لمره او مرتين ممکن الصبر بس اکثر ما اظن والله يعينک

صراحة أحس إنكم كبرتم السالفة ..

أنا أتوقع إنها ماتتلفظ بهاالألفاظ إلا والله من حر ماتششششششششششششششششوف ..!!

الله يعينها عليك ..معذرة على الأسلوب ..!!

واضح عليك عنيد ..

وهذا النوع من الرجال تكرهه المرأة تكرهه..

__________________
أحب جبالك يالجنوب وأحبك لأنك أنتي الجنوب

الله يعينكم ويحل مشكلتكم
الأخوة والأخوات ما قصروا ......
الخطأ منك ومنها ؟
بالنسبة لك : هل المبادئ الي تقول عنها اني متمسك فيها تسوى زعل زوجتك وبالتالي التلفظ عليك ؟
تنازل شوي وبذات اذا المبادئ سهل التنازل عنها مثل طريقة شراء أو تعامل أواسلوب أو غيرها من الأمور الي بعض الرجال يقوم ويقعد ويعاند وهي أصلا ما تستاهل كل المشكلة .
وبنفس الوقت الحرمة : لازم يجيها عقاب رادع ( غير الزواج لأنه ماهو حل سليم )انت ادرى بزوجتك وطبيعتها والله يوفقكم.

شكراً لكم ، وبالفعل إني أستفدت من ردود البعض × والبعض الآخر وإن كان يريد الإفادة ولكن صيغة الهجوم طغت على رأيه . وكل الفريقين مشكورين ولكن إسمحولي تختلف درجات الشكر ، وأتمنى أن يسمح لي المشاركين جميعاُ بعدم تعيين الأسماء جميعاً بالشكر على الإفادة وإن كان هذا واجب ولكن ظروفي وضيق الوقت يحتم علي نظرة منفردة ورد شامل ، فالمعذرة منكم .

ودّي أوضح أشياء وممكن عدم توضيحها كان لها تأثير على الأراء :

* الكثير يتوقع أنها تخرج عن طورها بشكل دائم وهذا غير صحيح ، ففي الخمس سنين صارت مرات معدودة ولكن هي محسوبة لي وغير منسيّة وسبب طرحي لها الآن لوقوعها مؤخراً مما جعلني أصفها كأنها عادة . وأنا لا أقبلها حتى لو تمت مرة فكيف أكثر من مرّة .

* البعض يظن أنها تقول ذلك علنا وبصوت عالي وأقول لكم إذا ماركزت معها ماكان سمعتها لأنها تقول الكلمات بشكل تمتمه وأيضاً غير مقبولة لدي . ونا وضحت هذا أنها تقولها وهي ماشية وبصوت خافت وعشان كذا أسوي نفسي ماسمعت.

* البعض يولومني بأني أستفزها وهو سبب خروجها عن طورها وتعالوا أقولكم إش هو الشئ الأساسي اللي رفضته لها وعشان كذا خاصمتني وقولوا رأيكم معي حق ولا لا ؟
>> أمها وخالاتها يجتمعون كل فترة ويشيلون بناتهم معهم وكل حسب رغبته وينامون عند جدتهم . طلبت مني مرة وقلت ماشي مع اني رافض المبدأ . وقالت يسخرون مني البنات ويقولون انتي زوجك حاكمك . وقلت مافي مشكلة ومرة ثانية لا تفاتحيني أبداً وقالت أوعدك ! وجت امس ثاني وتقول تكفى آخر مرة قلت ذلفي انتي وأهلك ومالك خروج من البيت . طبعاً هذا المبيت يصير طلبه شبه مرتين كل سنة ولكن أنا أرفض المبدأ وهو نومها خارج البيت سواء عند أهلها أو أهل أهلها . ونا أخليها تنام عند أهلها وإن كان ماحب الشئ هذا وعشان كذا قلتلها يكفي اخليكي تباتي عند أهلك وكمان تجيني بأهل أهلك .
طبعا تصير هذي المشاكل ايضا في نومها عند أهلها لما أعصلج ولا أرضى وتقول كله ولا تمنعني عن النوم عند أهلي وكأنه واجب علي وعشان كذا أرفض .
المشكلة اللي يخليها تزعل وتتمسك بطلبها ان هذه الحالة وهي المبيت مستفحلة ومنتشرة بكثرة بين قرايبها وعشان كذا تظن انه من النقص لها ويظنوا بها الضعف اذا ماجات ونامت . ونا أقولها ليش تخينهم يظنون اني رافض مبيتك ، ليش ماتقولين لهم أنا ما اقدر اترك زوجي بروحه بالبيت ! ولكن مصرّه وتقول ا مايصدقوا .

