صراحه اللي بيطبق قاعدة الكبيره أول بعدها الصغيره هذا بيكم على بناته بالعنوسه أنا بالنسبه لي عادي لو تزوجت اختي الصغيره قبلي خاصه انها في سن زواج يعني مو معقوله تنتظرني طيب واذا ربي كاتب اني ما أتزوج ليه أحرمها !! الحمد لله هالشي مو موجود بعايلتنا لكن المفروض ذوقاً من أهل العروس يشاورون اختها الكبيره ويخلون الموضوع عادي يعني مو بالدس و الخفيه وبعدين يقولون اختك انخطبت !!
عموما انت ما غلطت وهذي قسمه ونصيب لكن الغلط ان وجد من اخت العروس وأهلها المفروض يقنعونها ان هذي كتبة الله وهذا قضاء وقدر

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

اختي شوبارد

اولا احب ان اقول لك انني من اشد المعجين في كتاباتك ومواضيعك وكلامك

بصراحه اشترك معك في صفات كثيره وارتاح لك

ثانيا الف مبروك وعقبالنا

ثالثا اختي هذا نصيب من الله وهذا المتكوب وقد يكون نصيبها متعلق في نصيب اختها

انا اعرف لك ثنتين من اقاربنا خوات الصغيره دائما تنخطب والكبيره لا واهلها رافضين تتزوج قبل اختها

بعد فتره البنات بصراحه كبروا وتعدوا الثلاثين وقلت فرص الزواج خصوصا الاخت الصغيره ماصار يجيها احد بعدين انخطبت قبل اختها واضطروا يوافقون اهلها

تجلس عندهم وحده ماتزوجت اهون من ثنتين بس سبحان الله بعد زواج اختها بشهر انخطبت وتزوجت

والحمدلله الحين عندهم عيال ومتوفقين

حبيبتي لاتتاثرين ولاتتضايقين

السلام عليكم ورحمة الله وبركاته

كيف الحال اخواني وخواتي اعضاء المنتدى

انا من فترة مسجله واتابع بالقرايه بس وحبيت اشارك بموضوعج اختي شوبارد
اختي شوبارد مبروك ملجة اخوج ومنه المال ومنها العيال والفال لج
ونت اختي مالج ذنب كل واحد ياخذ نصيبه وموقف اخت زوجه اخوج ماله داعي
انا خواتي واخواني كلهم تزوجوا والحين عيالهم وبناتهم ماشالله تزوجوا منهم عدد لابأس به ومنهم الله رزقهم بعيال والحمد لله انا ماتكدرت بالعكس فرحانه لهم ورقصت بزواجات اخواني وخواتي وزواجات عيالهم وان شاء الله ارقص في زواجات احفادهم
مع اني صكيت ال40 وللحين ماتزوجت بس مش مهم المهم اني راضيه ومقتنعه بنصيبي

الف مبررروك شوبارد و انت قلبج طيب و الزواج في النهاية قسمة و نصيب

عزيزتي شوبارد..
والله أحبك في الله..

بس ..

أخاف عليك..
أخاف لو اختك تنخطب قبلك..
شاللي راح يصير فيك..
أنا ما أتكلم عن الانهيار والحزن و و و ..
ولكن.. القلب
أخاف ياحبيبتي طيبة قلبك تتحول إلى حقد عليها..

عزيزتي فكري في الموضوع..
لو إن الاخت الكبيرة الله كاتب لها ماتتزوج طول عمرها..
تنحرم باقي أخواتها..
بدل ماتكون بنت من البيت مش متزوجة..
يكونون 3 أو 4؟؟
والله حرام..


الله يرزق الجميع..

مبروك لاخيكي و عقبالك شوبارد و جميع الاخوات في المنتدي
شوبارد الزواج قسمة و نصيب و اختها تو ما جا نصيبها . كل واحدة من تخلق مكتوب نصيبها
و حتي لو عرفتي يمكن ما اختارتيها لان يمكن ما تنا سب اخيكي

والله لو عندنا ايمان بقضاء الله وقدره ما كان حصل مثل هذا الموقف
المسألة مسألة نصيب وهذي أرزاق يوزعها الرحمن كيف يشاء وهو أعلم بعبادة
والله ما حرم إلا ليعطي
وما أبكى إلا ليُضحك
وما أحزن إلا ليُفرح
الله سبحانه وتعالى كريم ولطيف بعبادة
قد يكون إبتلاء وقد يكون عقاب على ذنب
فمن رضى فله الرضا ومن سخط فعليه سخطه
دائما أنا أدعوا بهذا الدعاء
اللهم رضني بقضائك وبارك لي فيما قُدر لي حتى لا أحب تعجيل ما أخرت وتأخير ما عجلت
وانتي لم تفعلي شيء خاطي هذا نصيب أخيك وفقه الله
دمتم