الله يعينك يا اخوي

شوف اللي لاحظته انه الغلطان الاساسي وسبب المشاكل كلها
هم أهلها وتدخلهم

اما البنت ف احسها تحبك واكيد انت بعد في مشاعر في قلبك اتجاهها
بس بسبب المشاكل تغيرت هالمشاعر

اولا بخصوص الموقف الاول انها تفتش وغيرتها زايده
بما انك قلت انها صغيره ف شكلها لين الحين ما عقلت
تحتاج اللي ينبهها ويعلمها
وللاسف منو اللي قاعد يوجهها ؟؟؟ هم اهلها
وانت شفت كيف اطباع اهلها وتأثيرهم عليها كبير
وشكله عندهم ثقافة الضرب والتعدي وهي تعلمت منهم


احس انه مشاكلكم بتخف لو عشتوا بعيد عن اهلها
والسفر فكره زينه لوضعكم
اشوف انك تحاول بكل الطرق توصل لها
وتخيرها بين انها تستمر وياك وتوافق على السفر
من دون ماتدخل اهلها وهالشي يصير بصمت
وهم اصلا ضروري يدبرون اعمارهم ومايعتمدون على بنتهم للابد
وممكن هي بإمريكا تطرش لهم مبلغ شهريا اذا هناك اشتغلت

صدقني اخوي اذا ابتعدتوا عن الاهل وتدخلاتهم بتنحل مشاكلكم
واذا رحتوا بعيد وقل تواصلها مع اهلها انت زوجها بتكون وياها على طول تأثيرك بيكون اقوى
تقدر تغييرها وتتأثر بأطباعك
لكن هالشي يحتاج صبر طويل وتحمل وتضحيه شوي
والدعاء اهم شي بهالموضوع

واخوي الياهل اللي في بطنها
ترى هالشي مكتوب ومقدر
كان ممكن ماتحمل لو بدون موانع
لكن ارادة رب العالمين فوق كل شي

انت مهما سويت وتخليت عنه
ترى هالياهل سواء بنت ولا ولد
بيشيل اسمك
تعرف شو يعني هذا الشي
اسمك بيكون لازق فيه للابد واحفادك وغيره
ماينفع تتبرى منه

بعدين اذا امه تسرعت وحملت فيه
ليش انت مايكون فيك صفات الشهامه وماترضى على هذا الياهل الظلم والضياع
ترى مهما انكرت وسويت هذا الياهل شايل اسمك ومن لحمك ودمك

ترضى ياخذ من اطباع اهل امه وهو يمثلك
ويقولون هذا ولد فلان

كلكم راع ومسئول عن رعيته
ان تم الحمل ويا الياهل على وجه هالدنيا انت مسئول عنه امام الله

خل هذا الياهل يتربى بينكم وروحوا بعيد لامريكا بعيد عن تدخلات الاهل

والله اعرف شخصياً 3 حالات سبب الطلاق تدخل الاهل
ومن ضمن الاحصائيات تدخل الاهل هو اول سبب للطلاق

انت تجنب السبب وان شاء الله امورك تتحسن