اخي الكريم فيصل
انا حرمه واعرف ان الام لازم تربي بنتها على الستر والادب والاصول
بس ماكنت اعرف ان الولد بعد لازم يتربى على الغيره !!
حسبتها تجي بروحها وانها فطره يغار الولد على امه واهله ولمن يتزوج يغار على زوجته وبنته
بس ماقصرت ياخوي على هالمعلومه وراح اعلم ولدي وافهمه واشربه الغيره شرب مثل ماقلت
وماقول الا جزاك الله خير ورحم الله والديك وماقصرت
وجزى الله القائمين على هالمنتدى واعضاءه كل الخير
واللي كانوا سبب لخدمتنا ومساعدتنا لمافيه الخير لنا ولأبنائنا

كل الشكر

__________________

اختي الغالية صريحة جدا

ضحكتيني على سالفتك مع عيالك وابو عيالك سبحان الله كأنك تتحدثين عن حالي

لا اله الا الله ..........ما ادري اشفيهم الرجاجيل ...........والله كنت اظن انه بس زوجي

متغير ومعتفس ............الله يستر عليهم ويصلحهم يارب

والله وانا اقرأ ما تكتبين كأنك تتحدثين عن حياتي مع زوجي وعيالي

نفس الشيء بالضبط ونفس الحركات ونفس الاحداث ............والله اقرأ واضحك

خاصة من سوالف العيال ...........

فكرة جيدة تحطين ولدج في الجيش .............حطيه في الجيش وامني

صدقيني بيصير رجال .............

واذا سجلتيه في الجيش في اجازة نهاية العام .........ما راح يثبتونه على طول هي فترة سنتين

فقط ...........الدوام في اجازة نهاية العام ...........وايام الدراسة ينزل له الراتب بدون ما يداوم

بعد السنتين يطلعونهم ويحطون غيرهم ( جندي طالب )طبعا

يارب يصلح لنا ازواجنا وعيالنا ويوفقنا لما يحب ويرضى .

عندي اقتراح ...........اشركيه في رحلة اليوم الثلاثاء منظمها نادي قمم تابع لجمعية قطر الخيرية

ممكن تسجلينه وانا متأكده انه راح يستفيد ..........لاني مجربة احط عيالي معهم كل سنة

عندهم انشطة رائعة في عطلة الربيع وعطلة نهاية العام .

تحياتي لك اختك / دفء الحياة .

اختي الغاليه دفء الحياة
كعادتك خدومه ومفيده
غاليتي دفء فتحت ايميلي ولقيت ردك وقعدت اتصل من الساعه 3 على البداله وعلى جمعية قطر الخيريه ومايردون يمكن يفتحون الساعه 4 ودي اعرف منهم عن نادي قمم كلمت عيالي عنه ووافقوا ويسالوني تفاصيله وماني عارفه شي عنه ويسالوني من راح له وهل هو حلو والا لا ووش فيه ووو وانا ماعرف ارد عليهم ومادري وين مكانه وزوجي نايم للحين ويبيله ساعه حتى يقوم اتمنى يحالفج الحظ وتقرين ردي اللحين واعرف عنه زياده او وين مكانه وانا بحاول اتصل بعد يمكن يردون علي الساعه 4 مابقى شي
اشكرك جدا والله يوفقك ويسعدك ويخليك لزوجك وعيالك ولهلك ولنا كلنا

اختك صريحه جداً

__________________

اشكرك جدا اخي فيصل على المساعده
وفعلا الاب خير قدوة للابن ولكن حاليا لاينفع فمجلس زوجي للتدخين فقط ومشاهدة الافلام الاجنبيه والمسلسلات والكوره
لاشي هادف ولا سوالف مفيده بل كل واحد منهم يحمل مرضعته ( السيجاره ) ولم يفطم منها بعد
فمجلسهم مجلس سوء لاولادي وضرر على صحتهم وانا اخذهم لمنزل والدي ومجلس والدي انا
فهو نعم المجلس ونعم الرجال وبه محافظة على الصلوات كلها في المسجد

وفي العطله اخلي كل يوم واحد ينام في بيت جده وبالدور حتى يحتكون بجدهم اكثر

اسال الله يهديهم ويصلح حالهم ويثبتهم ويهدي زوجي ويرده لصوابه ويهدي جميع المسلمين والمسلمات

وجزاك الله كل خير

__________________

اختي الكريمه دفء الحياه ردوا علي وفهمت منهم تفاصيل هالنادي ومكانه
وقالوا لي خلص التسجيل فيه والدوره انتهت اول امس بس بيفتحون دوره جديده للمرحله الاعداديه فقط يعني تنفع لولدي
وراح يردون علي وانا بعد بتابعه حتى اعرف متى يبتدي
والجيش ان شاء الله راح اسعى ادخله آخر السنه غصب عنه بسجله لانه رافض وان شاء الله يقبلونه ومايقولون لي سنه صغير
واشكرك جداً يالغاليه استفدنا منك شي جديد ومفيد كالعاده
تحياتي وشكري الجزيل لك

اختك صريحه جداً

__________________

اختي الغالية........... صريحة جدا

لا شكر على واجب .........الله يوفقك ويسعدك ويصلح لك شأنك كله .

تحياتي .......اختك / دفء الحياة .