من اول مانولدت للحين "17 سنة"مافكرت انظر نظرة غضب لامي.. ولافكرت حتى ازعل منها !! ..
انتي تعرفين عن من قاعده اتكلمين؟
اتكلمين عن امج؟ الي حملتج في بطنها تسع شهور وربتج ووفرت لج الي تبينه ويوم وصلتي هالعمر تقولين هالكلام؟
وليــــــــــــش!! عشان واحد حبيتيه ؟؟؟
صدقيني.. امج رفضته .. لانها هي تشوف شي انتي ماتشوفينه .. وانتي لكثرة حبج له ماتشوفين فيه شي غلط لكن اهلج ادرى بمصلحتج ..
اسمحي لي لكني تعجبت من طريقة اسلوبج في الكلام عن امج تذكري ان رضاها من رضى الله ..
والواحد يسوي كل الي يقدر عليه ولو كانت امه قاسيه وياه بس عشان يرضيها..
تعرفين ان الانسان مايدش الجنة ولايشم ريحها اذا الام غاضبة عليه .. الا اذا رضت
وانتي تسوين الشي الي يغضبها وتتمنين لها التعاسه ..
هذي وهي امج؟؟ شلون لو كانت عدوتج .. عقب هالسنين تبدين شخص عرفتيه من كم سنه على امج الي ربتج .. الي لها السبب في تواجدج بهالدنيا..
انتي ماتعرفين شقاعده تسوين .. قاعده تتبعين قلبج
اتبعي عقلج .. واتركي عنج هالاشياء الي بتعفس دنياج واللجئي لربج مالج غير الله ان مالقيتي الي بغيتيه عند امج وابوج..
مهما سوو فيج ومهما قسو عليج هذول بيظلون والديج الي ربوج من يوم وانتي صغيره لين الحين ..
يمكن امج ماتحسسج بالحنان او اي شي.. لكنها مستـــــــحيل مســــــــتحيل تكرهج.. ومستحييييييييييييل تتمنى لج الشر
كل ام تتتمنى لبنتها الخير والله ان امج مارفضته الا انها اتمنى يجيج الي احسن منه .. وانتي المفروض تفرحين .. عندج ام مهتمه !
وبعدين انتي تكررين عبارة "ماراح اسامحها" تذكري والله امج مب خسرانه شي الخساره الكبرى لج .. انتي الخسرانه يا يختي.....
تبدين "حبيبج"على امج؟؟؟ خافي الله في نفسج وفي هلج وتعوذي من بليس ولاتفكرين بهالاشياء الي بتهدم حياتج ومستقبلج وانسى الماضي وعيشي الحاضر
وسارعي بالتوبة ولاتقولين الموت فيه راحه .. لا والله انتي ماتعرفين الواحد شيلقى بعد الموت من العذاب والسؤال وراح تتمنين انج ترجعين الدنيا بس عشان تبوسين راس امج وتستغفرين عن كل كلمة قلتيها..
ولاتنسين ان العلاقه الي بينكم ماكانت شرعيه .. "محرمه" والله مب راضي عنها...
تعتقديــــــــن.. وانتي تمارسين الحرام .. بترتاحين في موتج؟؟؟؟؟..
اختي ..
انا ماقولج هالكلام الا وانا حاسه بضيقه من الكلام الي قلتيه ومابيج تلهين بدنياج وتنسين اخرتج وربج..
شيلي هالكلام من راسج ولاتقصين على نفسج وتعيشين في اوهام وعيشي الواقع..
والله لو قطتني امي في النار اني ماشيل بقلبي عليها ولاذرة حقد.. لاني عارفه ان بالاحسان لها بلقى الجنه
قست عليج ..انحرمتي من حنانها.. وكرهتج في عيشتج.. عامليها بالاحسان لو مهما سوت فيج
انتي صابره ... مب المفروض تحمدين ربج على هالنعمه؟؟ انتي من الصابرين.. والصابرين لهم باب بالجنه يدخلوون منه
فكري باخرتج.. اذا الله استجاب دعائج ومتي.. ودفنوج .. بالقبر,, عند الســـؤال.. ونسالتي عن دنياج وشسويتي فيها؟؟
شبتقولين؟ اكلم واحد كل يوم واحبه.. ولا كنت اكره امي واتمنى لها التعاسه.....؟؟؟
لاحول ولاقوة الا بالله ..
اختي العزيزه..
وعسى ان تكرهوا شيئاً وهو خيراً لكم..
انتي ماتعرفين وين الله كاتب لج الخير.. وماتعرفين شممكن يصير بعد هالزواج ..
انتي عرضتي مشكلتج آمله منا الرد..
واحنا نعطيج الحلول الي بتسعدج ..
والله يهديج ان شاء الله ..
واذا انصكت جدامج كل الابواب ومالقيتي الحل.. مالج غير الله .. ربـج ينتظر منج دعوة صادقه من قلبج ..ينتظر منج تتوسلين له وتدعينه..والله ان شاء الله بيكون معاج وبيكتب لج الي فيه الخير والصلاح ان شاء الله
اسمحي لي اذا كان اسلوبي ازعجج..بس من شدة اهتمامي وحرصي على رضى والدي .. ماقدرت استحمل وطلعت كل الي بقلبي ..
التعديل الأخير تم بواسطة *Girlie* ; 31-10-2005 الساعة 10:27 AM
31-10-2005, 10:14 AM
ضوابط المشاركة
العرض الشجري