الخيارات المتاحة أمامي

أركز مثل ما قلت على دراستي و مستقبلي و دراسة الأولاد و استقرارهم النفسي

نفس الوقت ، طالما الشخص هذا بيحاول و يجاهد نفسه لإثبات جدارته أمامي و التكفير عما سبق
ف ليش ما أعطي فرصة و احتسب الأجر عند ربي ؟
لكن أنا ما أعرف أصلا إيش الأجر الي راح أكسبه ؟ بس أقرا كذا دايما يقولوا ..

فأقول كذا ..
علشان لا انتظر من زوجي الأجر و لا أعطي للشيطان فرصة إنه يخليني اتمنن لا سمح الله ..
فاخسر زوجي و اخسر الأجر و أكون قللت من مقدار نفسي ..

هو ماشي في اجراءات أوراقه حتى يجي عندنا ، لكن ما راح يترك وظيفته لإنه لازم يستقيل ..
جلوسه الفترة هذه بعيد عننا .. قربته أكثر مننا ..

فأنا أبغى ( أنهي روح الطير الشريرة ) الي ما تسامح أبدا و لا تغفر لأي شخص يسيئ لها
و تنتقم بقسوة و أقل شي ممكن تعمله الإنسحاب من حياته بهدوء ..

و ابغى ( أظهر روح الطير الطيبة ) اللي أمها ربتها على التسامح و العطاء بلا حدود ..
جالسة أقنع نفسي و أعطي لحالي أي اسباب حتى انسى و اسامح ..
إذا عقلي اقتنع ، وقتها قلبي بيتعالج ..

( البعد عن المكان و عن البلد و عن كل شي يربطني بالسعودية ) ..
عالجني كثيييييييييييير و ريحني كثير مرة .. كنت تعبانة هناك ، كانت الذكريات الأليمة توجعني هناك
فضغطت على حالي لحد ما أضمن قبول الدكتوراة و انهي أوراقي و أولادي معايا
ضغطت على حالي عشانهم هما و كم مرة قلتها له في وجهه ، ترى جالسة معاك عشانهم و بس ..
و كم مرة كنت أشوفهم في حضن أبوهم و قلبي يرتاح لسعادتهم .،
و احمد ربي إني تحملت عشانهم و عشان أشوف السعادة بعيونهم ..

كان يصبر على كلامي و تجريحي و يقول مقدر و حاسس بك ..
و يرجع يحاول يراضيني بأي طريقة .. ( عشان كذا .. ما أبغى اكون ناكرة للمعروف ) ..

3 سنوات و نص .. طلعت فيها حقوقي من عيونه ..
و أحس كفاية لحد كذا .. و أنا كمان تعبت و ابغى أركز خلاص في دراستي ..
و لازم أنسى .. لازم أسامح .. حتى أرتاح و أركز و أقفل باب ابليس ..