منه

فهو حاب يثبت رجولته ويتروج الثانيه عشان الحمل فقط
صدقيني مب عشان رغبه وحب تعدد
لانه اكيد مبين عليه الحمدلله يحبج وشاريج

اختي
ادعي رب العالمين يسخر لج ريلج ويحنن قلبه
على طول استغفري و قولي لاحول ولا قوة الا بالله

وحاولي تكلمينه انج مستعده تسوين اللي يطلبه منج عشان تصلحين غلطج
كلمي بنت عمه ماعليه عشان تريحين بالج وضميرج
طرشي لها رساله وخبريها انج حسيتي بندم كبير عقب ماقلتي هذاك الكلام عن ريلج

لو هالشي مابيغير شي في موضوعكم
بس المهم ابريتي ذمتج وبيني الحق لبنت عمه

خبري ريلج انج كلمتيها يمكن سبحان الله يرتاح شوي نفسياً انج صححتي غلطج جدامها

الله يسخركم لبعض اختي