الله يجزاكم على خير والله فيه ردود أقنعتني.. وكلام اخوي صاحب رأي سديد وقفت عنده كثير

أحب أوضح ان مواقف الشوفة الشرعية اللي مرت فيني للأسف أكثر من موقف




ام حور

هلا بك يالغالية الله يتقبل منكم صالح الأعمال والله يجزاك خير عالدعاوي عسى ربي يستجيبها

عندي احساس ان عندك اخبار حلوة الله يفرجها علي وعليك

__________________
اللهم لك الحمد والشكر
"ولئن شكرتم لأزيدنكم"

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

أختى شوبارد

يعني كم اللي شافوك اثنين ثلاثة أربعة ؟ هذولا ماهم مقياس

لعلمك شوبارد فيه بالشباب ناس ماعندهم ثقة في انفسهم 0

هم اصلا ضعيفة شخصياتهم ولما يشوفون وحده طويله وحلوه ورزه

يظنون انها بتكون اقوى منهم شخصيه فيخافون أنها تسيطر عليهم0

انا اقول الله فكك يابنت الحلال منهم لانهم حتى لو تزوجك واحد منهم

بيصير في صراع مع عقدة النقص اللي فيه وبيزهقك بتخيلاته أنك تسيطرين

عليه حتى لو كنتى ماسيطرتي بس هو يورا له كذا من النقص اللي عنده 00

عموما ولاتهتمين ولا تسألين عنهم لانهم ماهم كفو لك ولاهم وجيه نعمه 0

وعلى قولة الأولين الفرس الأصيله مالها الا خيالها أصبري ويسهل ربك 0

مانبي احباط شوبارد انا وضحت لك الصوره بشكل كافي زين ؟؟

لك تقديري واحترامي


اخوك الكبير

حبيبتي شوبارد تبين اهون عليج انزين سمعي

شرايك بالبنت اللي يتقدمون لها وايد وتصير المقابله الشرعيه والمتقدم وهله كلهم ينعجبون بالشكل وبطريقة الكلام والاسلوب وغيره و يمدحون ليما يتعبون ، انزين والبنت من اول ما يطلعون تحس بانها مب مرتاحه او مختنقه او ان لا لا مب اهو المطلوب مالها الا ترجع حق رب العباد الكريم وتصلي استخاره وطبعا ما تحس بشي غير انها ما تبيه لا مب اهو. وبعدين الموقف المحرج اللي ينحطون في الاهل للرد على اهل المتقدم بالرفض وتانيب الضمير اللي تحسه البنت والكلام اللي ناس تقوله بانها ما تبي اتزوج او يمكن عندها احد معين مع اني الحمد الله ينضرب فيني المثل بالاخلاق بس الناس لازم تسبب هالامر لانه مب طبيعي انا ما لوم احد شرايك بهالاحاسيس وامها كله اتصيح وتقول بيضيع عمرج وانا لازم احصل حل لان اللي انتي فيه مب طبيعي اكيد سحر او عين (معذوره لان العدد مب طبيعي) تصوري ان هذه البنت اهي انا تعبت صرت اخاف ان احد يتقدم لي ما ابي احد يتقدم لي لان الصراع اللي اعيشه مع نفسي علشان اضغط عليها علشان اوافق والصراع والمناقشات اللي مع هلي وبعدين الاحراج اللي اوضع هلي فيه وتانيب الضمير على احساس الشخص اللي متقدم لي والكلام اللي صار وبيصر حولي .

انا اعيش صراع نفسي والله مب هين الله لا يكتبه حق احد .
لا تفهمون من كلامي السابق اني انا رافضه الزواج بالعكس انا ابي اتزوج واكون اسره وعائله وكل يوم احلم بهذي الشي ما تصورين واتم احسب اشكثر فرق بالسن بيصير بيني وبين ابني وا بنتي اذا الله كتب واعطاني الذرية والزوج . بس ارجع اصبر روحي واقول الله دائماً كاتب لنا الاحسن وهو الكريم لا يحمد على مكروه سواه.

حبيبتي حبيت اقولك قصتي بس علشان تهونين على روحج يقولج من يسمع مصيبت غيره تهون عليه مصيبته
والله يكتب لج اللي فيه الصلاح ويرزقج بالزوج الصالح (وماتدرين يمكن نكون من حور الجنان) الله كريم والحمد الله على كل حال وامر

قسمة ونصيب

وقد يكون تاديب من رب العالمين لعبد توكل على الاسباب (جاه منصب جمال مال واسطه ال....خ) ونسي خالق الاسباب
فكان توكله على الاسباب لا على الله فقوي ايمانك بالله ولنعلم جميعا ان الامر كله بيد الله يعطي من يشاء ويمنع من يشاء ويعز من يشاء ويذل من يشاء ويرزق من يشاء ويحرم من يشاء ولكل شي اسبابه ولا يظلم الله عباده ولا ننسى ان العبد يحرم النعم, ويرد دعائه, بسبب ذنوبه


اعانكي الباري

ورزقك ما تتمنين وبإذن الله سيوفقك الكريم العليم بامور عباده بزوج صالح يتقي الله فيكي

__________________
اللهم انك الحق وقولك الحق اللهم فاعني على امري ومشروع خطبتي وزواجي وبارك لي في ابنة عمي واجمع بيننا على خير
اللهم ان الحرام امره يسير والوصول اليه غير عسير فاحفضنا بحفضك فاننا عبادك المؤمنين بك ندعوك وحدك لانشرك بك , اللهم وارينا معالم غيرتك ونصرتك لحبيبنا وحبيبك محمد صلى الله عليه وسلم اللهم اني احبه فاجمعني به واجعلني رفيقه بالدنيا بسيرته واتباع سنته وفي الاخره بصحبته ولقائه اللهم وصلي وسلم على نبينا محمد وعلى اله وصحبه وسلم عدد خلقك ورضى نفسك وزينت عرشك ومداد كلماتك