على فكرة هذي هي المشكلة اللي انا وهي مناطحة طيلة الخمس سنين انا غير قابل أغير فكري ولا هي قابلة ترضى بأمري .
وهي تقول انا مشكلتي معك بس هذي والا انت ماعليك خلاف . وعلى فكرة مو مدح ولكن أنا لي احترام كبير عندها ، ولما احياناً أقولها انتي ليش قلتي كذا تقول انا ماقلت ! لأنها تستغرب أنا كيف سمعت ؟ لآ نها كانت تتمتم فقط من غيظها وما تظن اني أسمعها .


اش رأيكم ؟ مين معه حق وتكفوا قولوا لي أتزوج

اخي الصبر جميل والله المستعان..اخبرها اني سأتزوج عليك اذا لم تتغيري وامهلها شهرا اذا لم تتغير فأشرع

في الزواج..والله يسعدك

أختك

حائزة الامل

__________________

معليش اسمح لي إذا تهجمت عليك أنت بالذات ، وإن كان هذا ليس من طبعي في الردود (راجع ردودي إن أردت التأكد)

لكن بصراحة واضح جدا إنك شايف نفسك عليها شوي ، وتحرمكها من أشياء بسيطة وهينة ..

وهذاك قلتها !

تحرمها من النومة عند أهلها ..!!

ياااااااااااااااااااااااااااااااااااااأخي أهلها ، والله إني أعجب ويشتد عجب ، وأغضب ويشتد غضبي ، وأنقهر ويشتد قهري ، وأتنرفز وتشتد نرفزتي من الزوج الذي يحرم زوجته من أهلها على باله مسوي فيها قوانين وأنظمة ..

وهي في الحقيقة ليست إلا دكتاتورية جشعة ..!!

ياأخي الواحد فيكم يروح لأهله كل يوم ، وأحيانا باليوم مرتين ثلاث ..!!

وإذا جاء الموضوع عند أهل الزوجة يتغير الوضع ويصرخ في وجه المسكينة بكل عنجية :
مرة وحدة في الأسبوع وكثر الله خيري !!

ياأخي هذولي أهلها ، ياأخي احرمها من كل الناس إلا أهلها ..

أهلها هم اللي ربوها وتعبوا عليها وتجي أنت تاخذها جاهزة ومجهزة ، وتقول بعد مرتين في السنة تنام عندهم كثيرة ..!!!

ويح قلبي منكم بارجال ..!!

ياأخي اجعل نومها عند أهلها فرصة لتجديد العلاقة بينكما وخلق جو من الشوق والشعور بالفقد ..!!

تدري قرأت في كتاب عن الحياة الزوجية ، أن إحدى أسباب الفشل الزوجي عدم وجود فترات بعد بين الزوجين ينفس فيها الزوجين عن مابهما ويشتاقان لبعضهما البعض ويشعران بقيمة بعضها ..!!

صدقني تنازلك لزوجتك في هذا الأمر بالذات سيجعلك تكبر في عيني زوجتك حتى تصبح كالجبل لاتهوي أبدا ولاتقع ..

وقد تكون لاحظت بنفسك نفسية زوجتك بعد رجوعها من أهلها بعد أن نامت عندهم ..كيف هي سعيدة ومبسوطة ومشتاقة .!!

ياأخي من أكبر الأسباب التي جعلتني أتعلق بزوجي(سابقا) أنه ماعمره قالي لاء في خصوص أهلي ، بالعكس لما يشوفني فترة مانمت عندهم ، يقول لي : وش رايك تنامين عندهم !!

قلها لزوجتك مرة وانظر كيف ستكون ردة فعلها ، ستتعلق في رقبتك وتكون بين يديك كالأمة ..!

أنا بصراحة لو زوجي يمنعني من كل الناس ماهمني ، بس يمنعني من أهلي (زيارة أو مبيت) والله لأقيمن الدنيا ولاأقعدها ..

وفقك الله..

__________________
أحب جبالك يالجنوب وأحبك لأنك أنتي الجنوب

زرقة البحر :
هدّي نفسك شوية الله يخليكي ، وأفضّل إنك تراجعي كلامي أولاً قبل ماراجع أنا ردودك .

من قال اني أمنعها من النوم عند اهلها ! أنا قلت عند أهل أهلها وهي تصير مرتين بالسنة ولعلمك في مدينة غير المدينة اللي نا فيها . وحتى لو كانوا بنفس المدينة فاهل أهلها يخصو أمها بالنوم وهي تختص بالنوم فقط عند أمها.

أما أهلها أنا ماني حارمها منهم وذكرت هذا بردّي فأنا أتركها تنام عند أهلها كل 3 أسابيع يوم-يومين وزيارة ثابتة كل اسبوع . هذا أهلها مو أهل أهلها !! هناك فرق وماباقي إلا تقولي لي خلها تنام عند جيرانكم وش فيها .

أهل أهلها خللي بالك قبل لا تغرّقيني يازرقة البحر ونا مالي مزاج الان أسبح الله يرضى عليكي .

أوووووووووووه آسفين على الإزعاج ..

نحاول أن لانسئ الفهم مرة أخرى ..

وفقك الله..

__________________
أحب جبالك يالجنوب وأحبك لأنك أنتي الجنوب

والسبب يرجع بالاول والاخير لطبيعة الحرمه هنا انها ظعيفه وماتقدر تسوي شي الا بشور زوجها تشوفها تخربط وتهدد واللي يشوفها يقول بتسوي شي وهي ما عندها ما عند جدتي فهالاسلوب اللي هو اسلوب زوجتك عادي وطريقتك معها طبيعيه وترفع الظغط..


أنا مع الأخت دانة إحنا نعصب عالفاضي ونقول كلام نندم عليه بعدين.. الزوجة تبغاه يتكلم مو شرط يهاوش لكن يحاول يهديها بالكلمة الطيبة والحنان راح تحس إنه مهتم بإنه ينهي الخلاف لأنه يحبها و مايبغى يزعلها لكن لما يسكت تفكر إنه مو مهتم فيها ولا يحبها.. وبعد ماتهدى وتتصافى النفوس راح تعترف بغلطها وتعتذر وصدقني راح تحاول تتغير عشانه وتخفف من عصبيتها وتمسك نفسها عن الكلام الجارح أنا أقولها وعن تجربة أنا مع زوجي كنت كدة ودحين الحمد لله صرت أحسن وعصبيتي خفت.. إذا كان زوجها مايتحملها مين حايتحملها مع العلم إذا كان العكس الزوجة حاتصبر فليه؟ هي تصبر عليه وهو أول ما يشوف منها شي يروح على طول يبغى يزوج عليها بصراحة هذا ظلم


أتمنى التوفيق للجميع...

الصراحة ما فيها شيء مادام مرتين في السنة.. ليه تخليها غصه فحلقها كل أهلها متجمعين وسوالف للصبح ومبسوطين ومعاها أمها ليش النكادة.. بكذة ضيعت كل خيرك وطيبتك.. يعني تخيل أصحابك يطلعوا اليحر أو البر مرة أو مرتين في السنة وجات مرتك نكدت عليك وقالت أبغاك تجلس في البيت زوجي ابيه يمي.. والله تضرب طلبها بعرظ الحائط وتروح لأن مالها سلطة عليك ولا تقلي ما أروح اجلس إذا قلت كذه يعني ما عندك أصحاب.. وعلى فكرة أنت تغير من تعلقها بعائلتها الكبيرة واتفاقها فيهم وتخاف يخربوها عليك ويفتحون عيونها على أشياء هي مهي منتبه لها..

أخي صحيح انت زوجها ويجب أن تطيعك.. لكن الفتاة لم تتزوج لتفقد شخصيتها وتذوب بشخصية زوجها بل لها شخصية مستقلة لها رغباتها واحتياجاتها.. لم تعد طفلة في بيت أبوها يقلها لأ يعني لا هي كلمة وحدة روحي إذلفي ودقي رأسك في الحائط ما في روحة.. بعدين تروح على أمها تتوسط لها وتذهب الأم وتقنع أبوها وبعد ما يوافق تنطنط من الفرح !! أنت زوجها وعشيقها الذي يحررها من الطفولة ويدخلها في عالم الكبار المستقلين بذاتهم.. ليس لك أي حق أن تمنع زوجتك بما هو متعارف عليه بين أهلها وبنات خالاتها.. على فكرة مثل ما قلت أن كلماتها اللي تمتمت فيها حزت في نفسك فرفضك لذهابها حز في نفسها أكثر.. أسألك ايش تستفيد من حرمانها من السفرة ؟ غير أنك كسرت نفسها ونكدت على محبوبتك وهي أصبحت أقل عطاء.. الحياة أخذ وعطاء ورأيي الإنسان قابل للتغيير لن ينقص من كرامتك أو رجولتك أمامها أو أمام أهلها لو غيرت رأيك ووافقت على ذهابها في المرات المقبلة.. تذكر أن لها أب وأم يحزنزن عليها ويتمنون لها اكتمال سعادتها من كل النواحي.. تأكد أن أمها لن تأنس في تلك الجمعة بدون ابنتها.. وأبيها لسان حاله يقول ايش هذا الزوج العكرة اللي أعطيته بنتي.. ولو كبرت ابنتك وتزوجت وسرت العادة وزوجها قال ما تروحي عند جدتك ما هو شعورك ؟ عندما قال الرسول صلى الله عليه وسلم أن النساء يكفرن العشير.. فزوجتك والله أعلم سوف تترك كل شيء جيد فيك وتقول زوجي يقهر ما يخليني أروح.. والنساء ناقصات عقل ودين لن تنظر للموضوع من منظورك انت.. هي كل تفكيرها ينصب بأنك ما خليتها تروح دون أن تراعي الأسباب .. معليش مشيها على قد عقلها.. وارفق بها ( رفقا بالقواربر ) يالله تعوذ من الشيطان وخليها تروح لا تكسر نفسها على دنيا زائلة كم راح تعيش 200 سنة الإيام تننقضي وتمشي بسرعة ما يحوج كل هذا العناد والتنسك بالرأي.. لأن مو حلو في حقها.. ولو تدري... كم سةف تتشمت بنات خالاتها وقرايبها فيها.. ويعتقدوا انك شاكمها ولاوي أذنها فيفرحوا ويقولوا الحمد لله أزواجنا أرحم.. فخذ بيد زوجتك وارحم نفسها الضعيفة وكيد عذالها واقهرهم وأرسلها معهم..واحتسب أمرك لله.. ولا تقسي قلبك.. ولا تخاف ما راح تتغير عليك وما راح تتركك فالرجل لمن يلاقي ان للزوجة طهر وعيلة يخاف انهم يوقفوا معاها ضدة ويخاف انه يخسرها فيسيطر عليها ويعاملها كأب آمر ناهي ليضمنها.. لا أخي بالعكس بهذه الطريقة تنفرها منك وتستعجل الخلاص منك.. وسع صدرك ولا تحرمها اجازتها النفسية من كرف البيت وملاحقة الأطفال... وإن شاء الله في ميزان حسناتك.


وفقكم الله لما يحبه ويرضاه.

أختكم في الله

Miss Hawaii

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]